Isr. 11:32 - Yus Papí: Shuarja̱i̱ Yus Yamaram Chicham Najanamu

³² Nu arantcha Yusan shiir enentáimtin ti írunui. Jeteuncha, Paraksha, Sansuncha, Jeptisha, Tawitcha, Samuirsha, Yúsnan etserniusha nu shuar ármiayi. Mash ujaktinian jeatsjai.

Isr. 11:32 Iomraidhean Croise

YKan. 99:6

Muisaiska Araunja̱i̱ nisha núnisaṉ Yúsnan pujurin armia nui̱ páchitkia ármiayi. Núnisaṉ Yusa náari̱n pachin armia nui̱ Samuirsha páchitkiauyayi. Tura Jiuwaka untsúam Nisha ai̱ wéarmiayi.

Jrm. 15:1

Nuiṉkia Uunt Yus turutmiai “Muisais Samuirja̱i̱ Israer shuar waitnentrarai tusa seatainiakuisha Winia wakantruka jú̱ aentsja̱i̱ṉ pujuscharainti. Wi pujamunmaya̱ ji̱i̱ki̱ aju̱i̱tiá tura ininmainiakuisha ¿tui̱ṉ wéartajⁱ? turamainiakui jú̱nisam tiartá. Jákatin wea nuka jákatniun wéarti tura mesetnum wéartin tusa anetkámu ainia nuka mesetnum wéarti. Nuyá̱ tsukanam wétin tusa anetkámu ainia nuka tsukanam wéarti tura achirtin tusa anetkámu ainia nuka achintratniunam wéarti tu ái̱kiarta. Kuatru yajauchiji̱a̱i̱ túratin anetkámu awai. Mesetcha ya̱wa̱sha nanamtincha yajasmasha yuáwar emeskartatui. Ashí uunt nuṉka mátsatka ainia nui̱ Manasés Jutanmaya̱ úunt akupin Jerusaréṉnum túrama nuja̱i̱ natsanmai̱ ártatui. Maa Jerusaréṉká amincha ¿yaki waitnentramprat? Ámeka Winia ikiurkímiame. Tura asakmin uwejrun iwiaintiukan emeskattajme. Warí wait ané anentú pimpirkijme” tawai Uunt Yus.

Mat. 5:12

Kame yaunchu Yúsnan etserin átumka atsarmin pujuarmia nunasha núnisaṉ túrawarmiayi. Tuma asamtai shiir enentáimsarum warastarum. Warí átumka nayaimpiniam ti shiir naṉkaamas péṉkera nuja̱i̱ akinkiáttarme” tímiayi.1 Pit. 2:19-20

Ruk. 13:28

Nuyá̱ Aprajámsha, Isaksha, Jakupsha tura ashí Yúsnan etserin Yus akupeana nui̱ waya̱waru wainkiarum tura a̱a̱ ajapam pujusrum tí utkuram naim tásarara ajattarme.

Ruk. 16:31

Takui̱ Aprajám chichaak ‘Muisais áarman tura Yúsnan etserin áarman anturainiachkuṉka jaka nantaki̱ we ujakmasha antukchartatui’ timiai” tú timiayi Jesus.

Juaṉ 21:25

Nu arantcha ju̱i̱ áarchamusha ti awai. Kame ashí aamka ti untsurí papí asa ashí nuṉkanam ikiuschamnia ainti. Nuke atí.

Tur. 10:43

Ya shuarak Jesusan enentáimtak ni náari̱n pachia nú shuarnaka tunaari̱n tsaṉkurattawai, nuna ashí Yúsnan etserniusha yaunchu etseriarmiayi” tímiayi.

Tur. 13:20

Nuna tura Yúsnan etserin Samuirai̱ jeamam kuatrusiántu seṉkuintia uwí chichamprinian anaitiukarmiayi.

Tur. 3:24

Pítiur tuke chichaak “Iimiata, Yúsnan etserin Samuir ju̱ tsawantin túratniuri̱ etserkamiayi. Nuyá̱ ashí Yúsnan etserniusha tuke nuna etseriarmiayi.

Rum. 3:5

Nu arantcha “Wi tunaan túramuja̱i̱ Yus imiá péṉkera nuna paant awajeakka ¿urukamtai winia asutiua? ¿Nuka péṉkerkait?” tíchatapash. (Kame aents chichainia núnisnak tajai.)

Rum. 4:1

Ashí Israer shuara uuntri̱ Aprajámai̱ enentáimsatai. Nisha ¿itiurak Yusja̱i̱ péṉker ajasma?

Rum. 6:1

Núnisaitkiuiṉkia Yus naṉkaamas waitnentrampratai tusar ¿tunáa túrattajik?

Rum. 7:7

Núnisaitkiuiṉkia “Akupkámu yajauchiti” ¿titiajiash? Atsá. Warí, akupkámuka tunaan ti paant awajeawai. Akupkámu “Chikichna wakerukaip” Jiin. 20:17; Muis. 5:21 táchakuiṉkia wakerukcha̱a̱jai.

