Isr. 11:1 - Yus Papí: Shuarja̱i̱ Yus Yamaram Chicham Najanamu

¹ Yus nekas enentáimtakur “nákajnia nuna, Yus nekas suramsattaji” taji. Tura wáinchaitiatar “nekas wainkiattaji” taji.

Isr. 11:1 Iomraidhean Croise

YKan. 27:13

¡Nuṉká pujajnia ju̱i̱ Uunt Yusa waitnenkartutairi̱n íistiniaitjiai tu enentáimsachuitkiuiṉkia winia mayai̱r ashinkia̱a̱yi!

YKan. 42:11

¿Urukamtaik jakamnia nekaprancha tura tí waitsancha pujustataj? Túrasha winia enentái̱ru ¿urukamtai jakamnia nekapramsha winí̱ initiaani̱sha wáitiam? Yus enentáimtakum nákasta. Ánkisha winia Yúsruiti tura uwemtikruru asamtai tuke shiir enentáimtustatjai.

Tur. 20:21

Tura Israer shuarnasha Israer shuarchancha nútiksanak enentai yapaji̱árum Uunt Jesukrístu umirkatarum, tímiajrume.

1 Kur. 13:13

Wátsek, amuukashtin menaint áiniawai. Ju̱ áiniawai, Yus nekas enentáimtustin, shiir ana nu nákastin, tura aneṉkrattai. Ju̱ menaintiunma̱sha aneṉkrattaiṉkia ashí naṉkamakuiti.

2 Kur. 11:17

Tura waantu enentáimtumastaj tájana nu, Uuntá tsaṉkatramuri̱ji̱a̱i̱ tátsujai. Antsu waurka núnisnak chichaajai.

2 Kur. 4:18

Tuma asamtai wáinjinia nu ti enentáimtatsji. Antsu wáintsujnia nu nekas enentáimtaji. Wáinjinia nusha aya yamaiya̱iti. Antsu wáintsujnia nuka tuke amuukachminiaiti.

2 Kur. 5:17

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

2 Kur. 9:4

Wi ukunam Masetúnianmaya̱ shuarja̱i̱ atumíin jean, kuit súsatin tímiarmena nuna iwiarachman wainkian natsa̱a̱ra̱i̱j tusan tura atumsha natsa̱a̱ra̱i̱rum tusan túrajai. Warí, súsatniun ti wakeruiniawai tuke tu wéatsjak.

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Tit. 1:1

Wikia Pápruitjiai Yusa takarniúri̱. Tura Jesukrístu akatrámuri̱ntjiai. Yus achikma ainia nú shuar nisha antukar Yusan umirkarat tusan akatrámuitjiai. Shuar nuna nekaawar péṉker wekasartatui.

Isr. 10:22

Tuma asamtai tuke enentáiji̱a̱i̱ Yus imiá nekas enentáimtusar Yusai̱ jeartai. Ii enentái̱ Kristu numpe̱ja̱i̱ nijiarma asamtai nekas enentáimtakur Kristu nekas winia úuntruiti tiar ii yajauchiri̱ji̱a̱i̱ itit enentáimtumaschatniuitji. Tura ii aya̱shí̱sha saar entsaja̱i̱ imiantniuitji.

Isr. 10:39

Tura iikia iniaisaar mesena nú shuarchaitji. Antsu Yus nekas enentáimtusar uwempraitji.

Isr. 11:13

Ashí nu shuar Yus tsaṉkatkamun wáintsuk jákarmiayi. Túrasha Yusan nekas enentáimtuiniak arantia̱ wáinkiar warasar shiir enentáimtiarmiayi. Túrawar “ju̱ nuṉkanam nekas aya íraraitji” tiármiayi.

Isr. 11:27

Nisha Yusan shiir enentáimtak úunt akupin kajeramu ai̱ṉ ashamtsuk Ejiptu nuṉkanmaya̱ jiinkí̱ wémiayi. Yusan wáinchiat shiir enentáimtamuja̱i̱ wáinniua áinis kakaram ajas ashí katsuntramiayi.

Isr. 11:7

Yus “ama̱a̱rkatniun akupkáttajai” tiniu asamtai Nuwaisha Yusan nekas enentáimtak ama̱a̱run wáinchaitiat “ama̱a̱rkattawai” tímiayi. Túrak Yus timiaja̱i̱ métek uunt kanun najana ni shuari̱ncha uwemtikramiayi. Tura Yusan nekas enentáimta asamtai Yus “péṉkeraitme” tímiayi. Tura ní umirkamuja̱i̱ chíkich shuar Yusan umircha áiniaṉka sumamtikiawarmiayi.

Isr. 2:3

Antsu ii Uuntri̱ Krístuka uwempratin chichaman emka itiamiayi. Tura imiá nekas tuíniak Nin anturkaru iin ujatmákarmaji. Tuma asamtai uwempratin chicham nakitiakrikia nuna naṉkaamas uwemtsuk asutniáttaji.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

Isr. 3:6

Túrasha Kristu Yusa Je̱e̱n takarniuchu asa antsu Yusa Uchirí̱ asa nui̱ ashí akupeawai. Nu je̱a̱sha iitji. Tura tuke iniaitsuk kakaram ajasár Yus suramsattaj nu wararsar nákastiniaitji.

Isr. 6:12

Nakimtsuk kakaram ajastarum. Niniua nuna Yus ni shuari̱n susattawai. Tura shuar Yusan enentáimtak shiir enentáiji̱a̱i̱ nákakka nuna wainkiattawai. Tu takastarum tusar wakeraji.

2 Pit. 1:1

Wikia ju̱ papin aajna ju̱ Semuṉ Pítruitjiai. Jesukrístu akatrámu asan ni takarniúri̱ntjiai. Ii Yusri̱ tura iin Uwemtikramin Jesukrístu umirumna nuna atumniasha ju̱na áatjarme. Nisha ashí aentsun métekrak enentáimtin asamtai atumsha iiji̱a̱i̱ métek Niniu ajasurme. Nuka tí peṉkeraiti.