Isk. 5:10 - Yus Papí: Shuarja̱i̱ Yus Yamaram Chicham Najanamu

¹⁰ Tuma asamtai apasha uchirí̱n yuáwartatui tura uchisha aparí̱n yuáwartatui. Tura nekasa nuja̱i̱ métek túrakun iwiaaku juákarua nunasha tsakiṉmakartatjai.’

Isk. 5:10 Iomraidhean Croise

Neem. 1:8

Ame tímiam nu waitneasam enentáimturta. Kame Ame takartámin Muisais chichareakum ‘Winia chichamur umíachkurmiṉkia ju̱ya̱ṉka ji̱i̱ran yajá chíkich nuṉkanam tsakiṉmaktatjarme.

YKan. 44:11

Tura mátai̱niam murikiun juinia nútiksamek surutkratkame. Núnisaṉ yajá nuṉkanam aṉkant aṉkant akupkartukume.

Isa. 49:26

Nuyá̱ ámin wáitkiarmainia núnaka ni namaṉke̱nak ayurawartatjai túran ni numpe̱ja̱i̱ṉ winiu umar nampeana núnikiartatui. Nuyá̱ ashí nuṉkanmaya̱ aents Wikia Uunt Yus ámin Uwemtikin, ame Tumashrumin Akikmakua nu tura Jakupa shuari̱ Yusri̱ kakarmaitjiana nuna nekarawartatui” tawai.

Jrm. 19:9

Tura ní uchirí̱ namaṉké̱nak núnisnak ní nawantri̱ namaṉké̱ncha ayurawartatjai. Nuka ni nemasri̱ tura ni iwiaakmari̱n e̱a̱tainia nu áreṉkam matsamás wáitiainiak jakamnia enentáimsar nuamtak yunaiyawartatui” tajai.’

Jrm. 44:12

Tura Jutanmaya̱ juákaru Ejiptunam matsamsatai tusar ní wakerusar ashinkiarma nunasha ashí amukártatjai Ejiptunmaṉ. Kame puya̱ja̱i̱ mantamná tura tsukái kají̱ ajainiak uchichinmaya̱ṉ juárkiṉ uuntcha amú amú ajasártatui. Túrunarum átumka aents pachisar yumiṉtai tura yumiṉkramua ántsarmek iisar ashamtai núnisrumek wishiktai̱ ajastatrume.

Jrm. 50:17

Kame Israer shuarka úunt ya̱wa̱ apapéam murik pisakárua núnis armai. Tura émkaka Asiria nuṉka akupniúri̱ yúawarmai. Nuyá̱ amúamunmaṉka Papirúnia aentsu akupniúri̱ Napukutunusúr ukunchí̱nkia napú napurtúsmai.

Jrm. 9:16

Núnisarnak nisha tura ni aparí̱sha nekaacharma nuṉkanam tsakiṉmakartatjai. Túrawaran tui̱ matsamártata nui̱sha puya̱ja̱i̱ amú amú awajsartatjai” tawai.

Ukan. 2:20

Jiuwáa ya áitkiam nu iisam waitnentrarta. Warí ¿nukuachisha ni uchirí̱ takusarua nunakek yúawartata? ¿Nuikia Yúsnan pujurniusha tura Yúsnan etserniusha Yus Shiir Awajtai̱ Je̱a̱nmasha mantamnawartatuak?

Isk. 5:12

Tuma asamtai atumíya̱ menaintiú akankámua nuyá̱ chikichík akankámuk suṉkurja̱i̱ tura tsukaja̱i̱sha jákartatui. Tura chíkich akankámu ártatna nuka ni nemasri̱ téntakar matsamtiartatna nui̱ṉ máwartatui. Nuyá̱ amúamu akankámu ainia núnaka Wikia yajá tsakiṉmakaran Winia puya̱run ukuinkian apapékartatjai.

