Isr. 10:29 - Yus Papí: Shuarja̱i̱ Yus Yamaram Chicham Najanamu

²⁹ Núnisaitkiuiṉkia shuar Yusa Uchirí̱n wishikiainiakka ni numpe̱ncha nakitiáiniakka tura waitnenkartutai̱ Wakaní̱ncha katsekainiakka nuna naṉkaamas asutniáchartatuak. Warí ni nakitiana nú numpaja̱i̱ yamaram chicham nekas umirkatin awajsámuyayi. Tura núja̱i̱sha ni tí peṉker awajnástiniuyayi.

Isr. 10:29 Iomraidhean Croise

2 Akup. 9:33

Jeú chicharainiak “Núwa̱ka nuṉká akaki̱ aju̱a̱tarum” tímiayi. Takui̱ nuṉká akaki̱ aju̱a̱warmiayi túram ni númpe̱nka wenuknasha tura kawaincha númpak awajsarmiayi. Túramtai kawaisha nin najararmiayi.

YKan. 143:10

Ame wakeramurmin túrataj jintintruata. Warí Ámeka winia Yúsruitme, Ame péṉker Wakanim nuṉka paka wéamunmaani̱ jurukti.

YKan. 91:13

Winia kakarmarja̱i̱ úunt ya̱wa̱sha tura uchirí̱sha nupetkattame nuyá̱ najamin napisha najartatme tajai.

Jiin. 24:8

Nuna tuíniakui Muisais numpan achik Israer shuaran ukatenak “Ju̱ numpaja̱i̱ Uunt Yus atumji̱a̱i̱ ashí chícham najanamu ju̱i̱ti támaiti” tímiayi.

Isa. 14:19

Túrasha ámeka muí̱jkiar asa̱a̱rar ajapamua núnisam iwiarsamurminia̱sha ajapamuitme. Kame mesetnum puya̱ja̱i̱ maamu pushiri̱ tsupiramu iwiarsar amutúrar ikiukmia núnisam init ikiusmaitme.

Isa. 28:3

Tura Eprainniumia̱ shuar nampen ásar waantu enentáimtumatairi̱ tawaspa ímiatrus enentáimtutairi̱ṉkia naja̱trartatui.

Jrm. 1:5

“Wikia nukui̱ṉkia najantsuk áminkia nekaamjame núnisnak akiintsumni̱ṉ Winia atí tusan akankámiajme. Tura ashí uunt nuṉka mátsatkamu áiniana nui̱ Winia chichamprun etserin atí tusan anaikiamiajme” turutmiayi.

Ukan. 1:15

Winia Úuntruka wisha wajai̱ṉ winia aentsur kakaram ainia nunasha najatrarai. Natsancha awakkataj tusa yajaya̱ untsurí aentsun untsumprukai. Uwa chanúa nútikias Jutá nawantri̱n natsach áishmaṉja̱i̱ tsaniṉcha ainia nuna Uuntka najakarai.

Tan. 8:13

Nuya̱ṉka tunaarincha chichaan antukmajai tura chíkich tunaarincha nuna chicharuk “¿Urutáik ímiaja̱i̱k wainma ju̱sha amuukat tura taṉkun áestuatniunka tuke túruki wéartata tura yajauch awajkartincha katsua̱rtata nuyá̱ Yusa Je̱e̱sha tura suntarsha amuturmak ártata?”

Sak. 12:10

Tura Tawitia shuari̱n nuyá̱ Jerusaréṉnum pujuinia nuna waitnenkartin tura Yus seamin enentái̱n súsartatjai. Nuya̱ṉka Winia ijiutiarmia nuna ijiumun wáinkiar kúntuts enentáimiainiak ni uchirí̱n chikichkiniak iwia̱i̱ri̱ ajakra núnis úttiartatui.

Mat. 26:28

Ju̱ka winia numparuiti. Tura winia numpar puármatai yamaram chicham nekas uminkiattawai tawai. Tura puármatai untsurí shuara tunaari̱n tsaṉkurattawai.

Mat. 7:6

Ti shiira nuka ya̱wá̱ súsashtiniaiti. Nuna nakitrar amincha esatmichartimpiash. Kuítrumsha kuchi súsashtiniaiti. Aya najatrachartatuak.

Mar. 7:2

Tura Jesusa unuiniamuri̱n ikijmiatsuk yurumun wáinkiar “Israer shuara túrutairi̱n túruiniatsui” tiármiayi.

Ruk. 12:10

Winia, Aents Ajasu tutain, shuar yajauch chichartakuiṉkia nusha tsaṉkuramniaiti tura Yusa Wakaní̱ncha yajauch chicharkuiṉkia nuka peṉké tsaṉkurachminiaiti.

Juaṉ 10:36

Nisha yúsaitkiuiṉkia nuikia Yus Apa anaikia ju̱ nuṉkanam akupkámu asan ti nekas Yúschakaitiaj. Núja̱i̱ṉkia wi ‘Yusa Uchirí̱ntjiai’ takui̱ ¿itiurak ‘Yusan yajauch chicharui’ túrutrum?

