Isr. 11:5 - Yus Papí: Shuarja̱i̱ Yus Yamaram Chicham Najanamu

⁵ Enuksha Yusan nekas enentáimtak iwiaakuk nayaimpiniam junakmiayi. Yus jukimiu asamtai wáinkiacharmiayi. Tura Yus Chichamnum aarma “Enuk júnatsuk Yusan ti shiir enentáimtikniuyayi” tawai.

Isr. 11:5 Iomraidhean Croise

2 Akup. 2:1

Nuyá̱ Uunt Yus Iríasan wainchi nasenam pachia nayaimpiniam júkitin jearmiayi. Kame Iríaska Jirkar nuṉkanmaya̱ Iriséuja̱i̱ winiarmiayi.

2 Akup. 2:11

Tura nui̱ áujmatki̱ wenai̱ aya aneachma kawainium karu nenakma aya ji keekú wantintiuk akankaram Iríaska nase wainchi ajamunam páchitkia nayaimpiniam wakamiayi.

YKan. 89:48

¿Ya aentsua tuke iwiaaku játsuksha pujustiniait? ¿Jaka matsamtainmaya̱ uwemtikrattamek? (Séraj)

Jrm. 36:26

Nuyá̱ úunt akupniu uchirí̱ Jeraméeran tura Asriára uchirí̱ Serayásan núnisaṉ Apteera uchirí̱ Seremíasan akupénak papí ain Paruk tura Yúsnan etserin Jirimíassha achiktarum tusa akupkarmiayi. Túrasha Uunt Yus mai̱ ú̱karmiayi.

Ruk. 2:26

Kame Tunaarincha Wakan tu jintintiámu asa nu áishmaṉ Uunt Yusa KRÍSTURI̱ tutain wáintsuk jákashtinian nekamamiayi.

Ruk. 3:37

Ramik Matusarínia uchirí̱yayi, Matusarín Enuka uchirí̱yayi, Enuk Jaritia uchirí̱yayi, Jarit Maararíira uchirí̱yayi, Maararíir Kainiana uchirí̱yayi,

1 Tis. 2:4

Antsu Yus iin péṉker enentáimturmas uwempratin chicham etserkatarum tusa akatrámpramiaji. Tuma asamtai núnisrik étsereaji. Túrasha aya aents waramtiksatai tusar étsertsuji. Antsu Niṉki Yusak ii enentái̱n nekartamin asamtai shiir enentáimtiksataitsar túraji.

Isr. 11:6

Tura Yus nekas enentáimtachkumka ¿itiurak Ni shiir enentáimtiksatam? Nekas enentáimji̱a̱i̱ Yusan weantúktaj tusam wakerakmeka emka Yus iwiaakuiti tu enentáimpratniuitme. Nuya̱sha Wi Yusan imiá nekas e̱a̱kuiṉkia Yus winia yaintkiattawai, tu enentáimsatniuitme.

Isr. 2:9

Tura wáinjinia nu Krístuiti. Nisha aents ajas ishichik tsawant nayaimpinmaya̱ suntarja̱i̱ péejchach ajasmiayi. Yus ashí shuaran ti aneak jarukarti tusa wakerimiayi. Tura ni wáitias jakamuja̱i̱ yamaikia ti shiir naṉkaamas Uunt awajsamuiti.

1 Jṉ. 3:22

Tura ni wakeramu túrakrikia tura ni chichame̱sha umiru asakrin ashí ii seaj nuna suramsattaji.

Jut. 1:14

Ataṉka tiraṉki̱yayi Enuk. Ti peṉker Yúsnan etserin asa ju̱na tímiayi “Uunt Yus ti untsurí ni shuari̱ji̱a̱i̱ winittiawai.