Isr. 11:26 - Yus Papí: Shuarja̱i̱ Yus Yamaram Chicham Najanamu

²⁶ Nuja̱i̱ Krístun yajauch awajsarmia núnisaṉ nisha wáitsatniuyi. Túrasha ashí Ejiptu nuṉkanam péṉker irunmia núna naṉkaamas Yus nin ukunam tsaṉkatkata nuna shiir enentáimtusmiayi.

Isr. 11:26 Iomraidhean Croise

YKan. 37:16

Yusan umircha kuítian núkap takakainia nuja̱i̱ apatka íismaka Yusan umirniuka ishichik takakkusha péṉkeraiti.

YKan. 69:20

Winia wishikrurarma nu ti itiurchat enentáimtikrimiai. Túmakun tí kuntuts nekapeajai. ¿Yaki waitnentrurat? tímiajai. Támasha peṉké atsuarmiayi. Kame e̱a̱knasha wáinkiachmajai.

YKan. 69:7

Maa, Áminiu asan wishikruiniakui wáitsaitjiai. Núnisnak natsanmai̱ ajakuitjiai.

Neka. 11:18

Yusan enentáimtichua nuna túrutairi̱ṉkia ántraja̱i̱ akikma áiniawai. Antsu nekasa nuja̱i̱ túrinia nuka ukunam amukachminia nuja̱i̱ akinkiáttawai.

Neka. 23:18

Túrakmeka ukunam péṉker pujustatme tura ame nekas enentáimtamna nusha wainkiattame.

Mat. 10:41

Yúsnan etserin asamtai Yúsnan etserin itiaakka etserin akinkiáttana nuja̱i̱ métek akiktatui. Péṉker shuaran aya péṉker asamtai itiaakka péṉker shuarja̱i̱ métek akinkiáttawai.

Mat. 5:12

Kame yaunchu Yúsnan etserin átumka atsarmin pujuarmia nunasha núnisaṉ túrawarmiayi. Tuma asamtai shiir enentáimsarum warastarum. Warí átumka nayaimpiniam ti shiir naṉkaamas péṉkera nuja̱i̱ akinkiáttarme” tímiayi.1 Pit. 2:19-20

Mat. 6:1

Ashí iimiainiai̱ṉ aya shuar íirsarti tusarum Yusna nu takasairap. Tu takaakrumni̱ṉkia Yus Apa nayaimpiniam pujana nu peṉké akirmákchattarme.

Ruk. 14:14

Nisha akirmáktinian tujintiainiawai. Péṉker shuar nantakiartatna nui̱ akinkiáttame. Nu tuma asamtai warastatme” tímiayi.

Ruk. 14:33

Wats, ‘Kristu unuiniamuri̱ ajastinji̱a̱i̱ wi takakjana ju̱na warí winia itiurtawa’ tu enentáimsatniuitrume. Túrachkurmeka winia unuiniamur ajastin tujintiarme.

Tur. 5:41

Jesusa akatrámuri̱sha Israer shuara uuntri̱ pujamunmaya̱ jíinkiarmiayi. Tura wáitsamniaitrume tusa Yuska Jesusa naari̱ pachia asakrin ii natsantin wáitsatniun tsaṉkatramkaitji tusar ti shiir enentáimsar wéarmiayi.

2 Kur. 12:10

Tuma asamtai wi Krístun aneakui shuar katsekruiniakuisha, kajertuiniakuisha, winia kuítrusha, kakarmarsha atsa̱i̱ṉ waraajai. Kame ashí itiurchat ana nui̱ kakarmachuitiatnak kakaram nekapeajai.

2 Kur. 6:10

Kúntuts pujayatrik ii enentái̱nkia waraaji, kuítrinchaitiatrik chíkich shuar kuítrintin awajeaji, peṉké takakchiatrik ashí wainji.

Ipi. 1:18

Tura enentáimincha paant enentáimtikramprarti tusan seajai. Nuja̱i̱ shiir túrutmataj tusa achirmákuitrum nu nekaattarme. Nu arantcha imiá shiira nu, Yus ni shuari̱n ashí tsaṉkatkattana nusha nekaattarme.

Ipi. 3:8

Ashí Yus shuarja̱i̱ naṉkaamas wi péṉkercha ai̱ṉ Israer shuarchanum shiir chichaman etserkat tusa Yus tsaṉkatrukmiayi. Krístuja̱i̱ṉkia kuitji̱a̱i̱ naṉkaamas péṉker, enentáimtustin jeatsjinia nu, takakji. Nusha ti shiir chichamaiti.

Jir. 3:7

Ashí núja̱i̱ṉkia waantu enentáimtumauyajai. Antsu yamaikia Krístuja̱i̱ṉkia peṉké ántar áiniawai tajai.

Isr. 10:33

Chikichtirmeka katseknakmarme tura ashí iimiainiamunam yajauch awajnásmarme. Chikitcha nu shuarnum páchitkia asarum itit awajnásmarme.

Isr. 10:35

Tuma asarum yawe̱tsuk Yus tuke enentáimtusrum kakaram ajastarum. Túrakrum naṉkaamas sunaschatniuitiajtai tiirap.

Isr. 11:6

Tura Yus nekas enentáimtachkumka ¿itiurak Ni shiir enentáimtiksatam? Nekas enentáimji̱a̱i̱ Yusan weantúktaj tusam wakerakmeka emka Yus iwiaakuiti tu enentáimpratniuitme. Nuya̱sha Wi Yusan imiá nekas e̱a̱kuiṉkia Yus winia yaintkiattawai, tu enentáimsatniuitme.

Isr. 13:13

Núnisrik iisha péprunmaya̱ arant wétinia núnisrik Jesusai̱ werí Niji̱a̱i̱ métek wishiknamu katsuntutai.

Isr. 2:2

Yaunchu nayaimpinmaya̱ suntar Muisaisan súsarmia nú akupkámu nekas uminkiatniuyayi. Shuar umitsuk yajauchin túramtai ti kakaram asutniáwarmiayi.

1 Pit. 4:14

Krístunu asakrumin katsekramkachartimpiash. Túmaitkiuisha Yusa Wakaní̱ shiir ana nu atumíin pujurtamkui shiir awajsámuitrume. Katsekramainia nú shuar imia Yusa Wakaní̱n yajauch áujmatainiawai. Tura átumka Yusa Wakaní̱ shiir awajearme.

Apu. 2:9

‘Ashí ame túram nuna nékajai. Ti wáitiam nunasha tura kuítrinchaitmena nunasha nékajai. Antsu Yusai̱ṉkia ti kuítrinniuitme. Tura shuar iwianchi uuntri̱ Satanása shuari̱ áiniayat “Israer shuaraitjiai” tuíniak yajauch áujmatramena nuna nékajai.

Apu. 3:18

Tuma asam ju̱na chichareajme. Winí̱ ti shiir kuri sumakam nekas kuítrintin ajasta. Túram puju pushí Winí̱ sumakam misú ajasma shiir entsarta. Péṉker íimprataj tusam ji̱nium eṉketai̱ eṉkeeta.

Rut 2:12

Tura Israer shuara Uunt Yusri̱ ayamprútmaktinium weanka asakmin ame ashí péṉker túramurmin Uunt Yus patatrámas akirmákti” tímiayi.