Juaṉ 17:19

Nisha nekasa nuja̱i̱ mátrachu ti shiir ajasárti tusan Wisha mátrachu shiir awajmámsaitjiai.

Tur. 7:51

Tura átumka Israer shuartirmeka atumí enentái̱ji̱a̱i̱ tuke umichuitrume. Atumí kuishi̱sha weaktsui tura Yus nékachua núniniaitrume. Yusa Wakaní̱ji̱a̱i̱sha tuke nemasnaikiaitrume. Tura atumí yaunchu úuntri̱ji̱a̱i̱ métek túrarme.

Rum. 16:20

Yus tuke shiir pujustinian amawa nu ti wárik iwianchi úuntri̱n Satanásan nupetturmaktatui. Tura ii Uuntri̱ Jesukrístu shiir yaintmakarti.

1 Kur. 11:27

Tuma asamtai shuar Yusan enentáimtutsuk ju̱ apatkun yuáwar tura ju̱ piniṉnumia̱ncha umarar Kristu aya̱shi̱ncha ni numpe̱ncha yajauch enentáimta asa tunáa túraiti.

1 Kur. 11:29

Kristu aya̱shí̱ jakamu enentáimtutsuk yúakka tura úmakka nuna tura asa asutniáttawai.

1 Kur. 15:25

Iis, jú̱nisaṉ átatui. Emka Yus Apa ashí ni nemasri̱n nupetak Krístun susattawai akupin atí tusa.

1 Kur. 15:27

Yus Apa ashí Krístun súsaiti ashí akupin atí tusa.YKan. 8:6 Yus Papinium tu áarmaiti. Tura “ashí Krístun súsaiti” táyat Yus Apancha susamuiti tatsui. Antsu Yus Apa ashí Nin susa asa Niṉki súsachmaiti.

1 Kur. 6:11

Atumíya̱sha chíkich chíkich nuna túrin armai. Tura yamaikia ii Uuntri̱ Jesusa kakarmari̱ji̱a̱i̱sha tura ii Yusri̱ Wakaní̱ kakarmari̱ji̱a̱i̱ atumí enentái̱ shiir ajasuíti, atumsha Yusna ajasurme tura tuke péṉker ajasurme.

Ipi. 4:30

Yusa Shiir Wakaní̱ kúntuts awajsairap. Warí, Yúsnaiti tusa pujurtamji. Tura pujurtamuk takamtsuk uwemtikramprattaji.

Ipi. 5:26

Kristu ashí ni shuari̱n ni Chichame̱ja̱i̱ tura entsaja̱i̱ nijiar ní shuar péṉker árat tusa jakamiayi.

Isr. 10:10

Nuja̱i̱ Jesukrístu Yusan umiruk jákatniun chikichkí surumakmatai Yus iin tunaarincha shiir awajtámsaitji.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

Isr. 2:11

Yusna atí tusa shiir awajsámuncha tura Kristu nin shiir awajea nunasha Yuska mái̱ metek ni Aparí̱nti. Nu asamtai Yusa Uchirí̱ nú shuaran “yatsur” títinian natsantatsui.

Isr. 2:3

Antsu ii Uuntri̱ Krístuka uwempratin chichaman emka itiamiayi. Tura imiá nekas tuíniak Nin anturkaru iin ujatmákarmaji. Tuma asamtai uwempratin chicham nakitiakrikia nuna naṉkaamas uwemtsuk asutniáttaji.

Isr. 4:14

Jesus Yusa Uchirí̱ nekas Yúsnan pujurniu uuntri̱ ajas Yusai̱ wayá̱ íiniun chichartamji. Nu asamtai iniaitsuk tuke nekas enentáimtustiniaitji.

Isr. 6:4

Shuar Yusna nuna nekaaṉka tura Yus susamun takakkuṉka tura Yusa Shiir Wakaní̱ kakarmari̱n nekapsaitkiuṉka

Isr. 6:6

nu shuar nuna nakitiak kanakniaka atak ni yajauchiri̱n ené enentáimiá ajasuítiat ikiuktinian nakitiak tujintkiattawai. Warí ní enentái̱ji̱a̱i̱ Yusa Uchirí̱n atak krúsnum matniua nútikiak ashí íimmianum natsanmai̱ awajui.

Isr. 9:13

Nekas taṉkú numpe̱sha tura áesamu yuṉkunmiri̱sha shuara yajauchiri̱n aya pátatek ukatkámu aya pátatek shiir awajsámniuyi.

Isr. 9:20

Tura tiármiayi “Ju̱ numpaja̱i̱ Chícham Yus akuptúrmarmena nu nekas umiktiniaiti tawai.” Jiin. 24:8; Muis. 29:12-13; Mat. 26:28

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.