Isr. 1:2 - Yus Papí: Shuarja̱i̱ Yus Yamaram Chicham Najanamu

² Kame amúamu tsawantin pujajnia ju̱i̱ṉkia Ni Uchiri̱i̱ní̱ chichartamkaitji. Tura ashí írunna nunasha Niini̱ najanka asa Ni nérentin ajasti tusa Uchirí̱n ashí súsaiti.

Isr. 1:2 Iomraidhean Croise

Naṉ. 49:1

Kame Jakup ni uchirí̱n untsukar chicharainiak “Winí̱ weankátarum, túrunawakrumin ukunam túrunattana nuna ujaktájrum.

Isa. 2:2

Kame amúamu tsawantinkia Uunt Yus Shiir Awajtai̱ Je̱a̱ pujana nú naintkia chíkich naint ainia núja̱i̱ṉkia naṉkaamas páantin awajnástatui. Tura nu naint tépepra ainia núna naṉkaka uunt átatui. Túrunamtai ashí nuṉkanmaya̱ aents ti untsurí nin kauniartatui.

Isa. 44:24

Ame nukú waké̱ ínitia̱ṉ najatma nu Uunt Yus ámin aṉkant awajtámsa jú̱nis túramui “Wi Uunt Yus ashí nájanjai. Aya nayaimpiniak ayapá̱jai nuṉkancha Wiki ayapá̱jai.

Jrm. 30:24

Uunt Yus ni enentái̱n túratniun tuke umitsuk ni tí kaje̱ntkamuri̱ atsaṉnarchattawai. Tura nuka tsawant amúamunam nekaattarme.

Isk. 38:16

Túrunarum Wi shuarja̱i̱ mánaiktaj tusarum yuraṉkim nuṉká utsantra núniktatrume. Nuka amukatin tsawant jeakui túrunattawai. Kame ámin Kuká, túrattajmena nuna iisar uunt nuṉka mátsatkamu ainia nusha Wi Tunaarinchaitjiana nuna amiini̱ nekarawarat tusan Winia nuṉkar itiurchat awajka̱i̱ tusan áminkia itiattajme’ tawai” tímiayi.

Tan. 10:14

Tuma asamtai amukatin tsawantin ame shuarum urukawartata nuna paant nekamtikiattsan wikia tarijme. Warí, ímiaja̱i̱k wainkiamam nuka nu tsawantaiti” turutmiayi.

Tan. 2:28

Antsu chikichik Yus nayaimpiniam pujana nuke nekaachminia nunasha paant awajniuiti. Tuma asa úunt akupin Napukutunusúrá, ukunam túrunattamna nuna paant iniakturmasai. Ame peakrumi tepesam mesekranam tura ímiaja̱i̱k wáinmiam nusha ju̱i̱ti.

Use. 3:5

Tura Israer shuarka ataksha ni Uunt Yusri̱ enentáimturar ni akupniúri̱ Tawitiai̱ waketkiartatui. Tura amúamu tsawantinkia Uunt Yusan ashamainiak kuraṉkar waitnenkartutairi̱n seawar Nin weantúkartatui.

Mik. 4:1

Nuyá̱ amúamu tsawantinkia Uunt Yusa Je̱e̱ pujana nú naintkia chíkich naint ainia nuja̱i̱ naṉkamantu awajnástatui. Tura untsurí nuṉkanmaya̱ aents nui̱ tseke káunkartatui.

Wek. 24:14

Pai yamaikia jú̱ nekaata, wikia winia nuṉkarui̱ wáketjai. Túrasha winitiá, anairartaj tusan jú̱ shuar ame shuarumin ukunam itiurkartata nuna ujaktatjame” tímiayi Paraam.

Mat. 13:39

Tura íwianch ii nemasri̱ asa yajauch nupa̱n arakuiti. Tura nuṉka amúamunam Yusa suntari̱ arakan júuktinia áintsaṉ shuaran yaruaktatui.

