Isr. 11:8 - Yus Papí: Shuarja̱i̱ Yus Yamaram Chicham Najanamu

⁸ Tura Aprajámsha Yusan nekas enentáimtak “núṉkem ikiukim wetá” Yus tutai shiir umikmiayi. Yus tuke nin súsatniua nú nuṉkanam wémiayi. Túrasha ni nuṉke̱n ikiuak ni jeatniun nékatsuk jiinkimiayi.

Isr. 11:8 Iomraidhean Croise

Naṉ. 11:31

Taraikia Kanaan nuṉkanam jeataj tusa Ur péprunmaya̱ jiinkí̱ wémiayi. Ur pépruka Kartíu aentsu nuṉkanmaiti. Tura Kanaan nuṉkanam wéak uchirí̱n Apraman núnisaṉ tiraṉki̱n Ráutan tura najati̱n Sarain aya̱miayi. Tura wéenak Kanaan nuṉkanam jeatsuk arakaani̱ Aran péprunam jeawar nui̱ matsamsarmiayi.

Naṉ. 12:5

Apramka ni nuwé̱ Sarain tura ni kaná uchirí̱n Ráutan núnisaṉ ni warirí̱ncha nuyá̱ Aran nuṉkanam pujus aentsun sumarmia nunasha weak mash yaruak Kanaan nuṉkanam wéar jeawarmiayi.

Naṉ. 12:7

Tura nú nuṉkanam Uunt Yus Apraman wantintiuk “Amé shuaran jú̱ nuṉkan susattajai” tímiayi. Tutai Apramka Yus wantintiukma asa Yusan shiir awajeak nui̱ kayan irumar Uunt Yus shiir awajkur áestutai̱n najanamiayi.

Naṉ. 15:5

Tura Uunt Yus Apraman “a̱a̱ jiinkitia” tinia chicharuk “Nayaimp nakaasa iisam yaa nekapmarianá. Wats jeakmeka nekapmarta. Yaa wáinmena imianú untsurí áme shuarumin awajsattajai” tímiayi.

Naṉ. 17:8

Amincha tura amiiya̱ ukunam akiiniawartatna nunasha Kanaan nuṉkan yamái pujamna ju̱na tuke atumnia atí tusan ashí susattajme. Tura Wikia ame Yúsrum tuke átatjai” tímiayi.

Naṉ. 20:13

Tura ‘Ame nuṉkemíinia̱ jiinkitia’ Yus turutmia nui̱ Saran chicharkun ‘Ii tui̱ jeatajⁱ nui̱ṉkia “Winia umaruiti” turuttia’ timiajai” tímiayi Aprajám.

Naṉ. 22:18

Tura ámeka Winia chichamur umirtuku asakmin ame shuarumji̱a̱i̱ tura ashí aents péṉker árat tusan péṉker awajsartatjai’” Yusa suntari̱ ujakmiayi.

Naṉ. 26:3

Yamaikia ju̱i̱ṉ pujusta. Wisha ámiji̱a̱i̱ pujustatjai túran amincha ame shuarumnia̱sha métek shiir awajsattajrume. Tura atumíin shiir awajeakun jú̱ nuṉkan takamtsuk amastatjarme. Nuna túrakun atumí aparí̱n Aprajáman anajmatramiaj nuna umiktatjai.

Isa. 41:2

Uunt akupin tuke awakmauncha etsa̱ jintiainmasha ¿ya iwiainiakma? Uunt akupniun wishikmai awajkar tura ni puya̱ri̱ji̱a̱i̱ ju̱yu̱ awajás núnisan tíshimkiuri̱ji̱a̱i̱ṉkia chiruntkan tsakiṉma nútikiat tusasha ¿uunt nuṉka tépaku ainia nunasha ya íiktussha iniaisama?

Isk. 36:24

Uunt Yus chichaak “Wisha atumín chíkich nuṉkanam pujuiniatirmin ashí juuka iruran atumí nuṉke̱ni̱ṉ awakearan matsastiniaitjiarme.

