Isk. 20:1 - Yus Papí: Shuarja̱i̱ Yus Yamaram Chicham Najanamu

^1-9 Tura uwí siátitin nantu seṉku tura tsawantka tiástin Israer shuarnumia̱ uunt armia nu Isekiár anintrúsar Uunt Yusa chichame̱n nekaatai tusar tariarmiayi. Túrasha Uunt Yuska anintrúttsara̱i̱ṉ tusa nakitrámiayi tura chicharainiak “Wikia Israer shuaran achikiármajai núnisnak Ejiptunam pujuarma nui̱ nuna nekamtikiawarmajai. Tura Ejiptunmaya̱ṉka ji̱i̱ran tí peṉker nuṉka asa ashí árak tsapáu asamtai muntsu míshkiji̱a̱i̱ entsa núnis akamunmasha atumnia anajmarma ana nui̱ matsastatjarme tiármajai. Núnisnak chicharainiakun ‘Najankamu yus mui̱jmiai̱ ainia tí peṉker enentáimtusrum anearmena nuka utsaṉtarum túrarum Ejiptunmaya̱ ántar yus ainia nuja̱i̱ mui̱jmiai̱ ajasá̱i̱rum’ tiármajai. Túrasha Winia tumá kajertukarmai. Antsu ántar yus najankamu áiniana nunasha tura Ejiptunmaya̱ yusnasha iniaisacharmai. Nuiṉ Ejiptunmaṉ asutiátniuṉka enentáimturarmajai túrasha Wikia Ejiptunam matsatainian ji̱i̱ran yarumainiakun Wi túramun wáinkiarma nu shuar yajauch enentáimturara̱i̱ṉ tusan Wiki enentáimtumasan pachischarmajai” tímiayi.

Isk. 20:1 Iomraidhean Croise

2 Akup. 3:13

Nuya̱ṉka Iriséu Israernumia̱ úunt akupniun chicharuk “¿Wisha áminiuncha warinia íistiniaitiaj? Entá, atumí aparí̱ najanamu yúsnan etserin anintrútarum” tímiayi. Tutai akupin ataksha chichaak “Atsá nuka túrashtatji. Warí, Muápnumia̱ aentsnum surutmaktaj tusa Uuntka ikiatmakchajik” tímiayi. Takui̱ Iriséu chichaak “Uunt Yus íimmianum nekas tajai Jutanmaya̱ úunt akupin Jusapátan araantachkunka peṉké pachischaintjiame. Túrasha árpan tuntuin itiatárum” tímiayi. Tura árpan túntuiyakui Yusa kakarmari̱ Iriséun tarurmiayi. Túram chichaak “Paka ju̱i̱ entsa pajamkattawai. Pajamkamtai epenkatarum tura atumsha tura atumí taṉkuri̱sha umartatrume. Warí Yuska tujintkiachminiaiti tura Muápnasha atumín íkturmastatrume. Túrutmawakrumin péprusha emeskattarme túrarum numisha ajá ajá nuyá̱ yumirmatcha yutú yutú núnisrumek nuṉkasha aya káyak awajsattarme” tímiayi.

Isa. 29:13

Kame Uunt Yus chichaak “Warí ju̱ shuar ainia ju̱ka nekas enentáiji̱a̱i̱nchu aya chichame̱ja̱i̱ shiir awajtuiniawai. Túrasha ni enentái̱ji̱a̱i̱ṉkia nekas enentáimturainiatsui. Tura Wíniaka ashampruk umirtutsuk antsu shuar akupkámu umiktinia nunak umirainiawai. Mat. 15:8-9; Mar. 7:6-7

Jrm. 21:2

“Papirúnianmaya̱ úunt akupin Napukutunusúr mesetan iin najatramji. Nu waitneasam iin Uunt Yusai̱ chichamkartukchaintmeash. Kame Uunt Yus aents túrachminian yaunchu ashí túramia núnisaṉ yamaisha iincha túrutmawaintiajtí. Nuna túramtai ii nemasri̱ṉkia iinia̱ṉka kanakiárainti” tímiayi.

