Isk. 3:5 - Yus Papí: Shuarja̱i̱ Yus Yamaram Chicham Najanamu

⁵ Warí, yajaya̱ aentsnum niisháa chichamtin anturkarsha nekaachmin ainia nui̱ṉkia akupeatsjame antsu ame shuarumini̱ṉ Israer shuarnumaṉ akupeajme.

Isk. 3:5 Iomraidhean Croise

YKan. 81:5

Ejiptu nuṉkanmaya̱ jiinkimia nui̱ Jusen pachis umiktin chichaman najanamiayi. Wi nui̱ nékachma chichaman antukmajai.

Isa. 28:11

Warí nekas Yus jú̱ aentsun unuushím tura chíkich chichamja̱i̱ chicharkartatui.

Isk. 3:4

Núnisaṉ chichartak “Aentsu uchiri̱yá, yamaikia Israer shuarnum weme Wi títiatjamna nu ujakárta.

Isk. 3:6

Untsurí pepru niisháa chichamtin anturkachmin tura chichaschamnia nuyá̱ peṉké nekaachmin ainia nui̱ṉkia akupeatsjame. Antsu Wi ámin nui̱ akupeakuiṉkia Winia chichamur etserkakmin nekas anturtamkarainti.

Isk. 43:5

nuya̱ṉka Yusa Wakaní̱ awajtúki̱ init iruntai̱niam jurukmiai. Nui̱ṉkia Uunt Yusa tsáapnintri̱ Yusa Uunt Je̱e̱n piákuyi.

Jns. 1:2

“Uunt pepru Níniwiniam wetá tura étserkum Uunt Yus chichaak ‘Aneararti.’ Warí, ju̱ péprunam yajauchin ti túruinia nuna nekaajai, túramprume tu etserkata” tímiayi.

Tur. 14:11

Papru túramia nuna aents wáinkiar Rikiaunia chichamja̱i̱ untsumainiak “Yuska áishmaṉka ánin ajasáru iin tarutramarji” tiármiayi.