Isr. 10:7 - Yus Papí: Shuarja̱i̱ Yus Yamaram Chicham Najanamu

⁷ Tuma asamtai ‘Ame pénuimiu papirumin Winia áatrurumna núnisnak ame wakeramurmin umiktajtsan táwitjiai Winia Yúsrun tímiajai’” tímiayi.

Isr. 10:7 Iomraidhean Croise

Naṉ. 3:15

Ámin nuwa̱ja̱i̱ nemasmamtikiattajme. Tura ame tiraṉmí tiraṉki̱sha nuwa̱nuja̱i̱sha núnisaṉ nemasnaikia ártatui. Ti ukunam nuwa̱nu átatna nu muukmin najatmarmatai ame ni saṉkani̱n esaim najaimiamtikiattame.” Tú timiayi Uunt Yus.

Ists. 6:2

Tura Akmitianam úunt akupniu je̱e̱n Mítianam nuṉka tesarmánum pujana nui̱, papinium jú̱nis áarmauyi: Enentáimtusta tu áarman wainkiamai.

Neka. 8:31

Yus nuṉka najanamunam pujuiniakui wisha wararainiajai. Núnisaṉ aentsnasha tí shiir enentáimtuiniajai.

Isa. 50:5

Ii Uunt Yusri̱ antuktinniaka surusuiti tura kajenka ajaschaitjiai núnisnak úkumprusha waketkichuitjiai.

Jrm. 36:2

“Israernancha tura Jutanuncha tura ashí uunt nuṉka mátsatkamua núnancha Jusías pujumia nu tsawant ámiji̱a̱i̱ chichastinian naṉkamamiaj ímianiaṉ tura yamaiya̱ ímiaja̱i̱sha chichasuitjiame. Tuma asamtai papí pénuimiu achikta túram nui̱ ashí Wi ámin tímiajmena nu aartá.

Isk. 2:9

Nuya̱ṉka íimiaj tukamán aya úwejnak papí aara penuarman winia iniakturun wainkiamjai.

Isk. 3:1

Nuya̱ṉka Yus chichartak “Ámeka aentsu uchiri̱yá papí pénuimiu wainkiamna nu yuátá. Tura jú̱ papí yuam Israer shuar werim chicharkarta” turutmiai.

Juaṉ 4:34

Tuíniakui Jesus áimiuk “Winia akuptúkua nuna wakeramuri̱n túrakun tura Ni takatrí̱ amuktinia nuiti Winia yurumkarka.

Juaṉ 5:30

“Wikia, Wi wakeramun e̱a̱tsjai antsu Winia akuptúkua nu wakeramun túrajai. Tuma asan Wíkikia warinkisha túratsjai. Wi itiur ántaj tímiatrusnak súmamtikiajai. Witjiai súmamtikiunka nekasa nuja̱i̱ métek súmamtikiajai.

Juaṉ 6:38

Wi wakeraj nuna túratniun táchaitjiai antsu Winia akuptúkmia nuna umirkatniun táwitjiai.