Mat. 2:21

Tutai Jusé nantaki̱ uchincha nukurí̱ji̱a̱i̱ jukí̱ Ejiptunmaya̱ Israer nuṉkanam waketkimiayi.

Rum. 1:5

Ni túramuja̱i̱ Yus shiir enentáimturuk nu uwempratin chichaman etserkat tusa akuptúkmiayi. Núnisaṉ ashí nuṉkanmaya̱ shuar nu chichaman umirkar Jesusa náari̱n shiir awajsarat tusa akuptúkmiayi.

Rum. 10:16

Tura ashí shuar uwempratin chichaman ántuiniayataṉ umirainiatsui. Isayassha yaunchu aak tímiayi “Uuntá, ¿yaki ii étserman antukaruit?” Isa. 53:1

Rum. 6:17

Atumsha yáunchuka tunáa umirniuitiatrum ikiukrum yamaikia nekas chicham antukurmena nu nekas atumí enentái̱ji̱a̱i̱ umirkaitrume. Tuma asamtai Yus ti yumiṉsatniuiti.

2 Kur. 10:5

Ju̱ nuṉkanmaya̱ aentsu jintíamuri̱ṉkia tura waantu enentáimtumamuri̱ṉkia Yus nekaatniun itit awajea nuka, nu naṉkiji̱a̱i̱ núpeteaji. Tura ashí ju̱ nuṉkanmaya̱ enentáimsatin yapajniak, emetamu áintsaṉ Krístun umirkarat tusar nu naṉkiji̱a̱i̱ núpeteaji.

Muis. 9:5

Kame átum péṉkera túrin tura naka enentáimin asakrumin ju̱ nuṉkanam waya̱ttarme túramtsurme. Antsu Uunt Yus jú̱ mátsatkamunmaya̱ aentsnasha netse ásarmatai átum íimmianun amukártatui. Ju̱ka atumí Uunt Yusri̱ atumí úuntri̱n Aprajáman, Isakan, Jakupnasha ju̱ nuṉkan nekas amastatjai timia nuna umiktaj tusa túrattawai.

Isr. 11:33

Nisha ashí Yusan nekas enentáimtuinia ásar Yusa kakarmari̱n niisháa niisháa iniaktusarmiayi. Nuna túruiniak chíkich chíkich nuṉkanmaya̱ aentsun nupetkarmiayi, nui̱sha péṉker akupkarmiayi tura Yussha ni timia núnisaṉ yaiṉkiarmiayi. Úunt ya̱wa̱ncha kajechu awajsarmiayi.

Isr. 5:9

Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi.

Jus. 24:3

Tumá matsamin áinian atumí apachrí̱n Aprajáman amaini̱ pujan itiamiajai túran Kanaan nuṉkanam itian apujsamiajai tura Aprajámnaka Isakan susamiajai túram pampaṉmiayi.

1 Pit. 1:22

Yus nekas tana nuna Yusa Wakaní̱ yáintmakui umirka asarum atumí wakaní̱n péṉker ajasuitrume. Yus shuarja̱i̱ yajauch enentáimtunaitsuk mái̱ anenai ajatai tusarum tura asarum nekas shiir enentáimtunaisrum mái̱ anenai ajatarum.

1 Pit. 3:1

Tuma asamtai nuwa̱tiram atumí aishri̱ umirkatarum. Amesha péṉker Yus umirka weká asakmin áishrum Yus chichaman umirchaitiat ame túramurmin nekáa ámeka chichaatsmini̱ṉ nisha Yus shuar ajastinian wakerittiawai.

1 Pit. 4:17

Yuska ni shuari̱n nekapsatajtsa naṉkamatniuiti. Tura nu tsawantcha jeayi. Yus imia iin nekapramkuisha Yus chichaman umirainiatsna nú shuarsha urukawartiṉ. Ti asutniáwartatui.