Mat. 17:5

Tura Pítiur tu auju wajái̱ yuraṉkim ti puju amuamiayi. Tura nu yuraṉminmaya̱n chichaman antukarmiayi. “Ju̱ka winia aneamu Uchiruiti. Nin ti shiir enentáimtajai. Ni péṉker anturkatarum” tímiayi. Tu chichasmiayi Yus.

Mat. 21:38

Túrasha takakmainiaka nérenniu uchirí̱n wáinkiar chichainiak ‘Aparí̱ jakamtai ju̱na mashⁱ júkishtatuak. Maatai túrar ii nérentin ajastai’ tiarmai.

Mat. 26:63

Túrasha Jesus tuke áimchamiayi. Túmakui̱ Yúsnan pujurniu uuntri̱ chicharuk “Nekas iwiaaku Yusa náari̱i̱n tájame nekasa nu táchakminkia Yus iirmastatui. ¿Ame Krístukaitiam. Yusa Uchirí̱ṉkaitiam? Paant etserkata” tímiayi.

Mat. 28:18

Nuyá̱ Jesus tíjiu̱ch tantá chichaak “Ashí nayaimpinmasha nuṉkasha akupkatniun kakarman surusuiti.

Mat. 3:17

Túramtai nayaimpinmaya̱ Yus chicháa antukamiayi “Ju̱ka winia Uchiruiti. Ti aneamuiti. Ti shiir enentáimtajai” tímiayi.

Mar. 1:1

Ju̱i̱ Jesukrístunu shiir chicham náṉkameawai. Jesukrístu Yusa Uchirí̱nti.

Mar. 12:6

Tura niji̱a̱i̱ chikichik tuke ámiayi, nuka ni aneamu uchirí̱. Nu uchincha ukunam akupkámai. Akupeak ‘Winia uchirnaka shiir awajsártatui’ tímiayi.

Mar. 12:7

Tura ni uchirí̱ winian wáinkiar takáu shuar nuamtak chichainiak ‘Ju̱ka ajá nérenniu uchirí̱nti. Wátsek, maatai túramka ájaka iiniu átatui’ tiarmai

Juaṉ 1:10

Chichamsha ju̱ nuṉkanam pujumiayi. Tura nuṉkasha ni najanamu ai̱ṉ aentska Nin nekaacharmiayi.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 1:3

Ashí najankamu ainia nuka Niji̱a̱i̱ najankamuiti. Niji̱a̱i̱ najankachmaka peṉké atsawai.

Juaṉ 13:3

Tura Jesus Yusai̱ya̱ tau asa waketkitniuyi. Tura Yus Apa ashí mash susamiayi akupin atí tusa. Jesussha nuna nekáa

Juaṉ 13:32

Wi Yusa kakarmari̱n paant awajeakui Wisha ni Uchirí̱ asamtai winia kakarmarnasha Yuska wárik paant awajsattawai.

Juaṉ 15:15

Takarniuka ni uuntri̱ takaana nuna nékatsui. Tuma asamtai ‘winia takarniúruitrume’ tátsujrume. Antsu ashí winia Apar táman ujaku asan ‘winia amikruitrume’ tájarme.

Juaṉ 16:15

Ashí winia Apar takakna nusha Wíniaiti. Nu asamtai ‘ashí Wínian ujatmáktatui’ tajai.

Juaṉ 17:2

Ashí aentsun akupkatin tsaṉkatkaitme. Núja̱i̱ṉkia Nin susamna nú shuaran yamaram iwiaakman tuke amuukashtinian súsaiti.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Juaṉ 3:25

Tura Juaṉka unuiniamuri̱ Israer shuarja̱i̱ jianaitian naṉkamawarmiayi. “¿Ya imiakratma imiá péṉkerait?” tusar áujmatiarmiayi.

Juaṉ 5:26

Iis, Winia Apar iwiaaku awajsatniun ímia Niṉki takakui. Tura Winiasha ni Uchirí̱ asamtai iwiaaku awajsatniun surusuiti.

Juaṉ 5:27

Nu arantcha Wi Aents Ajasu asamtai shuaran súmamtikiatniun surusuiti.

