Isr. 11:36 - Yus Papí: Shuarja̱i̱ Yus Yamaram Chicham Najanamu

³⁶ Chikitcha katseknakarmiayi, asutniáwarmiayi, jiruja̱i̱ jiṉkiawar sepunam eṉkenawarmiayi.

Isr. 11:36 Iomraidhean Croise

Naṉ. 39:20

Tura akupin sepunam eṉken armia nui̱ ni uuntri̱ Jusen eṉkeamiayi. Túramu asa Juseka nui̱ṉ sepunmaṉ juákmiayi.

1 Akup. 22:24

Nuya̱ṉka Kiniana uchirí̱ Setekías weantuk Mikiayásan mishanam paat awatí chicharuk “Ámin áujtamsataj tusasha Uunt Yusa Wakaní̱sha winiasha ¿itiur naṉkatuki̱?” tímiayi.

1 Akup. 22:27

Tura chicharkum ‘Akupin chichaak “Wi aṉkant ajasa táamam jú̱naka sepunam eṉkeawar páṉnasha tura entsancha ishichik súsarti” tawai’ titiá” tímiayi.

2 Akup. 2:23

Nuna tura Iriséu Pitirnum waketmiayi. Tumai̱ untsurí natsa áishmaṉ jintiurar katsekainiak “¡Pakaka yakí̱ wetá! ¡Pakaka yakí̱ wetá!” tiármiayi wishikiainiak.

Jrm. 20:2

Tura Páshur Yúsnan etserin Jirimíasan awati Uunt Yusa Je̱e̱n yantam Piṉjiamínkia wáitiri̱ya nu sepunam eṉkeamiayi.

Jrm. 20:7

Uunt Yusá Ame anaṉkruame tura wi anaṉkamu wejai. Wiji̱a̱i̱ naṉkaamas kakarmaitme túram nupettukume. Ashí tsawant wishiktai̱ wejai. Wíniaka aṉkant aṉkant wishikruiniawai.

Jrm. 29:26

‘Yúsnan pujurin Juyata Uunt Yus ji̱i̱ki̱ ámin Yúsnan pujurin awajtámsaiti. Tura Uunt Yusa Je̱e̱n ashí áishmaṉ waurka ainia nu Yúsnan étserkui ame wáinkiarta tusa apujtamsaiti. Nu aents kuntujnum jiru wearmája̱i̱ jiṉkiawaram sepunam eṉkeawartiniaitme.

Jrm. 32:8

Uunt Yus timia ímiatrusaṉ sepú á̱a̱ri̱n winia iichru uchirí̱ Janamír winia tarutmiayi. Tura chichartak ‘Anatútnum tura Piṉjiamínkia winia nuṉkar ana nu waitneasam sumakta. Pujustinkia ame nérenniuitme tura sumaktinkia áminiuiti. Áminiu sumarmakta.’ Nuiṉkia Uunt Yus timia nuna nekamjai.

Jrm. 36:6

Antsu ijiarmátin tsawantai̱ Uunt Yusa Je̱e̱n waya̱m wi Uunt Yusa chichame̱n áamtikramajmena nu ashí shuar ántuiniamunam tura ashí Jutanmaya̱ shuar ni pépruri̱ya̱ taarmia nu ántuiniamunam áujsata.

Jrm. 38:28

Nuyá̱ Papirúnianmaya̱ suntar Jerusaréṉ peprun akintrúmam Jirimíaska suntar matsamtai̱ á̱a̱ri̱n pujumiayi. Warí Jerusaréṉ akintrúmam Jirimíaska nui̱ tuke pujuyayi.

Jrm. 39:15

Jirimíaska sepunam jintiá iin awajsámuya nuna á̱a̱ri̱n pujái̱ Uunt Yusa chichame̱ tarí chicharuk

Tan. 11:33

Nuyá̱ nú shuarnumia̱ neka ainia nusha untsurí aentsun nekatai̱n jintintiáwartatui. Túrasha ishichik tsawantak máamuksha tura áesamuksha ártatui. Túrutskesha achirar yaruakmasha núja̱i̱nchuka aya jú̱nik ujukamuksha ártatui.

Mat. 20:19

Tura Israer shuarchanum surutkartatui. Nui̱ katsekrukar awattiar krúsnum máwarti tusar túrutawartatui. Túrasha jákayatan menaintiú tsawantai̱ nantaktiatjai” tímiayi.

Mat. 21:35

Tura nui̱ pujuinia nu, akupkámun achikiar chikichnaka katsumkar chikichnasha máwar chikichnasha kayaja̱i̱ tukurar máwarmai.

