Isr. 10:21 - Yus Papí: Shuarja̱i̱ Yus Yamaram Chicham Najanamu

²¹ Jesus Yúsnan pujurniu uuntri̱ asa ashí Yus shuartin wáitmak pujurtamji.

Isr. 10:21 Iomraidhean Croise

Mat. 16:18

Tura Wisha tájame, ámeka Pítruitme. Nu kayanam je̱a̱ je̱a̱mtinia áintsaṉ Yus shuaran ekenin tsakatmartatjai. Túramtai jákatniusha tura Yusa nemasri̱sha nu je̱a̱mman pukukchattawai.

Isr. 2:17

Túratin asa peṉké métek ni yáchi̱ya áinis ajasmiayi. Nuja̱i̱ iin tuke waitnentrampramniaitji. Tuma asa Yúsnan pujurniu uuntri̱ ajas Yusan tuke péṉker chichartamsamniaitji. Núnisaṉ murikiun maa Yus súsatniua áintsaṉ ni jakamuja̱i̱ ashí shuara tunaari̱n tsaṉkurniuiti.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 6:20

Jesussha emka Yusai̱ wayá̱ mash iwiarturmaji. Tura Mirkiseték amia núnisaṉ Nisha yamái tuke amuukashtinian Yúsnan pujurniu uuntri̱ ajasuíti.

Isr. 7:26

Tuma asa Jesus Yúsnan péṉker pujurniu uuntri̱ asa ii atsumajnia núkete nisha. Nisha ti shiir asa peṉké tunaarinchaiti. Ashí yajauchinmaya̱ kanakniuiti. Tura Yusja̱i̱ métek Uunt ajasuíti.

Isr. 8:1

Nekas ju̱na tájame, Yúsnan pujurniu uuntri̱ Jesus iin ti shiir yaintma asa akupin pujutai̱nium Yusa untsuurí̱ni̱ nayaimpiniam pujusuiti.