Isk. 7:1 - Yus Papí: Shuarja̱i̱ Yus Yamaram Chicham Najanamu

^1-27 Yúsnan etserniun Isekiáran Yus chicharuk “Tunáa ti piaku asamtai Israer nuṉkan ashí emesrattajai. Chíkich nuṉkanmaya̱ aents péṉkera nuna nakitiak aya yajauchiniak ti wakerin áiniana nuna ikiaatkartatjai tura Israer shuar takarainiana núnaka nu aents nérentin ajasártatui. Núnisaṉ Israer shuar kampunniunam pujuiniaka puya̱ja̱i̱ mantamnawartatui antsu péprunam pujuiniaka suṉkurja̱i̱ tura tsukái kajinkiartatui. Nuyá̱ uwemprar pisakáruka ni tunaari̱n enentáimtusar útkiar náintiaani̱ wéartatui. Nu tsawantinkia aṉkant pujustinian tura Yúsnan etserin ímiaja̱i̱k wainiak nekáa etserkat tusa e̱a̱kartatui. Túrasha peṉké wainkiachartatui núnisaṉ uunt aentsu chicharin áiniana nusha chicharkatniunka peṉké tujintkiartatui. Núnisaṉ úunt akupniusha kúntuts pujuttawai tura aentssha núnisaṉ ni tunaari̱ni̱ṉ Yus asutiámu ásar warinkish itiurtsuk pujuartatui” tímiayi.

Isk. 7:1 Iomraidhean Croise

Jrm. 2:1

Uunt Yus winia chichartak turutmiayi

Apu. 11:6

Nu aentska Yúsnan áujmatainiak yumi yutukaip títinian kakarman takakainiawai. Núnisaṉ entsancha numpa awajsatniun kakarman takakainiawai. Tura ashí yajauchia nuja̱i̱ aentsun wáitkiastinian takakainiawai. Nuna ashí ni wakeruinia nui̱ páchitsuk túramin áiniawai.