Isr. 11:4 - Yus Papí: Shuarja̱i̱ Yus Yamaram Chicham Najanamu

⁴ Apir Yusan nekas enentáimtak Kainji̱a̱i̱ naṉkaamas péṉkera nuna Yusan susamiayi. Túramtai Yus “péṉkeraitme” taku shiir yumiṉsamiayi. Tuma asamtai Apir jákaitiat tuke enentáimtikramji.

Isr. 11:4 Iomraidhean Croise

Naṉ. 4:10

Tutai Yus chicharuk “¿Urukamtai ausha áitkiam? Ame yatsumi numpe̱ uputúrumna nu nuṉkaya̱ untsurun paant anturkajai” tímiayi.

Naṉ. 4:15

Tutai Uunt Yus chicharuk “Antsu ámin mantamaka siati asutiámu átatui” tímiayi. Nuyá̱ Uunt Yus Káinian máwara̱i̱ṉ tusa niisháa iira mantamnachmin awajsámiayi.

Naṉ. 4:25

Nuyá̱ ataksha Ataṉka nua̱rí̱ Ewa ajapruk áishmaṉkan takusmiayi. Tura enentáimias Kaincha yachi̱n Awiran maa asamtai yamaikia chíkich uchin Awira patai̱n Yus surusai tusa Set anaikiamiayi.

Naṉ. 4:8

Nuna túrawar iniaṉkasar Kain ni yachí̱ Awiran chichareak “Iiji̱a̱i̱ ajanam wetái” tímiayi. Tura ajanam jeawar Kain ni yachi̱n Awiran mámiayi.

1 Akup. 18:38

Nuya̱ṉka Uunt Yusa jiri̱ iniantar namaṉnasha kayancha jiniasha nuṉká ju̱yu̱ri̱ncha tura tautra téntakmanum entsa amia nunasha mash amukmiayi.

Juup 8:10

Yáunchuya̱ aarmia nusha jintintramachartatuak tura ni enentái̱ya̱ jiinia nú chichamchanak ujatmákartata.

Neka. 15:8

Yusan enentáimtichu shuar ainia nu súamunka Uunt Yuska muí̱jiawai. Antsu Nin enentáimtuinia nu seamka waras ánturui.

Neka. 21:27

Yusan enentáimtichua nu Yus áestuamu Yúsja̱i̱ṉkia muí̱jmiainti. Kame yajauch enentáiji̱a̱i̱ súamua nuka nuna naṉkaamas yajauchiti.

Mat. 23:35

Nu tura asarum péṉker shuara numpé̱ puarma nuja̱i̱ átum sumamattarme. Yámankamtaik Apir tí peṉker shuáraitiat mámuyayi. Tura ukunam Perekíasa uchirí̱ Sakarías atumí uuntri̱ Yusa Je̱e̱ ámanum Yus áestutai̱n ajapén átenkamunam máwarmiayi. Wats, Apir mámunmaya̱ Sakarías mámunam ashí péṉker shuar ti untsurí máamuja̱i̱ sumamattarme.

Ruk. 11:51

yamaiya̱ ímiaja̱i̱ maamu ainia nuna kame Apir mámunmaya̱ jukí̱ yamái Sakarías maamua tímiaja̱i̱ sumamtikramattarme. Taṉku maar Yus sutai̱ ámanum tura Yusa Je̱e̱n ajapén étenkamunam máwarmia nú Sakaríasan tajai. Nu tuma asamtai tájarme ashí ni etserniuri̱ mantamnawarmia nuna yamái matsatrumna nútiram sumamtikiamu átatrume.’ Naṉ. 4:8; 2 Túrun. 24:20-21

Tit. 1:16

Tura nisha “Yus shuaraitjiai” tuíniayataṉ Yusan umirtsuk niisháa túruiniawai. Tuma ásar nisha mui̱jmiai̱ áiniawai. Umichu ásar péṉkeran túratniun peṉké tujintiainiawai.

Isr. 11:2

Yaunchu ii uuntri̱ Yusan nekas enentáimtuiniakui Yus “péṉkeraitme” tiármiayi.

Isr. 12:1

Ashí ju̱ nuṉkanam túrajnia nuka shuar nakuruiniak tsékena nuja̱i̱ nakumkamniaiti. Ashí shuar yaunchu Yusan shiir enentáimtusaruka téntakar íirmainiaji. Tuma asamtai ashí kijin ana nusha tura ashí yajauch túramu itit awajtamaj nusha ajapa iniaisar tura katsuntrar tsékeṉkir jeatái.

Isr. 12:24

Nui̱sha Yamaram Chichaman iin chichamprútmajnia nu, Jesus pujawai. Ni numpe̱ ukatramuja̱i̱ Apira numpe̱ja̱i̱ naṉkaamas péṉkeraiti. Kame Apir ántar maamu asamtai yapajmiátrukta títinia áintsaṉ enentáimtaji. Antsu Jesus yajauch shuaran péṉker awajsartaj tusa jakamiayi.

Isr. 5:1

Tura Yúsnan pujurniu úuntri̱ṉkia shuar anaikiamuiti tura ni takatrí̱ jímiaraiti. Yusai̱ shuarnan chicharsatniuiti. Nuya̱sha Yus suíniamun súsatniuiti tura núnisaṉ taṉkun maa Yusan súsatniuiti shuara yajauchiri̱n asakátratniun.

Isr. 9:22

Nu akupkámuja̱i̱ peṉké ishichik numpa ukatkachmaja̱i̱ shiir awajsámniaiti. Túmaitiat numpaja̱i̱nchuka yajauch túrutai̱ peṉké asakárchamniaiti.

2 Pit. 2:8

Péṉker áishmaṉ asa, nuyá̱ aentsu yajauchiri̱n wáitiainiak, ni enentái̱ péṉker asamtai tuke tsawant kúntuts enentáimiuk wáitmiayi.

Jut. 1:11

Maa, aneararti. Kain yajauchin túramia núnis tura ásar jákartatui. Tura Paraama áinis kuítian ti wakeruiniak imia niṉki tunaanum tsaṉkamakaru áiniawai. Tura Kurái áinis ashí akupniun nakitín áiniak kajinkiartatui.