Isr. 11:19 - Yus Papí: Shuarja̱i̱ Yus Yamaram Chicham Najanamu

¹⁹ Aprajám “mámtaisha Yus iniantkíttiawai” tu enentáimpramiayi. Tura Yus ukunam mátniun suritkiamtai Isakan máchiat nekas jákatniunmaya̱ uwempran nantakniua áintsaṉ wainkiamiayi.

Isr. 11:19 Iomraidhean Croise

Naṉ. 22:13

Tutai Aprajám íimiaj tukamá murik áishmaṉ kachurí̱ji̱a̱i̱ numí kanawe̱n awaṉkemar wajan wainkiamiayi. Kame ni uchirí̱nkia máatsuk nu murikiun achik maa Yus áestutai̱niam patak Yusan shiir awajeak takamtsuk áestuamiayi.

Mat. 12:36

Tura Wisha tájarme, nekapnastin tsawant jeamtai ashí enentáimtsuk chichakma nuna Yusan paant ujakártatui.

Mat. 9:28

Jesus je̱á̱ waya̱mtai ji̱ kusuru tariarmiayi. Tariaram Jesus aniasar “¿Ju̱na túramniaiti túrutrumek?” tímiayi. Nisha “Ee, Uuntá” tiármiayi.

Rum. 5:14

Ataṉ pujumia nuyá̱ Muisais tuke akupeatsa̱i̱ṉ shuara tunaarí̱ paantcha ai̱ṉ ashí shuar tunaan túrawar jákarmiayi. Kame ni tunaarí̱ Ataṉna áintsachuyayi. Ataṉka Yus akupkámu paant ujakman umirkachmiayi. Antsu nu shuar Yus akupkámu paant nékainiachiataṉ tunaan túrin áiniak jákarmiayi. Tura Ataṉka Krístuja̱i̱ apatkar enentáimpratai.

Ipi. 3:20

Nekas Yus shiir awajnásti. Ni ti kakaram asa ii seajnia nuna naṉkaamas tura enentáimprachminia nunasha naṉkaamas iin pujurtamuk ashí túramniaiti.

Isr. 9:24

Kame Krístuka Yusa Je̱e̱n aents najanamu nayaimpinmaya̱ṉ aya nakumea nui̱ waya̱tsuk antsu nekas nayaimpiniam Yus pujamunam wayá̱ iin áujturmaji.

Isr. 9:9

Nusha yamái pujuiniajⁱ nuna enentáimtikrampratniuitji. Shuar Yus shiir enentáimtikratniun taṉkun maa suíniaksha nu shuar ni yajauch túrutairi̱ji̱a̱i̱ tuke itit enentáimtumarmiayi.