Isr. 12:1 - Yus Papí: Shuarja̱i̱ Yus Yamaram Chicham Najanamu

¹ Ashí ju̱ nuṉkanam túrajnia nuka shuar nakuruiniak tsékena nuja̱i̱ nakumkamniaiti. Ashí shuar yaunchu Yusan shiir enentáimtusaruka téntakar íirmainiaji. Tuma asamtai ashí kijin ana nusha tura ashí yajauch túramu itit awajtamaj nusha ajapa iniaisar tura katsuntrar tsékeṉkir jeatái.

Isr. 12:1 Iomraidhean Croise

Juup 8:10

Yáunchuya̱ aarmia nusha jintintramachartatuak tura ni enentái̱ya̱ jiinia nú chichamchanak ujatmákartata.

YKan. 18:23

Níji̱a̱i̱ṉkia esetran wekainiuyajai. Túran yajauch wakeruktinniasha túrachmiajai.

Isk. 38:16

Túrunarum Wi shuarja̱i̱ mánaiktaj tusarum yuraṉkim nuṉká utsantra núniktatrume. Nuka amukatin tsawant jeakui túrunattawai. Kame ámin Kuká, túrattajmena nuna iisar uunt nuṉka mátsatkamu ainia nusha Wi Tunaarinchaitjiana nuna amiini̱ nekarawarat tusan Winia nuṉkar itiurchat awajka̱i̱ tusan áminkia itiattajme’ tawai” tímiayi.

Isk. 38:9

Tura ámeka winiakum, yumi naseja̱i̱ winiana ímianikiam winittiame. Núnismek ashí ame suntarumji̱a̱i̱ núnisaṉ chíkich nuṉkanmaya̱ suntarja̱i̱ iruntrarum winiakum yuraṉkim nuṉká utsanar nukúa nútikiattame túramui Uunt Yus’ titiá” turutmiai.

Mat. 10:22

Tura Winia ajasu asakrumin mash muí̱jramkartatui. Tura tuke katsuntea nu uwemprattawai.

Mat. 24:13

Tura shuar ashí nuna katsuntea nu uwemprattawai.

Mar. 10:50

Tuíniakui nisha esekmatai̱ri̱n ajapa ikiuak wajaki̱ Jesusan tseke tarimiayi.

Ruk. 12:15

Nuyá̱ tímiayi “Péṉker enentáimsatarum. Ni takakna núja̱i̱ṉ shuar iwiaaku áchatniuiti. Tuma asamtai kuítrintin ajastin aya nuke enentáimsaip.”

Ruk. 16:28

Nui̱sha winia yatsur seṉku matsatainiawai. Nisha ju̱ wáitsatniunam tácharat tusa ujatrúkarti, tájame.’

Ruk. 21:34

Nu tsawant aya aneachma jeattawai. Ashí aents ju̱ nuṉkanam pujuinia nu, nuna enentáimtsuk pujuiniai̱ jeattawai. Tuma asamtai atumsha anearum wekasatarum. Yajauchiniam emetnarum, aya yurumátniuk, aya umartiniak enentáimtusrum ju̱ nuṉkanam ana nu ti wakerakrumni̱ṉkia péṉker enentáimsatin tujintkiattarme. Nu atsutí tusarum tura nu tsawant aya áwaktamka̱i̱j tusarum péṉker wekasatarum.

Juaṉ 3:32

Tuma asa nayaimpiniam antukman tura wainkiamun áujmatui. Tuma ai̱ṉ ni chichame̱ncha peṉké anturainiatsui.

Juaṉ 4:39

Tura “Wi túramun ashí ujatkayi” nuwa̱ takui̱ Samarianmaya̱ shuar nu péprunam matsatainiasha untsurí Jesusan nekas enentáimtusarmiayi.

Juaṉ 4:44

Kariréasha Jesusa nuṉke̱ asamtai “Yúsnan etserniun ashí shuar péṉker anturainiawai antsu imia ni nuṉke̱ya̱ṉka nin anturainiatsui” tíchamkia Jesus.

Rum. 12:12

Ukunam Yus tsaṉkatramkattajnia nu enentáimtusrum warastarum. Wáitiakrumsha katsuntratarum. Tuke iniaitsuk ashí túrunamuja̱i̱ Yus áujsatarum.

Rum. 2:7

Shuar tuke péṉker túrak ashí shiira nunasha tura tuke amukachmin ainia nunasha wakeruiniana nuna Yus tuke iwiaaku Niji̱a̱i̱ shiir pujustinian súsartatui.

2 Kur. 7:1

Tuma asamtai aneamur yatsurtiram, nusha Yus timia nu, iin túramji. Nu tuma asamtai ii aya̱shi̱ tura ii enentái̱sha yajauch ajasá̱i̱ṉ tusar ashí tunáa ana nuyá̱ kanaktiniaitji. Túrar “Yusak nekas ii úuntri̱nti” takur ii aya̱shí̱sha ii enentái̱sha takamtsuk tuke tsawant Yus íktustiniaitji.

