Isk. 4:15 - Yus Papí: Shuarja̱i̱ Yus Yamaram Chicham Najanamu

^15-17 Nuya̱ṉka Uunt Yus chichartak “Antsu aentsú ijiji̱a̱i̱ iniartsuk paṉka waaka ijiji̱a̱i̱ ikiapáram iniarkam yuátá. Túrasha Jerusaréṉnumka yurumkasha táastatui. Túmamtai yurumkancha nekapmasman kúntuts enentáimshím yuáwartatui. Tura entsancha núnisaraṉ nekapmasman sapijmiashim umarartatui. Núnaka yurumkari̱n iisar tura umutairi̱sha atsakui sapijmiakar ní yajauchiri̱ni̱ṉ kaji̱nkiar amukarat tusan túrattajai” turutmiai.

Isk. 4:15 Iomraidhean Croise

2 Akup. 18:27

Tura Rapsases chichaak “Warí aya atumniakek tura atumí úuntri̱nkek ju̱ títinian winia úuntur ¿akuptúkuit? Antsu ashí aents wenuknum wajainia nunasha atumji̱a̱i̱ ni íji̱niak yuat tusa tura ni shikiniak umarat tusa atumniaka túramjanta” tímiayi.

Ukan. 1:11

Maa Jiuwáa, ju̱á tí wáitiajna ju̱ íirsata. Warí Ame shuarumka máyat máyat ajakmaikia yurumkan e̱a̱iniawai. Tura tsukái jáka̱i̱j tusar ni warirí̱ṉkisha shíirmach takakman surukar nuja̱i̱ yurumkan sumarmainiawai.

Isk. 4:14

Túrutkui Uunt Yusan chicharkun “Wikia uchinmaya̱n wariṉkísha yajauchin yúakun surimkiámun mui̱jmiai̱ ajatsuk tsakaruitjiai. Túmaitiatnasha ¿urukamtai túrattaj?” tímiajai.