Isr. 10:27 - Yus Papí: Shuarja̱i̱ Yus Yamaram Chicham Najanamu

²⁷ Áyatik ashamak tí tsuumai̱ sumamatin tsawantan nákasminiaiti. Nu tsawantai̱ Yus ni nemasri̱n ti kajerak asutiak mash emesrattawai. YKan. 21:9; 68:1-2; Isa. 33:14; Jrm. 4:4; Mks. 4:1

Isr. 10:27 Iomraidhean Croise

YKan. 21:9

Tura kajektintrum tsawantinkia Ame nemasrumka ji ti keek naṉkaamas tsuwé amúa nútikiattame. Nui̱ Jiuwá kajek nemasri̱n emesrartatui tura ji aesak amukártatui.

Jrm. 4:4

Uunt Yusai̱ tsupirnaktarum. Aentsu aya̱shi̱ tsupirnaktinia ántsarum Jutanmaya̱ shuartirmesha tura Jerusaréṉnum matsatutirmesha atumí enentái̱n tsupirnaktarum. Túrachkurmiṉkia átum yajauch túramunam Winia kajetair jiya núnin jiinkí̱ atumín ekemátmakairum. Túrunamtaikia yaaksha nuna ikiajniáktinkia atsuinti” tíniuiti. Rum. 2:28-29

Isk. 38:19

Nu tsawantinkia Wi nekas Yúsaitjiana nuna iniaktusan tura ashí yajauchin ti kajerkan Israer nuṉkanam ti kakaram ú̱u̱rmamtikiattajai.

Tan. 5:6

Nuya̱ṉka úunt akupniusha nuna wainiak ashamak tí kuntuts enentáimiar puju we takamtsuk kurak máminkiuri̱sha kuenaar tikishi̱ṉkia ínkiumtik ínkiumtik awajmiayi.

Use. 10:8

Awinkia náintri̱n najankamu yus áestakur enentáimtutai̱ Israer shuar yajauch túrutai̱ ainia nuka mash emesnakartatui. Nui̱sha naraja̱i̱ jaṉki tsapakartatui. Túmainiakui náintian chicharainiak “Yumpunkim yutukratam ú̱kratkata” tiártatui.

Juir 2:30

Nútiksanak nayaimpinmasha tura nuṉkasha Winia kakarmarun iniakmakun aents ashamak ii wajamnian numpancha jiniasha yuraṉkim mukuintiui̱niancha iniakmastatjai.

Sup. 1:18

Jiuwá kajekma tsawantinkia aentsu kuítri̱sha kurirí̱sha peṉké uwemtikrachartatui. Tuma asa ashí nuṉkanka Ni kajekmari̱ji̱a̱i̱ aesak amuktatui. Ashí aents nuṉká matsatainia núnaka wárikmas mash emeṉkártatui.

Sup. 3:8

Túmaitkiuiṉkia sumamtikiatin tsawant jeamam nákarsatarum” tawai Jiuwá. “Warí ashí uunt matsatkamu tura akupeamu ainia nunasha ashí Winia tí kajekmarun iniaktusartaj tusan irurartatjai. Túran Wi suir kajenkamurja̱i̱ ashí nuṉkan jiji̱a̱i̱ aeskan amuktatjai.”

Mks. 4:1

“Pai, yamaikia ji keak weantúkchamnia ajana imianú tsue̱r tsawant winittiawai. Nui̱sha ashí naṉkamantu enentáimtuma ainia nusha tura yajauchin túruinia nuka tsarútrája̱i̱ métek juákartatui. Tuma asamtai nu tsawantinkia ji keek kaṉkaptiuk tura kanawentuk nú aentska áeskam peṉké juákchartatui” tawai Ashí Akupin Uunt Yus.

Wek. 16:35

Nuya̱ṉka Úunt Yusai̱ya̱ ji tara tusiantu seṉkuintia aents kuṉkuinian áestiarmia nunasha ashí amukármiayi.

Mat. 13:50

uunt jinium apeáwartatui. Nui̱sha tí uttin tura tí waitsatin átatui.” Nuna ashí ni unuiniamuri̱ji̱a̱i̱ Jesus áujmatsamiayi.

Mat. 25:41

Tura Úunt Akupin menaari̱ni̱ wajainian chichainiak ‘Atumsha yajá wetarum. Yajauchiji̱a̱i̱ yumiṉkramuitrume. Yus iwianchi uuntri̱ ni suntari̱ji̱a̱i̱ tuke kajinkiashtin jinium apeatniua nui̱ atumsha wétatrume.

