Isk. 2:8 - Yus Papí: Shuarja̱i̱ Yus Yamaram Chicham Najanamu

⁸ Túrasha ámeka aentsu uchiri̱yá, ju̱ shuar umichu ainia núnin aip antsu ámeka Wi tájamna nu antukta. Waṉkata túram Wi amastatjamna nu yuátá” Uunt Yus turutmiai.

Isk. 2:8 Iomraidhean Croise

YKan. 105:28

Nui̱ ti tee wainmakchamnia awajsámiayi. Tuma ai̱ṉ Muisais Araunja̱i̱ ujainiamsha peṉké anturkacharmiayi.

Isa. 50:5

Ii Uunt Yusri̱ antuktinniaka surusuiti tura kajenka ajaschaitjiai núnisnak úkumprusha waketkichuitjiai.

Isa. 8:11

Warí Uunt Yus Ni kakarmari̱ji̱a̱i̱ jintintrur ju̱ aents túruinia jú̱nisam túrawaip tusa chichartak

Jrm. 13:2

Túrutkui Uunt Yus turutmia tímiatrusnak akachumtai̱n sumakan akachumamjai.

Jrm. 15:16

Ame chichammin wainkiamjai túran yua núnikmajai. Ame chichammeka winia shiir enentáimtikrawai antsu enentái̱rui̱ṉkia waraajai. Warí, Ashí Akupin Uunt Yusá Ame náarmin wikia untsukmaitjiai.

Isk. 12:2

“Aentsu uchiri̱yá ámeka umichu ainia nu matsatmanum pujame. Nuka iimiainiaksha wáinmainiatsui tura kuíshtin áiniayataṉ ántuiniatsui. Warí tuke umichu áiniawai.

Isk. 12:7

Kame turutmia núnisnak iwiarnaran shuar ni nuṉke̱ya̱ achikiar chíkich nuṉkanam júamua núnisnak winia warirun jukin tsawái̱ jiinkimjiai. Tura kí̱arai̱ṉkia tanishan winia uwejruja̱i̱ chiṉkian kirit ajá tesainia ai̱ ashí shuar iimiainiamunam winia takakmarun yakai̱rui̱ awantkan wémajai.

Isk. 3:10

Nu arantcha chichartak “Ámeka aentsu uchiri̱yá, ashí Winia chichamprun títiatjamna nu kuíshmiji̱a̱i̱ péṉker antukam enentáimji̱a̱i̱ nekaata.

Isk. 40:4

Tura nu áishmaṉsha chichartak “Aentsu uchiri̱yá, ashí wi ámin iniaktustatjamna nu péṉker esetram iisam tura antukam nekaata. Kame ashí ame wáiniam nu Israer shuar ujakárta tusa itiamuitme” turutmiai.

Riw. 10:3

Nuyá̱ Muisais Araunan chicharuk “Uunt Yus jú̱nis chichaak ‘Winí̱ weamainia núnaka tunaarinchaitjiana ju̱na iniaktustatjai. Tura ashí aentsnum arantúkar shiir awajsamu átiniaitjiai’ tíniuiti” tutai peṉké áimkiachmiayi.

Jns. 1:3

Támaitiat Junaska nuna nakitiak Uunt Yusan u̱mpruktatjai tu enentáimias Társes nuṉkanam wéak Jupi péprunam jeamiayi. Nui̱ jeá uunt kanú Társes nuṉkanam wéan jearí akikmak eṉkempramiayi.

Wek. 20:24

“Araunka ni uuntri̱ jákar ayamainiamunam ayamuttawai tura wi Israer shuaran nuṉkan súsaruitiaj nui̱ṉkia jeashtatui. Warí anturtutsuk Miripia entsan kátsuram kayanmaya̱ jí̱i̱kmiaj nui̱ atumsha wi tímiajrumna nu umikchamarme.

1 Pit. 5:3

Túrasha “Yus shuara uuntri̱ ajasan Yus shuaran akuptiaj” tu enentáimsaip. Antsu shiir túramurmiji̱a̱i̱ Yusa murikrí̱ jintintiata.

Apu. 10:9

Nuyá̱ túrutkui werin papichin seamjai. Tura surak turutmiai “Papái. Yuátá. Tura yuamka ti yumin átatui. Tura antsu wakemí̱nkia yapamprattame” turutmiai.