Isr. 11:25 - Yus Papí: Shuarja̱i̱ Yus Yamaram Chicham Najanamu

²⁵ Antsu Ejiptu nuṉkanam ishichkisha yajauch túramun warartsuk Yusa shuari̱ji̱a̱i̱ métek wáitsatniun naṉkaamas wakerukmiayi.

Isr. 11:25 Iomraidhean Croise

YKan. 47:9

Warí, ashí nuṉka kakarmari̱ṉkia Yúsnak áiniawai. Tuma asamtai ju̱ nuṉkanmaya̱ akupin ainia nusha Aprajáma Yusri̱n enentáimtuinia nuja̱i̱ pachintraru áiniawai. ¡Maa, aya Niṉki naṉkamantuiti!

YKan. 84:10

Ántrar mir tsawant yajá pujusma nuja̱i̱ naṉkaamaska nekaska Ame pujutairmi á̱a̱ri̱n chikichik tsawantak pujustiṉ timiá péṉkeraiti. Tura Yusan enentáimtichu matsatainiamunam pachinkian pujutsuk antsu wikia winia Yusru Je̱e̱ wáitiri̱n pujustaj tusan wakerajai.

Tan. 3:18

Túrasha úunt akupniu, ju̱sha nekaata. Uwemtikramprashtatkurnisha ame yúsrumka peṉké umirkashtatji tura ame najana awajaimiusha shiir enentáimtuschartatji” tiármiayi.

Mat. 13:21

Tura núkap kaṉkaprurcharu ásar katsuiniatsui. Antsu itiurchatan íṉkiuiniak tura Yus Chichaman wakeruinia ásarmatai chíkich yajauch áujmatam wárik iniaisar ikiuiniawai.

Ruk. 16:25

Tutai Aprajám chicharuk ‘Uchiru enentáimprata. Ame nuṉká iwiaaku pujusam ti shiir pujumame. Antsu Rásaruka nui̱ ti yajauch pujumai. Tura nisha yamaikia ju̱i̱ áyamui tura ámeka wáitiame.

Tur. 7:34

Nuyá̱ nekaata. Wí shuar Ejiptunam wáitias pujuinia nuna wainkiajai. Tura útainia nunasha antukjai. Tuma asamtai uwemtikrataj tusan tarajai. Wats, ámin akupkátjame. Ejiptunam waketkitia’ Jiin. 3:5,7 Yus Muisaisan tímiayi.”

Rum. 5:3

Nu arantcha yamái itiurchat pujayatrik nu itiurchatja̱i̱ unuimiártatji tusar waraaji. Waitneasarⁱ katsuntratniuncha unuitiamji.

2 Kur. 5:17

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

Kurs. 1:24

Atumín wáitiaknasha ti shiir waraajai. Kristu ni shuari̱n nekas péṉker awajsat tusa wáitiana nui̱ pachinkia asan waraajai. Ashí Yus shuar Kristu aya̱shí̱ áintsaṉ áiniakui Yus shuaran yáiṉtajtsan aya̱shruja̱i̱ wáitiakun shiir enentáimjiai.

2 Tim. 1:8

Ii Uuntri̱ Jesukrístunu etserkatin natsantraip. Níniun étserkun sepunam pujamusha étserkum natsantruraip. Antsu Yus kakaram awajtamkui ame étseream nuja̱i̱ shuar yajauch turamainiakui surimiamtsuk wáitsatin enentáimtumarta.

Isr. 10:32

Tura atumsha yámankamtaik Yusna nekaarum Krístunu ajasmiarmena nú enentáimsatarum. Nui̱ kakaram ajasrum ashí itiurchat katsuntramiarme.

Isr. 11:37

Kayaja̱i̱ tukú mantamnawarmiayi, jímiapetek tsupinkiarmiayi, Yusan iniaisarat tusa nekapnasarmiayi, puya̱ja̱i̱ mantamnawarmiayi. Aya wékainiarmiayi, kuítrincha ásar nuapen entsararmiayi, shuar nincha áintrar wáitnenmai awajiármiayi.

Isr. 4:9

Nuja̱i̱ páantaiti ashí Yus shuar Yusja̱i̱ shiir pujusár ayampratin tuke awai.

San. 1:20

Kame kajena nuka Yus péṉker wakeramun túratsui.

San. 5:5

Ashí ju̱ nuṉkanam írunna nu wararsaruitrume. Tuma asarum kapuṉka nuke machararme tura yamaikia mátin tsawant jeayi.

1 Pit. 2:10

Yaunchu nusháa shuar áuyarme. Tura antsu yamaikia Yus shuar ajasrum, Niniu ajasurme. Use. 1:9-10; Rum. 9:25-26 Yus shuar ajatsrumni̱ṉ ¿ya waitnentrampramia? Antsu yamaikia Yus waitnentramuitrume. Use. 2:23; Rum. 11:30

Apu. 18:7

Waantu enentáimtumak yajauchin wararsama nuja̱i̱ métek ti wáitkiasta yamaikia. Tunaan ti túriniaitiat ni enentái̱nkia enentáimias ‘Úunt akupniuitjiai. Wáje̱chu asan peṉké wáitsashtiniaitjiai’ Isa. 47:7-8 tu enentáimtumawai.