Juaṉ 9:29

Yus Muisaisan akupkaiti iikia nékaji antsu nu áishmaṉ nékatsji. ¿Tuya̱ntskait?” tiármiayi.

Tur. 10:36

Yuska shiir chichaman Israer shuarun akuptúkmiayi. Nui̱ chichaak ‘Shuar Jesukrístu náari̱n páchiakka Yusja̱i̱ nawamnaikiatin átiniaiti. Nú Jesukrístu ashí shuara Úuntri̱nti’ tímiayi Yus.

Tur. 2:17

‘Yus tawai “Jú̱ nuṉka amuukatin jeatémamtai winia Wakantrun yumi yaranua áintsaṉ ashí aentsnum akupkáttajai. Atumí uchirí̱ atumí nawantri̱sha Yusa Chichame̱n áujmatiartatui. Tura nátsaka íimiarartatui. Tura uuntka mesekramiartatui.

Rum. 1:4

Tura ni ti shiir wakaní̱ji̱a̱i̱ṉkia Yusa Uchirí̱nti. Tura ti kakarmaiti. Jakamunmaya̱ nantakmiaja̱i̱ nekas Yusa Uchirí̱a nu, paant nekanamiayi. Nisha ii Uuntri̱ Jesukrístuiti.

Rum. 8:17

Tura ni uchirí̱ ajasu asakrin Yus timia núnisaṉ ashí Níniun suramsattaji. Krístun ashí susattana núnisaṉ iincha suramsattaji. Yamái Krístunu takaakur wáitiakrikia ukunam Krístuja̱i̱ métek ti shiir awajnástatji.

1 Kur. 2:7

Yaunchu ju̱ nuṉka atsa̱i̱ṉ Yus iin uwemtikrampratniun enentáimpramiayi ti shiir pujusármi tusa. Ju̱ Yusa enentáimmiari̱ yaunchu nekanachmiayi tura yamaikia nu nekaar áujmatji.

1 Kur. 8:6

Tura iikia nékaji aya chikichik Yus awai nusha ii Aparí̱nti. Ashí írunna nuna najanaiti tura ni wakera nuna umikiat tusa iin najatmamji. Ii Úuntri̱sha chikichkiti Jesukrístu. Níji̱a̱i̱ṉkia ashí najanamuiti. Tura iisha ni kakarmari̱ji̱a̱i̱ iwiaaku pujaji.

Kar. 4:4

Tura tsawant jeamtai Yus ni Uchirí̱n akupkámiayi ju̱ nuṉkanam. Nisha Yúsaitiat nuwa̱nam akiiniamiayi. Tura aents ajasmiayi. Tura aents ajas yaunchu akupkámuncha umirkatniuyayi.

Ipi. 1:10

Ashí jú̱ nuṉkanam írunna nunasha tura nayaimpiniam írunna nunasha Kristu ashí akupin ati tusa Yus tsaṉkatkattawai. Nunasha Yus yaunchu enentáimturu asamtai tsawant jeamtai ashí uminkiattawai.

Ipi. 3:9

Yuska, ashí najana nu, nu enentáimmian yáunchusha etsertsuk yamaikia ashí shuar nu chichaman nekaawarat tusa winia akattúrmiayi.

Muis. 18:15

Ukunam atumí Uunt Yusri̱ átum weanmaya̱nak kame atumínia̱nak Yúsnan etserniun wiya jú̱ni̱nniak anaikiattawai. Tura nisha anturkatarum.

Muis. 31:29

Warí wikia nékajai. Wi jakamtai̱ṉkia átumka ti yajauch túrakrum péṉker wekasatniun jintintiáitjiarmena nuka iniaisattarme. Túmakrum Uunt Yus íimmianum yajauch tura asarum ukunmaṉka ti yajauch matsamtiatrume. Núnisrumek atumí túramuri̱ji̱a̱i̱ Uunt Yus akajtiatrume” tímiayi Muisais.

Muis. 4:30

Nuyá̱ ukunam ashí ju̱na tájarmena nu wáinkiuram tura ti waitsa pujakrum atumí Uunt Yusri̱ enentáimtustatrume. Túrakrum ni chichame̱ umirkattarme.