Kar. 2:2

Yus akupta asamtai Jerusaréṉnum wémajai. Tura nui̱ jean aya Yus shuara úuntri̱ji̱a̱i̱ṉ áujmattsamjai. “Jú̱nisnak ashí Israer shuarchan Yus Chichaman ujainiajai” tímiajai. Takasmajna nusha tura tuke takastinian enentáimjiana nusha ántar ai̱ṉ tusan tu áujmattsamjai.

Kar. 5:7

Atumsha Krístuja̱i̱ péṉker wekaimiarme. ¿Urukamtai nekas Yus timia nu iniaisatin enentáimprum ataksha akupkámunam waketkitin?

Ipi. 4:25

Nu asamtai chikichik aya̱shi muchitmari̱ asarum wáitrutsuk nekas chicham chicharnaisatarum.Sak. 8:16

Jir. 1:30

Yus Chicham pamparat tusar mái̱ metek ti takáa asar wáitiaji. Wi nuik ti takasmaj nu nekamarme. Tura yamái tuke takaaj nusha ántarme.

Jir. 2:16

iwiaaku pujustin chicham paant awajeakrum. Núja̱i̱ Kristu támatai atumíin ántran takascha asan ti shiir wararsattajrume.

2 Tim. 2:4

Suntarka ni uuntri̱ tana nunak umiktin asa chíkich takatan pachintiukchatniuiti.

2 Tim. 4:7

Shuar kakaram mánainia núnisnak tuke kakaram takasmajai. Tséken péṉker tsékea áintsanak yawe̱tsuk takasmajai. Tura Yus Chichaman nekas akasmatakun péṉker wáinkiaitjiai.

Isr. 6:15

Tutai Aprajám yáitmataik nákas Yus timia nuna wainkiamiayi.

San. 1:3

Iis, itiurchatnum pujakrum nekas Yus enentáimtaitkiurmeka katsuntratin unuimiártatrume.

1 Pit. 2:1

Tuma asamtai ashí yajauch ana nu iniaisatarum. Anaṉkartin ántar chichamtin átin, chikichna wakeruktin, ashí tsanumpratniusha iniaisatarum.

1 Pit. 4:2

Antsu “iwiaakjana nui̱kia Yusa wakeramuri̱n tuke umirkátjai” tu enentáimiui. Ni aya̱shi̱ wakerana nuna yamaikia páchiatsui.

1 Pit. 5:1

Yamaikia Yus shuara úuntri̱tirmin, jintintjiarme. Wisha núnisnak Yus shuara úuntri̱ntjiai. Kristu wáitsamuri̱n wisha wáinkiaitjiai. Tura ukunam ti shiir átatna nui̱ chíkich Yus shuara uuntri̱ya núnisnak wisha pachinkiattajai.

1 Pit. 5:12

Serpanuja̱i̱ ju̱ papin ishichik áarmaj nuna akupeajai. Serpanu Yusja̱i̱ péṉker wekaak Yusai̱ winia yatsur ajasuíti, núnaka nékajai. Yus waitnentrama asa tí yaintmakmania nuna ju̱ papiji̱a̱i̱ enentáimtikiajrume. Tura tuke ni waitnenkartutairi̱i̱n wekasatarum tájarme.

2 Pit. 1:6

Nuyá̱ yajauch túrashtin íimiastiniaitrume. Nuyá̱ katsuntratniuitrume. Nuyá̱ Yus shiir enentáimtusrum wekasatniuitrume.

Apu. 1:9

Wi Juaṉ atumji̱a̱i̱ métek waitia asan atumí yachi̱ntjiai. Núnisaṉ nayaimpiniam Yus akupeana nui̱ métek jeattaji. Tura katsuntrar nákastinian Jesukrístu mái̱ metek súramji. Yus Chichamnasha tura Jesukrístu timiancha étsereakun nayantsanam nuṉkach étentkamunam Pátmusnum sepunam apujsamua núnisaṉ pujumjai.

Apu. 13:10

“Shuaran emeta juinia nusha emetnattawai. Núnisaṉ shuaran naṉkiji̱a̱i̱ mainia nusha naṉkiji̱a̱i̱ mantamnattawai.” Isa. 33:1 Tuma asamtai Yajasma mesetan najanamtai Yus shuar Yus iistí tusar tuke enentáimtusar katsuntsar pujustin áiniawai.

Apu. 22:16

“Wi, Jesus, ashí Yus shuaran ujakárat tusan winia suntarun akupkajai. Wikia Tawit Weaitjiai. Túrasha Tawitia úuntri̱ntjiai. Wikia tí tsaapin yaa Yáṉkuamia áintsaṉketjai” tawai.

Apu. 3:10

Katsuntrata tímiaj nu, shiir umirka asakmin Wisha tí wáitsatin ashí nuṉkanam átatna nuyá̱ uwemtikrattajme. Nu wáitsatniuja̱i̱ ashí nuṉkanmaya̱ shuar nekapnasartatui.Rum. 14:10; 2 Kur. 5:10