Isk. 34:3 - Yus Papí: Shuarja̱i̱ Yus Yamaram Chicham Najanamu

³ Nuyá̱ Uunt Yus tuke chichaki̱ wéak “Átumka murikkia péṉker wáintsuk, nekas péṉker nuéram áiniana nu máarum yúakrum nuna ure̱ja̱i̱ṉkia pushí najanarum entsarme.

Isk. 34:3 Iomraidhean Croise

2 Akup. 21:16

Manasés yajauchin túramtai Jutancha Uunt Yus íimmianum tunaan túrat tusa túrumtikiamiayi. Tura nu arantcha aents tunaamkachu numpe̱n ti uputur Jerusaréṉ yantam á̱a̱wini̱ náṉkatkana ímianai numpan tí piákmiayi.

Neka. 30:14

Kame nu aentsu nai̱ṉkia puya̱na núnis áiniawai tura uunt nai̱ṉkia kuchiiya núnis asa ju̱ nuṉkanam atsumainianka tura ímianchach ainia núnaka yua nútikniusha írunui.

Isa. 1:10

Sutumanmaya̱ akupniútirmesha Uunt Yusa chichame̱ antuktarum. Núnisrumek Kumuranmaya̱ aentstirmesha ii Yusri̱ akupkámu chicham anturkatarum.

Isa. 1:15

Tuma asan maṉkartuamu uwej númpak ajasu takuirum winia seatu asakrumin íischattajrume. Núnisnak tí seatkurmi̱ncha peṉké anturkashtatjarme.

Jrm. 2:30

Atumí uchirí̱ncha yáiṉchartinian ántran asutiáwaruitjiai. Chicharkámash Winia chichamprunka peṉké antukcharuiti. Tura úunt ya̱wa̱ emesmak itiurawa nútiksar atumí puya̱rí̱ Yúsnan etserniun amukáruiti.

Ams. 6:4

Núnisrumek muriksha peṉkeri̱ tura waakasha unuekma yuarme. Tura kánakrumka peak tí peṉker márjirja̱i̱ najanamunam kánarme. Nuyá̱ áyamkurmesha kutaṉ tujurnum áyamearme.

Sup. 3:3

Tura úunt akupniu uchirí̱nkia uunt ya̱wa̱ tsará tsará ajana núnis ajapén matsatainiawai. Tura ni sumamtikniuri̱nkia kashi wekain rúpu yukartua kashin yuami̱j tusa ukunchí̱ṉkisha ampirmachua núnis áiniawai.

Sak. 11:16

Warí, murik pisarmataisha páchichun núnisaṉ meṉkakamtaisha e̱a̱chun tura jápanum iniáa jáakuisha tsuáchun nuyá̱ pimpikniuncha ayurchan antsu aya péṉkeri̱ ainia nuna nawe̱n kupir namaṉke̱n yua nuna Wi ju̱ nuṉkanam murikiun wáinniun chikichkiniak apujsattajai.

Sak. 11:5

Túrasha murikiun sumak Yusai̱ main ainia nuka asutiácharma núnis enentáimiainiawai. Tura murikiun súrin ainia nusha kuítriniaja̱i̱ tusar Uunt Yusa shiir awajénawai. Núnisaṉ murikiu wáinin ainia nusha ni murikrí̱n waitnentainiatsui.”