Jrm. 37:17

Nuyá̱ úunt akupin Setekías Jirimíasan sepunmaya̱ ji̱i̱ktiarum tusa akupkámiayi. Túramtai ni je̱e̱n Jirimíasan itiamtai u̱u̱k inintrak chicharuk “¿Uunt Yusa chichame̱ áwak?” tutai Jirimías aya̱k “Ee awai” tímiayi. Tura tuke chichaki̱ weak “Papirúnianmaya̱ úunt akupniu uwejé̱e̱n íktuan iniaisattajme” tímiayi.

Isk. 40:1

Ii achintrar yaruakma paintiséṉku uwí jeá yama uwí náṉkamuk chikichik nantu tias tsawantin tura Jerusaréṉ pepru nupetkamu katurse uwí naṉkamamunam nui̱ Uunt Yus uwejé̱n awantrus jurukmiai.

Isk. 8:1

Yúsnan etserin ímiaja̱i̱k wainkiamia nui̱ṉkia Jerusaréṉnum Yus jukí̱ aents ti yajauchin túriarmia nuna iniaktusmiayi. Tura arakaani̱ péprunam wa̱i̱ti̱a̱i̱ amia nui̱ ántar yus nakumkar najanamun enentáimtuiniak Yusan akajiarmia nu ámiayi. Nuyá̱ Yúsnan etserin Yusa Je̱e̱n init tesamunam wayá̱ íimiaj tukamá náṉkamas yajasma mui̱jmiai̱ áiniana nuna nakumkar najankarma Israer shuara yusri̱ ainia nuna wainkiamiayi. Tura nui̱ naka sataintia uunt Israernumia̱ nu yajasman kuṉkuinian áestuiniak pujuinian wainkiamiayi. Nuya̱ṉka Yusan Uunt Je̱e̱n wa̱i̱ti̱a̱i̱ arakaani̱ ana nui̱ Tamusan, nuwa̱ najanamu yusa nuna e̱a̱iniak pujuinian wáinkiarmiayi. Tura Yusa Uunt Je̱e̱n wá̱i̱ti̱a̱i̱niam waiti tura Yus áestutai̱ pujana nui̱ ajapén paintiséṉku áishmaṉ tikishmarar etsa̱ tatainmaani̱ iimsar etsa̱n tikishmátainian wainkiamiayi. Kame timiá yajauch túruiniamu nuṉkanam piaku asamtai aya yajauch awajnáisatniuk akui Yuska Israer shuarnaka seamsha peṉké anturkachartatui núnisaṉ waitnentancha waitnentrachartatui.

Mat. 22:16

Túrawar ni shuari̱ncha tura akupin Irutisa nemarniuri̱sha Jesusan akuptúkarmiayi. Nisha jeariar Jesusan chicharainiak “Uuntá, amesha nekas chicham chichaame. Nu nékaji. Chíkich shuar tuinia nu ántutsuk nekasam Yus Chicham jintíame. Shuar shiir enentáimturarat tusam jintíatsme.

Ruk. 10:39

Marta kai̱ ámiayi ni naari̱ Marí. Marisha Ni chichame̱n anturkataj tusa Jesusa nawe̱n pujursamiayi.

Ruk. 2:46

Tura menaintiú tsawant e̱a̱kar Yusa Uunt Je̱e̱n Yus akupkámun jintinian anturak anintrú pujan wáinkiarmiayi.

Ruk. 8:35

Etserkarmatai iyutai tusar untsurí shuar wéarmiayi. Tura Jesus pujamunam jeawar íwianch jíintiukiarmia nú aishmaṉkan péṉker ajas pushí entsar Jesusa nawe̱n pujan wáinkiarmiayi. Tura ashamkarmiayi.

Tur. 22:3

Nui̱ Papru chichaak “Wikia Israer shuaraitjiai. Társunam Sirisia nuṉkanam akiiniaitjiai. Túmaitiatnak ju̱i̱ Jerusaréṉnum tsakaruitjiai. Tura unuikiartin Kamaríran chichame̱n unuimiáruitjiai. Tuma asan ii uuntri̱ akupkarmia nuna ashí umirkaitjiai. Tura átum yamái túrarmena nuna wisha nútiksanak Yusna ana nuna tuke enentáiji̱a̱i̱ wakerukuitjiai.