Isr. 11:16 - Yus Papí: Shuarja̱i̱ Yus Yamaram Chicham Najanamu

¹⁶ Tura antsu nisha nuna naṉkaamas péṉker nuṉkan nayaimpinmaya̱ nuna enentáimtiarmiayi. Túmainiakui Yuska péprun iwiartur susa asa “Wi ni Yúsri̱ntjiai” títinian natsantatsui.

Isr. 11:16 Iomraidhean Croise

Naṉ. 26:24

Nui̱ jeamtai ataksha Uunt Yus nú kashi wantintiuk chicharuk “Witjiai ame apa Aprajáma Yusri̱. Ashamprukaip. Warí Wi ámiji̱a̱i̱ pujajai. Winia takartin Aprajám nekas enentáimturin asamtai nin tímiajna núnisnak ame shuarumin ti untsurí awajsattajai” tímiayi Uunt Yus.

Naṉ. 28:13

Túmainiamunam yakí̱ Uunt Yus pujan wáinmiayi. Tura chicharuk “Witjiai ame apachrumi Aprajáman tura ame apan Isaka Yusri̱. Tura ame tepamna jú̱ nuṉkan ámin tura amé shuarnasha súsartatjai.

Jiin. 3:15

Tura nu arantcha Yus Muisaisan chicharuk “Israer shuar chicharkum ‘UUNT YUS atumí apachri̱ Yúsri̱ntjiai. Kame Aprajáma Yusri̱, Isaka Yusri̱, tura Jakupa Yusri̱ atumíin akuptúkai’ tiartá. Tura nu naarka tuke átiniaiti. Nú naarja̱i̱ṉ ukunam akiiniawartatna nusha tuke enentáimturin ártiniati.”

Jiin. 3:6

Tura Yus Muisaisan chicharuk “Wikia ame apachrumin Yúsri̱ntjiai, Aprajáman Yúsri̱ntjiai, Isakan Yúsri̱ntjiai tura Jakupan Yúsri̱ntjiai.” Nuna takui̱ Muisaissha Yus íistinian ashamak ni yapi̱n ejakmiayi.

Jiin. 4:5

Ataksha Uunt Yus Muisaisan chicharuk “Nuní̱ túrakmin nuiṉkia ‘Uunt Yus ame Úuntrumin Aprajáma Yusri̱ tura Isaka Yusri̱ nuyá̱ Jakupa Yusri̱ nekas wantintiurmakúme’ turamartatui” tímiayi.

Jrm. 31:1

Uunt Yus chichaak “Nu tsawantinkia ashí Israer weanmaya̱ shuar ainia nuna Yusri̱ átatjai. Tura nisha Winia péprur ártatui.”

Mat. 25:34

Túran nekas Úunt Akupin untsuurí̱ni̱ wajainian títiatui ‘Atumniaka winia Apar shiir awajtámsaitrume. Wi akupeajna nui̱ winitiárum. Yus nuṉkan najanamia tímianaik átum nui̱ warastinian tsaṉkatramkamiarme.

Mar. 12:26

Tura jakamunmaya̱ nantaktiniapitia tusarum nu nekaatin nekas wakerakrumka Muisais aarmia nu enentáimtustarum. Yuska numichinmaya̱ Muisaisan chicharuk ‘Wikia Aprajáma Isaka tura Jakupu Yúsri̱ntjiai’ Yus tímiayi. Jiin. 3:6,15

Mar. 8:38

Antuktarum. Yamaiya̱ aents Yusan nakitiar ajapawaru yajauch ainia nu iimiainiamunam shuar Winia natsantrakuiṉkia tura winia chichampruncha natsantakuiṉkia Wi, Aents Ajasuitjiana ju̱ winia Aparu kakarmari̱ji̱a̱i̱ tura nayaimpinmaya̱ péṉker suntarja̱i̱ atak táakun nú shuaran natsantrattajai Wisha.” Tú timiayi Jesus.

