Isk. 3:3 - Yus Papí: Shuarja̱i̱ Yus Yamaram Chicham Najanamu

³ Tura chichartak “Ju̱ papí pénuimiu amaajna ju̱ yuam ejemaram kaka̱a̱rta” túrutkui yuan wenuruí̱ mishkia imianú yuminian nekapramjai.

Isk. 3:3 Iomraidhean Croise

Juup 23:12

Ni akupkámu chichame̱ya̱nka peṉké kanakchamjai. Winia yurumkarja̱i̱ naṉkaamas Ni akupkámu chichame̱nka umikmajai.

YKan. 119:103

¡Ame chichamminkia yumin apatniua núnisan nekaprajai. Tuma asamtai Ame chichammin tí peṉker nekaan míshik apaar péṉker nekapratniua núja̱i̱sha naṉkaamas péṉker enentáimprajai!

YKan. 119:11

Amiin yajauchin túrawa̱i̱j tusan Ame chichammin nekas shiir enentáimtusan umíajai.

YKan. 119:97

¡Maa Yusru, ame akupkámurmin urutmatsuk aneaj! Tuma asan tuke tsawant Ame akupkámun enentáimtajai.

YKan. 19:10

Nu jintíamusha kuri wakerutaiya núja̱i̱sha naṉkaamas tura kuri péṉkeri̱ji̱a̱i̱ naṉkaamas wakerú ajataiti. Núnisaṉ chiní yumiri̱ji̱a̱i̱ naṉkaamas yuminiaiti.

YKan. 19:11

Akupkámu umiktin chichammiji̱a̱i̱ Ámin umirtamainia nu enentáimtikniuitme. Nu umikmaja̱i̱ péṉker átin sunasaruiti.

Jrm. 15:16

Ame chichammin wainkiamjai túran yua núnikmajai. Ame chichammeka winia shiir enentáimtikrawai antsu enentái̱rui̱ṉkia waraajai. Warí, Ashí Akupin Uunt Yusá Ame náarmin wikia untsukmaitjiai.

Jrm. 20:9

Nin atakka peṉké enentáimtuschattajai tura ni naari̱ pachisnash chichatnash peṉké chichaschattajai. Tura winia enentái̱rui̱ ji kapá̱a̱ ukunchrui̱ wayá̱ núnis nekapeajai. Katsuntrataj tukamán tujintiajai.

Jrm. 6:11

Tuma asan Uunt Yusa kajeakui wisha núnisnak kajekmajai. Katsú katsunkuan yamaikia peṉké katsuntrachmin ajasjai. Tuma asamtai uchi páasanam yujainiasha tura natsa áiniana nusha asutniáwarti. Warí áishri̱sha nua̱ri̱ji̱a̱i̱ tura úuntchisha tsawantan émtuku ainia nuja̱i̱ sepunam eṉkeamu ártatui.

Isk. 2:10

Nuyá̱ nu uwej papí áarman wi wajamunmaani̱ iwiaintiurkama nú papiniumka mai̱ yantam áarmauya nuna wainkiamjai. Nu papiniumka útmasha najaimiamusha tura wáitsatin chichamsha áarmauyi.

Isk. 2:8

Túrasha ámeka aentsu uchiri̱yá, ju̱ shuar umichu ainia núnin aip antsu ámeka Wi tájamna nu antukta. Waṉkata túram Wi amastatjamna nu yuátá” Uunt Yus turutmiai.

Isk. 3:4

Núnisaṉ chichartak “Aentsu uchiri̱yá, yamaikia Israer shuarnum weme Wi títiatjamna nu ujakárta.

Juaṉ 7:38

Winia enentáimturna nuka ni enentái̱ya̱ entsa waa áintsaṉ yamaram iwiaakman súana nú entsa jiinkittiawai” tímiayi.

Kurs. 3:16

Kristu shiir Chichame̱ atumí enentái̱n piaktí. Nekas naka enentáimprarum jintinniáiyarum mai̱ ikiakánai ajatarum. Yus kanta kantamárum tuke enentáiji̱a̱i̱ Yus yumiṉsarum shiir awajsatarum.