Isr. 10:24 - Yus Papí: Shuarja̱i̱ Yus Yamaram Chicham Najanamu

²⁴ Péṉker anenain tura péṉker túrin ajasártai tusar mai̱ yáiniaikiartiniaitji.

Isr. 10:24 Iomraidhean Croise

YKan. 41:1

Kuítrincha nuna waitnenniuka warasti. Tuma asamtai itiurchat pujakuisha Uunt Yus yáiṉtatui.

Neka. 29:7

Shuar péṉker enentáimniuka kuítrincha ásar nekas atsumainiana nuna enentáimtiniaiti antsu Yusan enentáimtichuka núnaka peṉké enentáimtichuiti.

Tur. 11:29

Tuma ásar Antiukíanmaya̱ Yus shuarka Jutanmaya̱ Yus shuaran yaiṉtai tusar ni takaku armia nuja̱i̱ métek aṉkant aṉkant súsarmiayi.

Rum. 11:4

Tura Yus aya̱k “Siati mir áishmaṉkan Israer shuarnumia̱ apujtumsaruitjiai. Nu shuar ántar yus Páaran tikishmátrachu áiniawai” 1 Akup. 19:18 timiai Yus.

Rum. 12:15

Warainia nuja̱i̱ warastarum. Kúntuts pujuinia núja̱i̱sha úttiarum.

1 Kur. 10:33

Wisha ashí shuaran yáiṉtinian tuke enentáimjiai. Ashí shuar uwemprarti tusan wi wakeraj nuna enentáimtsuk nin yáiṉtinian tuke pujurjai.

1 Kur. 9:22

Yusja̱i̱ katsua̱rchasha tí peṉker Yus shuar ajasárti tusan wisha katsua̱rcha áintsaṉ ajai. Chíkich chíkich shuarja̱i̱ métek ajajai ishichkisha Yus shuar ajasárti tusan.

2 Kur. 8:8

Kame atumí uuntri̱a núnisnak akupeatsjarme, túratniuitrume tusan. Antsu chíkich shuar ni kuítri̱n súsartaj tusa ti wakeruinia nuna atumín ujakan atumí aneṉkrattairi̱ nekaspashit tusan nekapsatajtsa pujajai.

Kar. 5:13

Atumniasha yatsuru, Kristu tuke aṉkant awajtámsarme. Tura aṉkant ajasrum “Aya wi wakerajna nuna túramniaitjiai” tu enentáimprairap. Antsu nuamtak aneniakrum péṉker yáiniaiktarum.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Kar. 6:1

Túrasha yatsuru, Yus shuar tunáa túrashtimpiash. Atumsha nekas Yusja̱i̱ wekaarumna nu, nu wáinkiurmeka yátsum Yusja̱i̱ iwiarat tusarum yaiṉtarum. Tura naṉkamantu enentáimtumatsuk túratarum. Tura amesha nekaamata. Tunaanum iniara̱i̱j tusam anearam wekasata.

Kurs. 3:16

Kristu shiir Chichame̱ atumí enentái̱n piaktí. Nekas naka enentáimprarum jintinniáiyarum mai̱ ikiakánai ajatarum. Yus kanta kantamárum tuke enentáiji̱a̱i̱ Yus yumiṉsarum shiir awajsatarum.

1 Tis. 1:3

Atumsha Yus nekas enentáimtakrum umirkarumna nu nékaji. Núnisrumek Yus aneakrum takaarme. Tura ii Uuntri̱ Jesukrístu tatí tusarum tuke tsawant nákarme. Nu neka asar ii Aparí̱ Yus iniaitsuk áujkur ashí átum enentáimtusar Yus áujtaji.

1 Tis. 5:11

Tuma asamtai tuke túrarmena núnisrumek shiir enentáimtiknaisarum mai̱ ikiakánai ajatarum.

2 Tis. 3:9

Kame iisha Kristu akatrámu asar “yáintkiatarum” tíminiuji. Túrasha nu tútsuk ii túrajnia núnisrumek túratin nekaatarum tusar iisha tuke tsawant takaamiaji.

1 Tim. 6:18

“Péṉker túratarum” tiartá. Tákumin nisha shiir enentáiji̱a̱i̱ ni takakman ajamsarti. Nuyá̱ nú péṉker túramuja̱i̱ Yusai̱ ikiauṉkarti.

Tit. 2:4

Nisha yama nuatnakua nuna ni áishri̱n ni uchirí̱ncha nekas aneetniun unuiniararti.

Tit. 3:8

Nuka ti nekasaiti. Tuma asamtai Yusan umirkarmia nu, péṉker túratniun tuke wakerukarat tusam tuke jintinki̱ wetá. Wi tímiajna nu, péṉker asamtai ashí aents nuna nekaatniun atsumainiawai.

Isr. 13:1

Nuamtak yachi̱a núnisrum tuke mái̱ anenai ajatarum.

Isr. 13:3

Sepunam pujuinia nusha atumsha niji̱a̱i̱ pujá núnisrumek waitnentrarta. Wáitkiasarma nusha wisha núnisnak wáitsamniapitjia tusarum waitnentratarum.

Isr. 3:13

Kame kashinkia yajauch túramuja̱i̱ anaṉnam enentáimin Yusna nakitrashtapash. Tuma asamtai yamaik tura ashí tsawant ikiakánairtarum.

1 Jṉ. 3:18

Uchiru, aya chíchamja̱i̱ṉ anenain áchatniuitji antsu nekas aneniakur péṉker túrar yáiniaiktiniaitji.