Isk. 3:7 - Yus Papí: Shuarja̱i̱ Yus Yamaram Chicham Najanamu

⁷ Túrasha Israer shuarka tútaisha peṉké anturtamkachartatui. Warí, Winia anturtuktinniasha nakitiáiniawai. Ashí Israer shuarka ántichu ajasárai tura enentáisha kaya núnin kátsuram áiniawai.

Isk. 3:7 Iomraidhean Croise

Jrm. 3:3

Ame nu tura asakmin yumi yutukcharuiti tura nu arant arakan tsakatmaktincha yutukcharuiti. Túmaitiatmek tsanirma nuwa̱ natsantaincha urukainia núnismek amesha peṉké natsa̱a̱rchaitme.

Jrm. 44:16

“Uunt Yusa naari̱ pachisam iin chícham ujakratkamna nuka áminkia peṉké antukchartatji.

Jrm. 5:3

Maa, Uunt Yusá ¿Ámeka nekasa nuna túrawarat tusamchak íimiam? Amek asutiáwarmame túrasha najaimiakcharuiti. Amutcha amukármame túrasha iwiarnartinniaka peṉké nakitiarmai. Ni enentái̱ kayaja̱i̱ naṉkaamas kátsuram ajasár yapi̱sha nusháa iira ajasár tunaarí̱ya̱ ayantár waketkitniun peṉké nakitrarmai.

Jrm. 6:10

Ántichu áiniancha ¿antukat tusancha yanak chicharkataj? Warí kuishi̱sha tí empeku ásarmatai antuktinniasha peṉké tujintiainiawai. Túmainiak Uunt Yusa chichame̱ncha peṉké nakitiáiniawai.

Jrm. 6:17

Núnisaṉ kachu umpuamu antuktarum tiarat tusan jintiá íinian apujsarmajai. Túrasha “nuka peṉké antukchartatji” tiarmai.

Jrm. 7:27

Tuma asamtai yamaikia Wi tájamna ju̱ ame ashí ujakártatme túrasha peṉké anturtamkachartatui. Ántsamek untsutcha untsukarta túrasha peṉké ái̱rmakchartatui.

Isk. 2:4

Tura niisháa iirka kaya imianú katsuram tura ántichu enentáimkia ainia nú aentsnum Wi ámin akupeajme. Tura nú aents chicharainiakum ‘Uunt Yus ashí aentsu Uuntri̱ jú̱nis túramprume’ tiartá.

Isk. 3:6

Untsurí pepru niisháa chichamtin anturkachmin tura chichaschamnia nuyá̱ peṉké nekaachmin ainia nui̱ṉkia akupeatsjame. Antsu Wi ámin nui̱ akupeakuiṉkia Winia chichamur etserkakmin nekas anturtamkarainti.

Isk. 3:8

Nekaata, yamaikia ni urukua ainia núnisnak niisháa iirka kaya imianú katsuram enentáimkia ainia nuní̱ iirka amincha awajsattajme túran ame enentáimmianka níniuja̱i̱ métek ikiatsuámtikrattajme.

Sak. 7:11

Túrasha antuktinian nakitrarmiayi. Tura kajenak antuktinniasha nakitiáinia ásar kuishincha akiriarmiayi.

Sak. 7:12

Ni enentái̱sha tiamanti kaya timiá katsurma núnin ajasármiayi. Túrunawar Ashí Akupin Uunt Yus umiktin chichaman ni Wakaní̱ji̱a̱i̱ Yúsnan etserin yaunchu pujuarmia nuní̱ akupkámia nunasha antuktinian peṉké nakitrarmiayi. Tuma asa Ashí Akupin Uunt Yus tí kajekmiayi.

Ruk. 10:16

Atumín anturtamainiakka Winiasha anturtuiniawai. Atumín nakitramainiakka Winiasha nakitruiniawai. Tura nú arant Winia nakitrakka Winia akuptúkua nunasha nakitiawai.” Tú áujas Jesus niin akupkarmiayi.

Ruk. 13:34

¡Jerusaréṉnumia̱tiram, Yúsnan etserin máiniaitrume tura Yus akatar akuptúrmakmania nusha kayaja̱i̱ tukurum máiniaitrume! Tuma ai̱ṉ atash ni uchirí̱n etektana núnisnak Wisha wéartajtsan wakerimjiarme túrasha nakitramarme.

Ruk. 19:14

Tura ni nuṉke̱ni̱a̱ shuarka nakitiarmai. Túmainiak ‘nú aishmaṉ ii uuntri̱ ajasá̱i̱ṉ tusar nakitiaji’ nu titiá tusar áishmaṉkan akatrar akuptúkarmai.

1 Sam. 8:7

Nuyá̱ Uunt Yus Samuiran aya̱k “Nu shuar ashí seatmainia nu anturkarta. Áminkia nakitramainiatsui antsu Wi akupin ai̱ṉ tusar Wíniaka nakitruiniawai.