Mat. 3:10

Numi ajaktinia áintsaṉ kampuwá̱ri̱n jacha atuttsamuiti. Tura ashí numi péṉker nereatsna nuka ajakar jinium apeamu ártatui.

Mat. 3:12

Arusa nere̱ja̱i̱ túruinia áintsaṉ átatui. Awa̱jtiutairi̱n achikiuiti tura nuja̱i̱ saepe̱n awa̱jtittiawai. Tura nere̱n péṉker ikiustatui antsu saepe̱nka jinium apeattawai. Nu jisha tuke kaji̱nchaiti.” Tú timiayi Juaṉ.

Mat. 8:29

Nisha Jesusan wáinkiar kakantar chicharainiak “¿Warí pujuram iiji̱a̱i̱, Jesusá, Yusa Uchirí̱a. Tsawant jeatsa̱i̱ṉ iin amukratkataj tusamek taum?” tiármiayi.

Ruk. 16:24

Wainiak untsumuk ‘Apawá Aprajámá waitnentrurta, timiai. Rásaru tsara uwejé̱ja̱i̱ entsan uchupir winia iniai̱run imichturat akuptúrkata. Wisha ju̱i̱ jinium pujusan tí waitiajai’ timiai.

Ruk. 19:27

Tura winia nemasur uunt ajasá̱i̱ṉ tusar nakitrurarmania nu itiatárum. Tura wisha íimiai̱ṉ mátarum’ timiai” tímiayi Jesus.

Ruk. 21:26

Tura túrunatin ana nuna enentáimsar mayái̱ ashinkiartatui. Warí, nayaimpiniam kakaram ainia nusha peantrartatui.

Ruk. 23:30

Nu tsawantai̱ aents chicharainiak ‘Naint iin nekentmak yuturmártai’ Isa. 2:19; Use. 10:8; Apu. 6:16; 9:6 tiártatui.

Juaṉ 5:29

Tura ashí iwiarsamunmaya̱ jíintrartatui. Tura péṉkeran túrawaruka nantakiar tuke iwiaaku pujusártatui. Antsu yajauchin túrawaruka nantakiar jinium surunkartatui” tímiayi.

Muis. 32:43

Niṉkia Ni takarniúri̱ jákaru ainia nuna nemasri̱ncha yapajmiátkattawai. Tura Ni shuari̱ yajauch túramuri̱n tsaṉkurar nincha núṉke̱ntuk ti shiir awajsártatui. Tuma asamtai ashí nuṉkanmaya̱ aentstiram Ní shuari̱ji̱a̱i̱ iruntrarum warastarum” tímiayi Muisais.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

Isr. 12:29

Maa, ii Yusri̱ṉkia kajerkaṉka uunt jía nuke aesa mash emesramniaiti.

Isr. 2:3

Antsu ii Uuntri̱ Krístuka uwempratin chichaman emka itiamiayi. Tura imiá nekas tuíniak Nin anturkaru iin ujatmákarmaji. Tuma asamtai uwempratin chicham nakitiakrikia nuna naṉkaamas uwemtsuk asutniáttaji.

Isr. 9:27

Ashí shuarsha chikichkí jakar nuyá̱ ni túrukarman Yusai̱ nekamatin áiniawai.

San. 5:3

Kurirmesha tura kuítrumsha ashí ijiakmamkarai. Ijiakmampramuri̱sha ame péṉkercha túram nuna paant iniakmawai. Tura jinium áesamua áintsaṉ aya̱shmíin ame kuítrum yajauch awajtámsattawai. Amuukatin tsawant jeamunam anearchamame antsu ame kuítrum ikiauṉkamame.

Apu. 20:15

Tura ashí shuar tuke iwiaaku pujustin papinium ni naari̱ áatrachma asa wainniakchama nusha ti keá nu ji antumiaṉ kuamunam aju̱a̱warmai.

1 Sam. 2:25

Áishmaṉ chíkich áishmaṉja̱i̱ yajauchin túramtaikia núnaka Yus chichamprukminiaiti tura aents Uunt Yusan yajauch túramtaisha nincha ¿yaki chichamprukaint?” tímiayi. Túrasha Yus nin ajakrartaj tusa wakera asamtai ni aparí̱ chichame̱nka anturkacharmai.