Isk. 5:2

Tura péprun téntakar matsamtúkar umíamu tsawantinkia intiash menaint akantrámua nu chikichik akankámu achikiam pepru ajapéri̱n áesata. Nuyá̱ chíkich akankámuka puya̱ja̱i̱ awatkim pepru a̱a̱ri̱ téntakta. Tura chíkich akankámuka nasenam naṉkimiam tsakiṉmakta. Túrawakmin nuna úkuri̱ṉ puya̱ja̱i̱ iwiarnatrattajai.

Isk. 6:8

Túrasha ashikia amukchartatjai. Jákacharuka chíkich nuṉkanam achikia yaruakma matsamsar ni túrawarman enentáimtumasar niṉki muí̱jmiamkartatui. Tura Wikia Úunt Yusaitiajna nuna nekarawartatui núnisaṉ peṉké ántrantka jú̱tikiattajrume tíchamiaj nunasha nekaawartatui.

Tan. 9:7

Maa, Uuntru, naka péṉker túratniuka áminiuiti. Tura ashí Israernumia̱ tura Jutá shuar núnisaṉ Jerusaréṉnum pujuiniana nusha nuyá̱ Ámin nakitramainiakui ji̱i̱ra akuprarma tíjiu̱chisha núnisaṉ yajá pujuiniasha yamái urukainiawa núnisaṉ natsa̱a̱rtinkia íiniuiti.

Riw. 26:29

Nuya̱ṉka atumí uchirí̱ tura nawantri̱ namaṉke̱ yuáttarme.

Riw. 26:33

Atumniaka ashí nuṉkanam tsakiṉmaktatjarme. Túram Winia puya̱run atumín ukuitkiattajrume. Nuya̱ṉka atumí nuṉke̱nka aya jú̱nik ajasármatai atumí pépruri̱ṉkia ashí itiarak ajasártatui.

Ams. 9:9

“Tura Israer shuarnaka chíkich chíkich nuṉkanam pujuinia núnaka chikichkiksha meṉkaka̱i̱ṉ tusan trikiu chikichkisha nuṉká akaketsuk tsatsamátniua ímiatrus tsatsámnátⁱ tusan akupkartatjai.

Sak. 2:6

“Wi ashí nuṉkanam tsakiṉmakma pujatirmesha pai antuktarum” tawai Uunt Yus. “Túrarum arakaani̱ matsatutirmesha jíintratarum” Uunt Yus tawai.

Sak. 7:14

Antsu ashí uunt nuṉka mátsatkamu nisha nékashtai̱ ainia nui̱ nase tí kakaram umpuak itiurá nútiksaran nincha tsakiṉmakarmajai. Ni jíintrarmatai núṉkaka atsá aya jú̱nik awajnásmai. Túrunamtai tátincha tura wétincha chikichkisha atsumai. Warí timía péṉker nuṉkauyayi túmaitiat ni túrawarmaja̱i̱ atsá aya jú̱nik awajsaruiti” tímiayi.

Ruk. 21:24

Tura ju̱yá̱ aents mesetnum jákartatui. Tura chikichnaka ashí nuṉkanam misaawar júkiartatui tura yajaya̱ apach, Yúsnan enentáimtuiniatsna nu, ju̱i̱ Jerusaréṉnum waya̱war najakartatui. Nu túratniunka Yus tsaṉkatkana nui̱ṉ túrawartatui.

Muis. 28:64

Túrutma Uunt Yusak yajá nuṉkanam pepru irunainia tímianai tsakiṉmak akuptámprattarme. Túram nui̱ pujusrum atumsha tura atumí úuntri̱sha wáinkiacharma numiji̱a̱i̱ tura kayaja̱i̱ najankamu yus tikishmátrattarme.

Muis. 32:26

Kame yajá tsakiṉmaktatjai túram amuukarmatai ashí aents kajinmatkiarti tu enentáimsamjai Wikia.

Muis. 4:27

Nuyá̱ Uunt Yus tsakiṉmamtikramkakrumin ashí nuṉkanam wétatrume. Túrunarum ishichik juákrum Uunt Yus tui̱ apujtamsattarum nui̱ pujustatrume.