Isr. 1:4 - Yus Papí: Shuarja̱i̱ Yus Yamaram Chicham Najanamu

⁴ Yusa Uchirí̱ asa ni naari̱ nayaimpinmaya̱ suntarja̱i̱ imiá naṉkamantu awajnásuiti. Tura tí naṉkamantu asamtai Yus nayaimpinmaya̱ suntarja̱i̱ tí naṉkaamas Nin ti shiir awajtawai.

Isr. 1:4 Iomraidhean Croise

Ipi. 1:21

Tura ashí ju̱ nuṉkanam akupin ainia núja̱i̱sha tura ukunam nuṉka átatna nui̱ akupin áminia núja̱i̱sha tura ashí akupin ainia núja̱i̱sha tura ashí naari̱ nékamu ainia núja̱i̱sha Yus Krístun ashí naṉkaamas akupin awajsámiayi.

Kurs. 1:18

Ashí Yus shuar métekrak chikichik aya̱shtinia núnis enentáimkiumka nuna muuke̱ṉka Krístuiti. Tura nu aya̱shí̱n ni iwiaakmari̱ji̱a̱i̱ iwiaaku átinian súsaiti. Nisha ashí jakamunmaya̱ nantakniuja̱i̱ imiá naṉkamantuiti. Núja̱i̱ṉkia ashí enentáimpramnia írunna nunasha akupniuiti.

Kurs. 2:10

Túmakui̱ atumsha Krístuja̱i̱ tsaniṉkiu asarum ni iwiaakmari̱ takamtsuk takakuitrume. Krístusha ashí akupniun akupniuiti. Aentsnumsha iwianchniumsha tura nayaimpinmasha ashí akupin írunna nuna akupniuiti.

2 Tis. 1:7

Tura wáitiarmena nusha Yus íiji̱a̱i̱sha ayamtikramprartin péṉkeraiti. Ii Uuntri̱ Jesukrístu ji keana ímianisaṉ kakaram suntari̱ji̱a̱i̱ nayaimpinmaya̱ tara wantinkiamtai nu tsawantai̱ Yus ayampratniun suramsartatji.

Isr. 1:9

Péṉkera nu anenaitme tura yajauchia nu muí̱jniuitme. YKan. 45:6-7 Tuma asakmin Yus, ame Yúsrum ame írutramuram ainia nuja̱i̱ naṉkaamas waratai̱ asuitiji̱a̱i̱ anaitiamkaiti.” Isa. 61:1,3

Isr. 12:17

Tura ukunam aparí̱ iwia̱i̱ri̱n súsatniua nuna nekáa Esaú ti wakerukmiayi tura utki̱ seamaitiatcha ni aparí̱ péṉkernum yumiṉkramun yapajtsuk aparí̱ tsaṉkatkachmia nuka nékatsrumek.Naṉ. 27

Isr. 2:9

Tura wáinjinia nu Krístuiti. Nisha aents ajas ishichik tsawant nayaimpinmaya̱ suntarja̱i̱ péejchach ajasmiayi. Yus ashí shuaran ti aneak jarukarti tusa wakerimiayi. Tura ni wáitias jakamuja̱i̱ yamaikia ti shiir naṉkaamas Uunt awajsamuiti.

1 Pit. 3:22

Tura Nisha nayaimpiniam we akupin pujutai̱nium Yusa untsuurí̱ni̱ apujsamuiti. Túramtai nayaimpinmaya̱ suntarsha tura ashí kakaram akupin áiniana nusha Jesukrístun umirainiawai.