Ruk. 12:32

Winia murikrutiram ashamkairap. Untsuríchuitrume. Túrasha atumí Aparí̱ ni akuptáiri̱i̱n pachitmaktasa ti wakerutmarme.

Ruk. 20:37

Tura jákaru nantakiartin ainia nuna imia Muisais jintíamiayi. Warí, numichiniam ji wajái̱ keamunan Yus niji̱a̱i̱ chichaamun Yus Papinium Muisaiska áarmiayi. Nú aarmanum Uunt Yus Aprajáma, Isaka tura Jakupu Yúsri̱nti, Jiin. 3:6,15-16 tímiayi. Nú aishmaṉ yaunchu jákaru ai̱ṉ ‘ni Yúsri̱nti’ tímiayi. Nuna taku nantaktin awai tu jintíamiayi.

Juaṉ 14:2

Winia Aparuí̱ átum matsamsatin tí aṉkant írunui. Nekaschaitkiuiṉkia nunasha ujakcha̱a̱jrume. Tuma asamtai nuna iwiarataj tusan Aparuí̱ wéajai.

Tur. 7:32

Yus chichaak ‘Witjiai Yus. Ame úuntrumi Aprajáma tura Isaka nuyá̱ Jakupa Yúsri̱ntjiai’ Jiin. 3:6 tímiayi. Tutai antuk Muisaiska sapijin ti kuraṉmiayi. Tura íistinian tujinmiayi.

Jir. 3:20

Antsu iikia nayaimpinmaya̱ shuar asar ii Uuntri̱ Jesukrístu iin uwemtikrampra asamtai nayaimpinmaya̱ tatí tusar nákaji.

2 Tim. 4:18

Tura núnisaṉ ashí yajauchia nuyá̱ uwemtikrurmatai Ni akupeana nui̱ nayaimpiniam jeattajai. Niṉki tuke shiir awajnásti. Núnisaṉ atí.

Isr. 10:34

Atumsha sepunam pujuarmia nusha waitnentramarme. Tura shiir warasrum kuítrumin atantramainiakuisha katsuntramarme. Nayaimpiniam tuke amuukashtin ashiji̱a̱i̱ naṉkaamas írunna nu achiktin asarum túramarme.

Isr. 11:10

Kame Aprajámka nayaimpinmaya̱ ashirchamin péprunam pujustinian nákasmiayi. Yus nu pepru péṉker iwiar je̱a̱mka asamtai umuchkiachminiaiti.

Isr. 11:14

“Íraraitji” tu chichainiak chíkich nuṉka e̱a̱mun paant awajainiawai.

Isr. 11:40

Yuska nuna naṉkaamas péṉkeran iwiarturaru asa tura iin yamái pujajnia ju̱na enentáimturma asa nisha iisha mái̱ metek tsaniṉkiar tí peṉker ajasárti tu enentáimsamiayi.

Isr. 12:22

Antsu atumji̱a̱i̱ṉkia Yusna enentáimtustin nuja̱i̱ naṉkaamas péṉkeraiti. Átumka nayaimpinmaya̱ Seun nainnium Jerusaréṉ iwiaaku Yus pujutai̱ péprun nakumeana nui̱ jeeaitrume. Nui̱sha ti untsurí nayaimpinmaya̱ suntarsha

Isr. 13:14

Kame ju̱ nuṉkanam amukachmin pepru atsawai. Antsu ukunam ti shiir pepru átatna nu nákaji.

Isr. 2:11

Yusna atí tusa shiir awajsámuncha tura Kristu nin shiir awajea nunasha Yuska mái̱ metek ni Aparí̱nti. Nu asamtai Yusa Uchirí̱ nú shuaran “yatsur” títinian natsantatsui.

Apu. 21:2

Wi Juaṉ, ti shiir péprun Yusai̱ya̱ yamaram Jerusaréṉkan nayaimpinmaya̱ táarun wainkiamjai. Anajmarma ni áishri̱n iṉkiuṉtaj tusa ti shiir iwiarmampra áintsaṉ tí peṉker iwiaramuyi.