Isk. 5:2 - Yus Papí: Shuarja̱i̱ Yus Yamaram Chicham Najanamu

² Tura péprun téntakar matsamtúkar umíamu tsawantinkia intiash menaint akantrámua nu chikichik akankámu achikiam pepru ajapéri̱n áesata. Nuyá̱ chíkich akankámuka puya̱ja̱i̱ awatkim pepru a̱a̱ri̱ téntakta. Tura chíkich akankámuka nasenam naṉkimiam tsakiṉmakta. Túrawakmin nuna úkuri̱ṉ puya̱ja̱i̱ iwiarnatrattajai.

Isk. 5:2 Iomraidhean Croise

Jrm. 13:24

Tuma ásarmatai tsakiṉmakartatjai. Puusmach wáinmena nuka Wini̱ya̱ wainme tura wáitian chichainia nu enentáimtakum Wíniaka kajinmátrukniuitme. Tuma asakmin pushirminkia yápimia tímianai takurtiatjame túram natsanmai̱ ajaktatme. Ame tsanirmatairmeka peṉké yajauchiti. ¡Jerusaréṉká anearta! ¿Urutáik Winia enentáimturkumsha imiatkincha ajasmesh pujustam?

Jrm. 24:10

Nuna túrakun nin tura ni úuntri̱ncha nuṉkan súsarmiaj nuya̱ṉka mesetja̱i̱ tsukaja̱i̱ núnisnak suṉkurja̱i̱ amú amú awajsartatjai” tawai Uunt Yus.

Jrm. 38:2

“Uunt Yus ujak chicharuk ‘Ju̱i̱ṉ péprunmaṉ juákuka mesetja̱i̱sha tsukaja̱i̱sha, suṉkurja̱i̱sha jákartatui. Antsu ju̱yá̱ jiinkí̱ Kartíu aentsnum surumakaruka iwiaaku juákartatui.

Jrm. 39:1

Setekías Jutanmaya̱ úunt akupin ajasmaka uwisha nuiwi ámanum tura nántuka tias ámanum Napukutunusúr Papirúnianmaya̱ úunt akupin suntari̱ji̱a̱i̱ Jerusaréṉja̱i̱ mániktaj tusa tarí matsamtúkmiayi.

Jrm. 39:2

Tura Setekías úunt akupin ajas aunse uwí pujái̱ tura nántuka kuatru ámanum tura nantu nuiwi tsawant ajasu ai̱ pepru tanishri̱n sá̱a̱rkiar chiṉkiawarmiayi.

Jrm. 9:15

Tuma ásarmatai Ashí Akupin Uunt Yus Israera Yusri̱ chichaak “Pai yamaikia jú̱ aentsnaka ajeján ayurawartatjai núnisnak entsancha tséas eṉkeamun árartatjai.

Jrm. 9:16

Núnisarnak nisha tura ni aparí̱sha nekaacharma nuṉkanam tsakiṉmakartatjai. Túrawaran tui̱ matsamártata nui̱sha puya̱ja̱i̱ amú amú awajsartatjai” tawai.

Isk. 5:10

Tuma asamtai apasha uchirí̱n yuáwartatui tura uchisha aparí̱n yuáwartatui. Tura nekasa nuja̱i̱ métek túrakun iwiaaku juákarua nunasha tsakiṉmakartatjai.’

Isk. 5:12

Tuma asamtai atumíya̱ menaintiú akankámua nuyá̱ chikichík akankámuk suṉkurja̱i̱ tura tsukaja̱i̱sha jákartatui. Tura chíkich akankámu ártatna nuka ni nemasri̱ téntakar matsamtiartatna nui̱ṉ máwartatui. Nuyá̱ amúamu akankámu ainia núnaka Wikia yajá tsakiṉmakaran Winia puya̱run ukuinkian apapékartatjai.

Isk. 5:3

Túrattam nuyá̱ intiash ishichik achikiam ame pushirmi tsakari̱n jiṉkiata.

Riw. 26:33

Atumniaka ashí nuṉkanam tsakiṉmaktatjarme. Túram Winia puya̱run atumín ukuitkiattajrume. Nuya̱ṉka atumí nuṉke̱nka aya jú̱nik ajasármatai atumí pépruri̱ṉkia ashí itiarak ajasártatui.

Sak. 13:8

Uunt Yus tawai “Ashí nuṉkanam jú̱nis naṉkaamastatui. Aents irurma menaintiú nakakmanumia̱ jimiará tesamua nu amukar meṉkakartatui. Tura nakakma ampirma nu iwiaaku juáktatui.