Isr. 1:3 - Yus Papí: Shuarja̱i̱ Yus Yamaram Chicham Najanamu

³ Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 1:3 Iomraidhean Croise

YKan. 110:1

Uunt Yus winia Úuntrun ju̱na chichaak “Akupin pujutai̱niam, winia untsuurui̱ni̱ pujusam Ame nemasrumin nupetkan Ámin umirtamkarti tusan amaamam nákarsata. Mat. 22:44; Isr. 1:3,13

YKan. 75:3

Nuṉkasha aents matsatainia núurtiuk meseakuisha Wiki nu pauri̱ncha achíakjai.(Séraj)

Mik. 5:4

Uunt Yusa kakarmari̱ji̱a̱i̱ núnisaṉ Ni Yusri̱ Uunt Yusa naari̱ ti naṉkamantua nuja̱i̱ ni shuari̱ wainiainiam imiatkincha matsamsartatui. Warí Nisha nuṉka náṉkatrana ímianai naṉkamantu awajsamu átatui.

Mat. 22:24

“Uuntá, Muisais ju̱na áartampramiaji ‘Áishmaṉ uchin yajutmatsuk jakamtaiṉkia ni yachi̱ nu nuwa̱n nuatak ni yachi̱n yajutmatrati’ tu áarmiayi.Muis. 25:5

Mar. 16:19

Jesus chichas amukmatai Yus nayaimpiniam jukimiayi. Túruna Yusa untsuurí̱ni̱ pujusmiayi.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 1:4

Iwiaakmaka Niin amai. Nu iwiaakmaka aentsu tsáapintri̱nti. Nu tsáapninkia Yusna nuna ashí shuaran paant nekamtikiamniaiti.

Tur. 2:33

Yuska Jesus naṉkamantuiti tusa ni untsuurí̱ni̱ apujsaiti. Tura ni Wakaní̱n Jesusan súsaiti Ni yaunchu timia nútiksaṉ. Tuma asamtai ju̱sha átum antukurmena nuna tura íisurmena nunasha Yus suramsaiti.

Tur. 7:56

Tumá wainiak Israer shuaran chicharuk “Nuá iiskua, nayaimp uranniun wainjiai. Tura Jesusan, Aents Ajasu tutaiya nuna Yusa untsuurí̱ni̱ni̱ wajan wainjiai” tímiayi.

Rum. 1:16

Nu uwempratin chicham Yusa kakarmari̱ji̱a̱i̱ ti kakaram asa ashí shuaran Krístun nekas enentáimtuinia nuna uwemtikramniaiti. Tuma asamtai natsantatsjai. Nekas Israer shuarnasha tura chíkich shuarnasha núnisaṉ uwemtikramniaiti.

Rum. 8:34

Tura ¿yaki “jinium apenáti” titi? Warí, Kristu peṉké túrashtatui. Antsu nu shuaran jarukmiayi. Tura nantaki̱ Yusa untsuurí̱ni̱ ekemas iin áujturmaji.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

Kurs. 3:1

Nuikia Krístuja̱i̱ nantakin asarum nayaimpinmaya̱ írunna nu wakeruktarum. Nui̱ Kristu pujawai Yusa untsuurí̱ni̱.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 1:13

Ataksha tímiayi “Akupin pujutai̱nium winia untsuurui̱ni̱ pujusam nákarsata. Ame nemasrumin nupetkan ámin umirtamkarti tusan amastatjai.” YKan. 110:1 Núnisaṉ nayaimpinmaya̱ suntaran peṉké tíchamiayi.

Isr. 10:12

Antsu Jesukrístuka jákatniunam chikichkí surumak ashí shuara yajauchiri̱n asakár atakka peṉké jákashtiniaiti. Nuna tura Yusa untsuurí̱ni̱ nekas akupin pujutai̱nium pujusuiti.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 4:14

Jesus Yusa Uchirí̱ nekas Yúsnan pujurniu uuntri̱ ajas Yusai̱ wayá̱ íiniun chichartamji. Nu asamtai iniaitsuk tuke nekas enentáimtustiniaitji.

Isr. 7:27

Nisha yaunchu Yúsnan pujurniu uuntri̱ armia núninchaiti. Yaunchua nuka murikiun máwar ashí tsawant Yusan suu ármiayi. Nuja̱i̱ emka ni yajauchiri̱n nuyá̱ ashí shuara tunaari̱ncha asakátin ármiayi. Tura Jesuska jákatniunam chikichkí surumak ashí shuara yajauchiri̱n asakátramiayi.

Isr. 8:1

Nekas ju̱na tájame, Yúsnan pujurniu uuntri̱ Jesus iin ti shiir yaintma asa akupin pujutai̱nium Yusa untsuurí̱ni̱ nayaimpiniam pujusuiti.

Isr. 9:16

Shuar ni kuítri̱n akantratak chichaman najanatniuiti. Tura jáatsa̱i̱ṉ nu kuit akantrashtiniaiti. Aya ni jakamtai nu chicham najanamu uminkiatniuiti.

Isr. 9:26

Kame wa̱i̱ pujutniuitkiuiṉkia nuṉka yama naṉkammanumia̱ṉ juárkiniaitkiuṉka ataksha awaiṉki̱ ajá puju̱a̱yi. Túrasha yamaikia tunáa amukatniun nuṉka amuumam jákatniunam Krístuka chikichkí surumakuiti.

1 Pit. 1:21

Niji̱a̱i̱ átumka Yus umiirume. Yuska Krístun jakamunmaya̱n iniantki̱ naṉkamantu awajsámiayi. Yus nekas enentáimtakrum aya péṉkernak túrawai titiarum tusa túraiti.

1 Pit. 3:22

Tura Nisha nayaimpiniam we akupin pujutai̱nium Yusa untsuurí̱ni̱ apujsamuiti. Túramtai nayaimpinmaya̱ suntarsha tura ashí kakaram akupin áiniana nusha Jesukrístun umirainiawai.

2 Pit. 1:16

Ii Uuntri̱ Jesukrístu kakarmari̱ tura ni táratniuri̱ etserkamajnia nu aya aentsnumia̱ ántar chichamchauyi. Antsu imia íi ji̱ji̱a̱i̱ Uunt Jesukrístu naṉkamantu ajasu wainkia asar ujakmajrume.

2 Pit. 1:17

Tura Apa Yus Jesukrístun shiir waantu awajsámia nui̱ ni imiá shiir pujutái̱ri̱ya̱ chichaak “Ju̱ka winia ti aneamur Uchiruiti. Nin ti wararjai” tímiayi.

1 Jṉ. 1:7

Yuska tuke tsáapninium pujuwiti. Iisha núnisrik tuke tsáapninium pujakrikia nuamtak nawamnaikiar pujuiniaji. Túrakrin Yus ni Uchirí̱ Jesukrístu numpe̱ja̱i̱ ashí ii yajauch túramuri̱n japirtamji.

1 Jṉ. 3:5

Jesukrístu ii tunaarí̱ asakártaj tusa ju̱ nuṉkanam tamia nu nékarme. Tura Niṉkia yajauchin túrichuyayi.

Apu. 3:21

Nupetmakuka akupin pujutai̱nium Wiji̱a̱i̱ pujustatui. Wisha núnisnak nupetmaku asan winia Aparja̱i̱ akupin pujutai̱nium pujusuitjiai.

Apu. 4:11

“Uuntá, ii Yúsri̱nme. Tuke shiir awajmáinme. Ashí naṉkaamas kakarmaitme. Amek ashí írunna nu najankaitme. Tura aya wakerakum najankamame. Ame wakerakmin irunainiawai” tuíniawai.