San. 5:10

Yatsuru, yaunchu Yúsnan etserin enentáimpratarum. Tuke ii Uuntri̱ Yus timia nuna shiir etserkarmiayi. Túmaitiat wáitsarmiayi túrasha pachischarmiayi. Núnisrumek enentáimsatarum.

2 Pit. 1:21

Warí, Yúsnan etserin aya ní enentái̱ji̱a̱i̱ṉ peṉké etserkacharmiayi. Antsu Yusa Wakaní̱ ni enentái̱n útsuam Yusna nuna etserkarmiayi.

2 Pit. 3:2

Yúsnan etserin, péṉker wekain armia nuna etserkamuri̱ enentáimturtarum. Tura ii Uuntri̱ akupkámuri̱n ni akatrámuri̱ji̱a̱i̱ ujatmákarmia nusha enentáimpratarum. Jesukrístu uwemtikrampramaj nuna chichame̱n tajai.

Suma. 13:24

Nuyá̱ nuwa̱sha uchin takus Sansun anaikiamiayi. Tura uchi tsakaki̱ wéakui Uunt Yus shiir awajsámiayi.

Suma. 4:1

Nuyá̱ Ejut jakamtai Israer shuarka Uunt Yus íimmianum ataksha ti yajauchin túrawarmiayi.

Suma. 6:1

Kame Israer shuarka Uunt Yus iismasha ti yajauch túruiniakui Uunt Yus Matian aentsnum siati uwí Israer shuaran iktua iniaisámiayi.

Suma. 6:11

Uunt Yusa suntari̱ Úpranam Juasa ensena numiri̱ ejetari̱n we pujusmiayi. Kame Juas Apiasér shuarauyayi Tura ni uchirí̱ṉkia Jeteunka Matian aentsun u̱mpruktaj tusa winiu najantainiam tríkiun pákak pujumiayi.

Suma. 6:14

Nuyá̱ Uunt Yus Jeteunan iis chicharuk “Ame kakarmarmiji̱a̱i̱ kakaram ajasam wetá túram Israer shuar Matianai̱ya̱ uwemtikram aṉkant awajsarta. ¿Wi akupeatsjamek?”

1 Sam. 1:20

Nuya̱ṉka Anasha ajapruk tsawantri̱ jeamtai uchin áishmaṉkan takusmiayi. Nu uchincha Yusan seachmakaj tusa Samuir anaikiamiayi.

1 Sam. 12:11

Tákurmin nuiṉkia Uunt Yus Jirupáaran, Parakan, Jeptin tura Samuiran akuptúrmakmiarme. Nuya̱ṉka atumí nemasri̱ya̱ aṉkant awajtámsamiarme túrunarum aṉkant matsamsamiarme.

1 Sam. 16:1

Nuyá̱ Uunt Yus Samuiran chicharuk “Israernum akupin a̱i̱ṉ tusan Wi jí̱i̱kin ai̱sha Saur enentáimtusam úttasha ¿urutáik iniaisatam? Yamaikia kachunam asuiti yarata túrawakmin Piriṉ nuṉkanam Isái pujamunam akupkáttajme. Warí akupin atí tusan ni uchiríya̱n anaitiumkajai.”

1 Sam. 16:13

Takui̱ Samuir asuitin achik muuknum ukatak Tawitia yachi̱sha iimiainiamunmaṉ akupin anaikiamiayi. Tura nu tsawantin Yusa Wakaní̱ kakarmaja̱i̱ ni enentái̱n pimiuttan naṉkaamamiayi. Nuna tura Samuirka áujmamas Ramá nuṉkanam waketkimiayi.

1 Sam. 17:45

Nuna takui̱ Tawitcha Jiristíun chicharuk “Ámeka puya̱ja̱i̱ tura naṉkiji̱a̱i̱ nuyá̱ mesetnum maṉkartutai machitji̱a̱i̱sha ashí iwiarnaram winitrame. Túrasha wikia Ashí Akupin Uunt Yusja̱i̱ tura Israer suntara Yusri̱ ame yajauch chicharmena nuna náari̱ji̱a̱i̱ winitjiame.

1 Sam. 2:18

Antsu uchi Samuirka awaṉkéman nuntuarun ríniuja̱i̱ nukurí̱ aparamun entsaru Yúsnan pujurniuya entsarua ániun Yusan takarmiayi. Tura Yuska Anan péṉker enentáimta asa menaintiú uchin tura jimiará nawantri̱n susamiayi. Kame Irikia úuntach ajasuítiat ni uchirí̱ ashí Israer shuaran túriarmia nuna ashí antimiayi. Warí Yus Shiir Awajtai̱ Je̱a̱ wá̱i̱ti̱a̱i̱ri̱n nuwa̱ takarin armia nuja̱i̱ tsaniṉ kániarmiayi. Nuna ántak Irí uchirí̱n chicharainiak “¿Urukamtai nusha túmarum? Ántajna nusha péṉkerchaiti.