Isr. 10:12 - Yus Papí: Shuarja̱i̱ Yus Yamaram Chicham Najanamu

¹² Antsu Jesukrístuka jákatniunam chikichkí surumak ashí shuara yajauchiri̱n asakár atakka peṉké jákashtiniaiti. Nuna tura Yusa untsuurí̱ni̱ nekas akupin pujutai̱nium pujusuiti.

Isr. 10:12 Iomraidhean Croise

YKan. 110:1

Uunt Yus winia Úuntrun ju̱na chichaak “Akupin pujutai̱niam, winia untsuurui̱ni̱ pujusam Ame nemasrumin nupetkan Ámin umirtamkarti tusan amaamam nákarsata. Mat. 22:44; Isr. 1:3,13

Mar. 16:19

Jesus chichas amukmatai Yus nayaimpiniam jukimiayi. Túruna Yusa untsuurí̱ni̱ pujusmiayi.

Rum. 8:34

Tura ¿yaki “jinium apenáti” titi? Warí, Kristu peṉké túrashtatui. Antsu nu shuaran jarukmiayi. Tura nantaki̱ Yusa untsuurí̱ni̱ ekemas iin áujturmaji.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Kurs. 3:1

Nuikia Krístuja̱i̱ nantakin asarum nayaimpinmaya̱ írunna nu wakeruktarum. Nui̱ Kristu pujawai Yusa untsuurí̱ni̱.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 10:10

Nuja̱i̱ Jesukrístu Yusan umiruk jákatniun chikichkí surumakmatai Yus iin tunaarincha shiir awajtámsaitji.

Isr. 10:14

Chikichkí jakamuja̱i̱ ni shuari̱n tuke tunaarincha awajsaruiti.

Isr. 5:1

Tura Yúsnan pujurniu úuntri̱ṉkia shuar anaikiamuiti tura ni takatrí̱ jímiaraiti. Yusai̱ shuarnan chicharsatniuiti. Nuya̱sha Yus suíniamun súsatniuiti tura núnisaṉ taṉkun maa Yusan súsatniuiti shuara yajauchiri̱n asakátratniun.

Isr. 5:3

Tura nisha tujintia asa ni yajauchiri̱ncha chikichnaja̱i̱ métek tsaṉkurnarat tusa taṉkun maa Yusan súsatniuiti.

Isr. 7:27

Nisha yaunchu Yúsnan pujurniu uuntri̱ armia núninchaiti. Yaunchua nuka murikiun máwar ashí tsawant Yusan suu ármiayi. Nuja̱i̱ emka ni yajauchiri̱n nuyá̱ ashí shuara tunaari̱ncha asakátin ármiayi. Tura Jesuska jákatniunam chikichkí surumak ashí shuara yajauchiri̱n asakátramiayi.

Isr. 8:1

Nekas ju̱na tájame, Yúsnan pujurniu uuntri̱ Jesus iin ti shiir yaintma asa akupin pujutai̱nium Yusa untsuurí̱ni̱ nayaimpiniam pujusuiti.

Isr. 9:12

Tura Kristu Imiá Shiir Tesamunam chipiu áishmaṉ tura waaka yamatskama numpe̱ja̱i̱sha waya̱chuiti antsu ímia ni numpe̱ja̱i̱ṉᵏⁱ waya̱iti. Tura aya chikichkí wayá̱ ii yajauch túrutairi̱n asaktúrmar iniaṉnatsuk uwemtikrampramiaji.

Isr. 9:14

Antsu Kristu peṉké tunaarinchaitiat tuke jáchatai Wakaní̱ kakarmari̱ji̱a̱i̱ jákatniunam Yusai̱ surumakmiayi. Tuma asamtai Kristu numpé̱ ii yajauchiri̱n peṉké asakáru asamtai yamaikia ii tunaarí̱ jákatniunam júana nuja̱i̱ itit enentáimtumatsuk nekas iwiaaku Yus ¿shiir umirkachminkiaitiajⁱ?