Isr. 11:27 - Yus Papí: Shuarja̱i̱ Yus Yamaram Chicham Najanamu

²⁷ Nisha Yusan shiir enentáimtak úunt akupin kajeramu ai̱ṉ ashamtsuk Ejiptu nuṉkanmaya̱ jiinkí̱ wémiayi. Yusan wáinchiat shiir enentáimtamuja̱i̱ wáinniua áinis kakaram ajas ashí katsuntramiayi.

Isr. 11:27 Iomraidhean Croise

YKan. 16:8

Wini̱ya̱ Uunt Yusan tuke émtikjiai. Warí, wini̱ya̱ eem wea asamtai peṉké nupettukchartatui.

Jiin. 11:8

Nuya̱ṉka ju̱ ashí ame takartámin ainia nu tarutiar winia tikishmátrurar chichartuiniak ‘Amesha tura ashí amé shuarumji̱a̱i̱sha wetarum’ turutainiakui wikia wétatjai” tu chichaak Muisais ti kajek Parauṉkai̱ya̱ jiinkí̱ wémiayi.

Jiin. 12:11

Tura atumí pushirí̱sha entsá entsasrum akachumarum ántsaṉ sapatcha awerarum tura wai̱sha ushukrusrum iwiarnasrum wárichik yurumátarum. Uunt Yusa namperi̱ Paskua tutainti.

Jiin. 12:50

Uunt Yus Muisaisan Araunja̱i̱ umiktarum tusa akupkámia núnaka ashí Israer shuarsha tímiatrusaraṉ umirkarmiayi.

Jiin. 4:19

Núnisaṉ Uunt Yus Muisaisan Matiannum pujan chicharuk “Pai yamaikia, Ejiptunam waketkitia, ámin mantamataj turamarmia nuka jákaruiti” tímiayi.

Mat. 10:22

Tura Winia ajasu asakrumin mash muí̱jramkartatui. Tura tuke katsuntea nu uwemprattawai.

Mat. 24:13

Tura shuar ashí nuna katsuntea nu uwemprattawai.

Mar. 13:13

Nuiṉkia Wí shuar asakrumin ashí nakitrámprartatui. Tura shuar yawe̱tsuk katsuntraṉka uwemprattawai” tímiayi.

Mar. 4:17

Tura nisha kaṉkaprurcha ásar aya ishichik katsuiniawai. Tura ukunam Yus Chichaman wakeruk umirainiayat shuar kajeram tura chíkichkia itiurchatan wáinkiar Yusai̱ya̱ kanainiawai.

Tur. 2:25

Iimiata, ii uuntri̱ Tawit Jesusnan kantamprua ju̱na áarmiayi ‘Uunt tuke pujurtan wáinmiajai. Winia pujurtakui awakkamu áchattajai.

1 Kur. 13:7

Anenkartaka ashí aya katsuntniuiti. Tsanú chichamnasha nakitiawai antsu aya ashí nekasa nunak nákawiti. Tunáa shuar enentáimprati tusa tuke jintiá íimprawai. Nekasa nunak ántin asa tsanú chichamnasha nakitniuiti. Anenkartaka péṉkera nunak nákawai.

2 Kur. 4:18

Tuma asamtai wáinjinia nu ti enentáimtatsji. Antsu wáintsujnia nu nekas enentáimtaji. Wáinjinia nusha aya yamaiya̱iti. Antsu wáintsujnia nuka tuke amuukachminiaiti.

Kurs. 1:15

Íischamnia Yusan Krístuka nakumeawai. Yus ashí najanamu ainia nuna iwia̱i̱yaiti.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

1 Tim. 6:16

Iwiaaku átinia nérenniuri̱ Níṉkiti. Ti tsáapninium pujakui nuntumtuachminiaiti. Wáinchatai asamtai shuar peṉké wáinkiacharu áiniawai. Niṉki ashí shiir awajsatniuiti tura Niṉki tuke ashí akupin atí. Núnisaṉ atí.

Isr. 10:32

Tura atumsha yámankamtaik Yusna nekaarum Krístunu ajasmiarmena nú enentáimsatarum. Nui̱ kakaram ajasrum ashí itiurchat katsuntramiarme.

Isr. 11:1

Yus nekas enentáimtakur “nákajnia nuna, Yus nekas suramsattaji” taji. Tura wáinchaitiatar “nekas wainkiattaji” taji.

Isr. 11:13

Ashí nu shuar Yus tsaṉkatkamun wáintsuk jákarmiayi. Túrasha Yusan nekas enentáimtuiniak arantia̱ wáinkiar warasar shiir enentáimtiarmiayi. Túrawar “ju̱ nuṉkanam nekas aya íraraitji” tiármiayi.

Isr. 6:15

Tutai Aprajám yáitmataik nákas Yus timia nuna wainkiamiayi.

San. 5:11

Itiurchatan katsuntainia nuka nekas shíiraiti, tu enentáimji. Shuar itiurchatan ti katsuntin ámiayi, ni naari̱ Juup. Tura ni itiurchatri̱ naṉkaamasmatai Yus ti núkap kuítri̱n susamiayi.Juup 42:10-17 Nu nékatsrumek. Ii Uuntri̱ Yus ti waitneṉkratchakait.

1 Pit. 1:8

Jesukrístu wáinchaitiatrum anearme. Tura yamái wáinchiatrumek nekas enentáimtarme. Tuma asarum ti wararme. Nu warastin nayaimpiniam warastatjinia núniskete, nuka paant títin jeatsji.