Isk. 3:4 - Yus Papí: Shuarja̱i̱ Yus Yamaram Chicham Najanamu

⁴ Núnisaṉ chichartak “Aentsu uchiri̱yá, yamaikia Israer shuarnum weme Wi títiatjamna nu ujakárta.

Isk. 3:4 Iomraidhean Croise

Isk. 2:3

Tura chichartak “Aentsu uchiri̱yá, Israer shuar ni aparí̱sha umichu tura ántichu ásarmatai nui̱ weme winia chichamur etserkai tusan akupkáttajme. Kame yáunchusha Winia nakitrurarmai tura yamái tsawanta ju̱i̱sha tuke núnisaṉ áiniawai.

Isk. 2:4

Tura niisháa iirka kaya imianú katsuram tura ántichu enentáimkia ainia nú aentsnum Wi ámin akupeajme. Tura nú aents chicharainiakum ‘Uunt Yus ashí aentsu Uuntri̱ jú̱nis túramprume’ tiartá.

Isk. 2:7

Antsu ámeka ántuiniakuisha tura ántuiniachkuisha nu ántichu aents ainia nu Winia chichamur ujakárta.

Isk. 3:11

Amé shuar achirar yaruakma ainia nui̱ weme ámin anturtamkartatkiuisha tura anturtamkachartatkiuisha chicharainiakum ‘Uunt Yus ashí aentsu Uuntri̱ túramprume’ tiartá” turutmiai.

Isk. 3:3

Tura chichartak “Ju̱ papí pénuimiu amaajna ju̱ yuam ejemaram kaka̱a̱rta” túrutkui yuan wenuruí̱ mishkia imianú yuminian nekapramjai.

Isk. 3:5

Warí, yajaya̱ aentsnum niisháa chichamtin anturkarsha nekaachmin ainia nui̱ṉkia akupeatsjame antsu ame shuarumini̱ṉ Israer shuarnumaṉ akupeajme.

Mat. 15:24

Nuyá̱ Jesus chicharainiak “Aya Israer shuarnumaṉ meṉkakaru ainia nuna e̱a̱ktinian Yus akuptúkuiti.”

Tur. 1:8

Tura atumsha Yusa Wakaní̱ kakarmari̱ sunastatrume. Ni taa eṉkemprutmamtai kakaram ajasrum Wí túramu etserkattarme. Emka ju̱i̱ Jerusaréṉnum etserkattarme. Nuyá̱ ashí Jutanam tura arant Samarianmasha tura nú arant ashí nuṉkanam werum Wí túramu etserkattarme” tímiayi Jesus.