Isr. 10:19 - Yus Papí: Shuarja̱i̱ Yus Yamaram Chicham Najanamu

¹⁹ Tuma asar yatsuru, Jesukrístu numpe̱ja̱i̱ péṉker awajsamu asar sapijmiatsuk shiir enentáiji̱a̱i̱ Tí Shiir Tesamu imiá shiira nui̱ Yus nekas pujamunam waya̱mniaitji.

Isr. 10:19 Iomraidhean Croise

Rum. 5:2

Tura Ni shiir enentáimtakur Yusai̱ weankaitji. Tura Kristu jarutramkakrin Yus ti anenmaji. Tura tuke anenma asakrin Niji̱a̱i̱ métek shiir ajastin nákakur waraaji.

Rum. 8:15

Yusa Wakaní̱ iin pujurtamkurin Yusa uchirí̱ ajasár sapijmiatsuk Yusai̱ weamkar “Aparu” tíminiaitji.

Ipi. 2:18

Yamaikia Israer shuartisha tura Israer shuarchasha mái̱ metek Kristu túrunamuja̱i̱ tura Yusa Wakaní̱ takaku asar Yusai̱ jeatniuitji.

Ipi. 3:12

Tura Krístuja̱i̱ Yusai̱ yúpichuch jeaji. Tura Nin nekas enentáimtusar sapijmiatsuk Nin tantamniaitji.

2 Tim. 1:7

Yuska sápij enentáin suramsachuitji. Antsu kakaram ajastinniasha anenaitniuncha tura iik íimiasar naka wekasatniun suramsaitji.

Isr. 10:18

Tuma asamtai ii yajauchiri̱ tsaṉkuramu asamtai atak iin jarutramkatin atsumatsji.

Isr. 10:35

Tuma asarum yawe̱tsuk Yus tuke enentáimtusrum kakaram ajastarum. Túrakrum naṉkaamas sunaschatniuitiajtai tiirap.

Isr. 12:28

Yus iin akupkatniun tsaṉkatramaj nuka umuchnakchattawai. Tuma asamtai Yus yumiṉsatniuitji. Yus wakerana núnisrik wishiktsuk shiir enentáimtusar Yus shiir awajsatniuitji.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

Isr. 3:6

Túrasha Kristu Yusa Je̱e̱n takarniuchu asa antsu Yusa Uchirí̱ asa nui̱ ashí akupeawai. Nu je̱a̱sha iitji. Tura tuke iniaitsuk kakaram ajasár Yus suramsattaj nu wararsar nákastiniaitji.

Isr. 4:16

Yus waitneṉkratakur akupin pujutai̱niam shiir enentáiji̱a̱i̱ arantutsuk weantúktiniaitji. Tura Yus iin anenma asa waitnentramak itiurchat pujajnia nui̱ yaintmaktatji.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

Isr. 9:12

Tura Kristu Imiá Shiir Tesamunam chipiu áishmaṉ tura waaka yamatskama numpe̱ja̱i̱sha waya̱chuiti antsu ímia ni numpe̱ja̱i̱ṉᵏⁱ waya̱iti. Tura aya chikichkí wayá̱ ii yajauch túrutairi̱n asaktúrmar iniaṉnatsuk uwemtikrampramiaji.

Isr. 9:3

Nuyá̱ tarach ejamu á̱a̱wini̱ṉkia Tí Shiir Tesamu ámiayi.

1 Jṉ. 4:17

Núnisar tí peṉker anenkartin ajaji. Túrarⁱ sumamtikiatin tsawantai̱ natsamtsuk wajastatji. Kame ju̱ nuṉkanam pujayatrik Jesukrístuja̱i̱ méteketji.