Isr. 11:17 - Yus Papí: Shuarja̱i̱ Yus Yamaram Chicham Najanamu

¹⁷ Ataksha Aprajám Yusan nekas enentáimtak “Chikichik uchi amasmaj nu, taṉkua áitkiasmek maam surusta” takui̱ Aprajám Isakan ní uchirí̱n Yus súsatniun peṉké suritkiachmiayi.

Isr. 11:17 Iomraidhean Croise

Naṉ. 22:16

Tura chicharuk “Yus chichartamuk ‘Wi Uunt Yus asan nekasan tájame, Winia enentáimtursam uchiram surustin chikichik aak suritrukcha asakmin

Neka. 17:3

Kurincha kuítniasha jinium unuiniawai aya péṉkeri̱n juákat tusa. Núnisaṉ Uunt Yuska shuara enentáimmiari̱n nekapkamas íiniaiti.

Tan. 11:35

Tura neka ainia nuya̱sha chíkichkia iniarartatui. Nu nekapsamuja̱i̱ tsawant jeamam nijiatkar imiatkincha puju awajsamu ártatui. Kame nu túrunatin tsawantka jeatsui.

Sak. 13:9

Núnaka aya kuítiak ajasat tusar tura aya kúrik juákat tusar jinium áesainia núnisnak wisha jinium áesan nekapsattajai. Nuiṉkia winia náarun pachisar untsurainiakui wisha anturkaran ‘Átumka wí shuaraitrume’ tiártatjai. Tutai ni chichartuiniak ‘Uunt Yuska ii Yúsri̱nti turutiartatui’” tímiayi Uunt Yus.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

2 Kur. 8:12

Iistarum. Ni kuítri̱n Yusan nekas susatajtsa wakerakuiṉkia ni jeana nuna susat tusa Yus wakerawai. “Jeana nú naṉkaamas susati” tatsui Yus.

Muis. 8:2

Tura atumín aya kampuntin atsamunam Uunt Yus kuaraintia uwí enentáimtikramprataj tusa nekapramsamiarmena nu enentáimsatarum. Tura núnisaṉ ni akupkámu chichaman umirtukartimpiash tusa atumí enentái̱n nekartamattsa ewekátmasmiarme.

Isr. 11:13

Ashí nu shuar Yus tsaṉkatkamun wáintsuk jákarmiayi. Túrasha Yusan nekas enentáimtuiniak arantia̱ wáinkiar warasar shiir enentáimtiarmiayi. Túrawar “ju̱ nuṉkanam nekas aya íraraitji” tiármiayi.

Isr. 7:6

Túrasha Mirkiseték Riwí weachuitiatnak Aprajám tiásan akantúk nin susamiayi. Warí, Aprajáman Yus tí nukap anajmatramaitiat Mirkisetékka Aprajáman péṉker pujutnum yumiṉkramiayi.Naṉ. 14:18-20; 17:4-7; Kar. 3:16

San. 5:11

Itiurchatan katsuntainia nuka nekas shíiraiti, tu enentáimji. Shuar itiurchatan ti katsuntin ámiayi, ni naari̱ Juup. Tura ni itiurchatri̱ naṉkaamasmatai Yus ti núkap kuítri̱n susamiayi.Juup 42:10-17 Nu nékatsrumek. Ii Uuntri̱ Yus ti waitneṉkratchakait.

1 Pit. 4:12

Aneamu yatsurtiram, tí waitsatin nekapramsartin jeartámprumna nu nusháa enentáimprairap. Wáitsatin támatai “¿urukamtai waitsa pujaj?” tu enentáimsairap. Kame túrunamniaiti.

Apu. 3:10

Katsuntrata tímiaj nu, shiir umirka asakmin Wisha tí wáitsatin ashí nuṉkanam átatna nuyá̱ uwemtikrattajme. Nu wáitsatniuja̱i̱ ashí nuṉkanmaya̱ shuar nekapnasartatui.Rum. 14:10; 2 Kur. 5:10