Isr. 1:5

Wátsek nayaimpinmaya̱ suntaran chikichkinkesha ju̱na tútsuk Krístun tímiayi. “Ame winia Uchiruitme. Túmaitkiui yamaikia winia iwiaakmarun súsaitjiame.” YKan. 2:7 Tura núnisaṉ tímiayi “Wi ni aparí̱ átatjai tura Ni winia uchir átatui.” 2 Sam. 7:14

Isr. 1:8

Antsu ni Uchirí̱niun tímiayi “Ame, Yusá, tuke amutsuk akupniuitme. Ame akuptáirmesha aya péṉkeraiti.

Isr. 11:3

Aya Yus enentáimtakur ju̱ nékaji, Yus aya ni chichame̱ja̱i̱ṉ ashí nuṉkan najanamiayi. Túramtai ashí wainiainiaj nu wáinchataiji̱a̱i̱ najanamu áiniawai.

Isr. 2:3

Antsu ii Uuntri̱ Krístuka uwempratin chichaman emka itiamiayi. Tura imiá nekas tuíniak Nin anturkaru iin ujatmákarmaji. Tuma asamtai uwempratin chicham nakitiakrikia nuna naṉkaamas uwemtsuk asutniáttaji.

Isr. 3:6

Túrasha Kristu Yusa Je̱e̱n takarniuchu asa antsu Yusa Uchirí̱ asa nui̱ ashí akupeawai. Nu je̱a̱sha iitji. Tura tuke iniaitsuk kakaram ajasár Yus suramsattaj nu wararsar nákastiniaitji.

Isr. 4:14

Jesus Yusa Uchirí̱ nekas Yúsnan pujurniu uuntri̱ ajas Yusai̱ wayá̱ íiniun chichartamji. Nu asamtai iniaitsuk tuke nekas enentáimtustiniaitji.

Isr. 5:8

Nuja̱i̱ Kristu Yusa Uchirí̱ntiat ni wáitsatniuja̱i̱ umirkatniun unuimiármiayi.

Isr. 7:28

Kame Muisais akupkámu chichamka peṉké shuarnak tuke péṉkercha ai̱ṉ Yúsnan pujurniu uuntri̱ ánaiyawai. Túrasha nuna ukunam yapaji̱áchmin chichaman Yus timia nuka Ni Uchirí̱n imiá peṉker awajsamua nuna Yúsnan pujurniu uuntri̱ tuke iniaitsuk anaikiaiti.

Isr. 7:3

Apartincha tura nukurtincha núnisaṉ ni úuntri̱sha atsawai. Ni akiiniamuri̱ncha ni jakamuri̱ncha ujaatsui. Tuma asamtai Yusa Uchirí̱a áintsaṉ tuke iniaṉnakchatniun Yúsnan pujurin ajasuíti.

Isr. 9:26

Kame wa̱i̱ pujutniuitkiuiṉkia nuṉka yama naṉkammanumia̱ṉ juárkiniaitkiuṉka ataksha awaiṉki̱ ajá puju̱a̱yi. Túrasha yamaikia tunáa amukatniun nuṉka amuumam jákatniunam Krístuka chikichkí surumakuiti.

1 Pit. 1:20

Nuṉkan nájantsuk aentsun jaruktinian Krístun anaikiamiayi Yus. Tura wárik akupkachmiayi. Antsu yamái tsawantin átum pujarmin péṉker pujusúk tusa wakerak atumín jarutramkat tusa Krístun akupkámiayi.

2 Pit. 3:3

Ju̱sha emka nekaatarum. Amúamu tsawantin Yúsnan wishikin wantinkiartatui. Tura nisha ni yajauch wakeramuri̱n túrusar wekasartatui.

Jut. 1:18

“Amúamu tsawant ishichik ajatésmatai shuar Yúsnan wishikrar nakitrartatui. Tura ni yajauch wakeramuri̱niak umíi pujuartatui” tiármiayi.