Mat. 23:34

Untsurí shuaran akuptúktatjarme. Yúsnan etserniuncha, ti nekaancha, jintinkiartinniasha akuptúktatjarme. Tura atumsha chíkich máattarme, chikitcha krúsnum ajintruarum máattarme, chikitcha iruntai̱ je̱a̱nam asutiáttarme tura chikitcha ashí nuṉkanam áintrattarme.

Mat. 27:26

Nuyá̱ Piratu Parapásan aṉkant akupkámiayi. Tura Jesus asutiárum krúsnum mátarum tusa akupkámiayi.

Mar. 10:34

Nusha Winia wishikrurar katsumprukar usukruawar mantuawartatui. Túramaitiatnak menaintiú tsawantai̱ nantaktiatjai” tímiayi.

Ruk. 18:32

Úuntnum surukartatui. Túrawar wishikrar katsekar usukiáwartatui.

Ruk. 23:11

Tura Irutissha ni suntari̱ji̱a̱i̱ Jesusan yajauch enentáimtuiniak Nin wishikiainiak tí peṉker pushin akupniu entsatái̱ri̱ya ániun áentsrarmiayi. Nuya̱sha Irutis ataksha Piratuíi̱n akupkámiayi.

Ruk. 23:36

Suntarsha Nin wishikrarmiayi. Tariar churuinian aartai tusar awajiármiayi.

Tur. 21:33

Kapitiánkia Páprun jearí achikmiayi. Tura jimiará jiruja̱i̱ jiṉkiamiayi. Nuya̱sha aniasmiayi “¿Nisha yait? ¿Warinia túrait?” tímiayi.

Tur. 24:27

Tura nuya̱ṉka jimiará uwí naṉkaamasmatai Píriks akupin náamkamu ajapnamiayi. Tura chíkich aents, ni naari̱ Pursiu Jistu akupin náamkamiayi. Tura Pírikska, Israer shuar péṉker enentáimtursarat tusa wakerak Páprun sepunam tuke ikiukmiayi.

Tur. 4:3

Yamaikia kí̱awai kashin iismí tusar achik sepunam eṉkea iniaisarmiayi.

Tur. 5:18

Jesusa akatrámuri̱n achikiar eṉkeawarmiayi.

Tur. 5:40

Tú tutai tímianak umikiarmiayi. Túrasha Jesusa akatrámuri̱n untsukar asutiáwarmiayi. Tura chicharuk “Jesusa naari̱ pachisrum peṉké ishichkisha etserkairap” tiármiayi. Tú tiar akupkarmiayi.

Tur. 8:3

Antsu Sáuruka Yus shuaran kajerak tí pataatu wémiayi. Túmak nui̱ je̱á̱ wayá̱, nui̱ wayá̱ áishmaṉnasha nuwa̱ncha wainkiaṉka japiki̱ jukí̱ sepunam eṉkeataj tusa túrimiayi.

Ipi. 3:1

Nu asamtai atumín Israer shuarchatirmin yáiṉtaj tusan wi Papru Jesukrístunu étserkun sepunam pujajai.

Ipi. 4:1

Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume.

2 Tim. 1:16

Antsu Unisépuru niisháa shuar amai. Tí nukap shiir enentáimtikrurmai. Tura wi sepunam pujamuncha natsantrurchamai. Ii Uuntri̱ Kristu ni shuari̱ncha waitnentrarti.

2 Tim. 2:9

Nuna étsereakun sepunam jiruja̱i̱ jiṉkiamu pujakun wáitiajai. Túrasha Yus Chicham jiṉkiachminiaiti.

Isr. 10:34

Atumsha sepunam pujuarmia nusha waitnentramarme. Tura shiir warasrum kuítrumin atantramainiakuisha katsuntramarme. Nayaimpiniam tuke amuukashtin ashiji̱a̱i̱ naṉkaamas írunna nu achiktin asarum túramarme.

Apu. 2:10

Tí waitsattamna nu ashamkaip. Íwianch ashí nekapramsataj tusa atumíinia̱n sepunam eṉkeattawai. Nui̱ tias tsawant wáitsattarme. Jáakmesha tuke Yus shiir enentáimtusakminkia tawaspan nakurin súsatniua nútiksanak nekas iwiaakman tuke shiir pujustinian amastatjai.

Suma. 16:25

Kame ti warasar pujuinia ásar “Sansun ji̱i̱ki̱ itiatárum wíshikiakur warasarmi” tiármiayi. Tuíniakui Sansunan sepunmaya̱ ji̱i̱ki̱ itiar najankamu yusa je̱e̱ pauri̱ ukuamunam ajapén awajsarmiayi. Nui̱ wajakui̱ aents wishikiarmiayi.