Isk. 2:6 - Yus Papí: Shuarja̱i̱ Yus Yamaram Chicham Najanamu

⁶ Tura ame, aentsu uchiri̱yá, nu aents peṉké ántichu ásarmatai nisha peṉké anturkaraip núnisaṉ turamainia nusha ashamkaip. Kame jaṉki téntakma áintsam pujakmesha tura titiṉ írunna núninium pujá nekapeakmesha sapijmiakaip.

Isk. 2:6 Iomraidhean Croise

2 Akup. 1:15

Nuna takui̱ Yusa suntari̱ Iríasan chicharuk “Pai, yamaikia niji̱a̱i̱ wetá, ashamkaip” nuní̱ tutai Irías wajaki̱ taarmia nuja̱i̱ úunt akupin pujamunam wémiayi.

Isa. 9:18

Kame tunaaka ji tsuátan áeseak itiurawa núnis múkun múkun ajamiayi. Uunt Yus kajekú asamtai nuṉkasha tura aentsush asutniáwartatui. Tura aentsush nuamtak mai̱ maanai ajainiak nú arant ajainiawai. Túmainiakuisha Uunt Yusa kajetáiri̱ṉkia naṉkaamatsui antsu nu arant awajiártajtsa aya ajatás Ni uwejé̱ṉka takuri̱ araawai.

Jrm. 1:17

Pai, yamaikia weme Wi títiatjamna nu etserkatin iwiarnarta. Túrasha pujuiniakuisha sapijmiakaip. Núja̱i̱nchuka ni pujuiniamunam íksanak ámin sapijmiamtiki̱a̱i̱jiam.

Jrm. 1:8

Túrasha nu aentska ashamkaip. Warí Wi ámiji̱a̱i̱ṉkia pujá asan Wiki uwemtikrattajme” turutmiai Uunt Yus.

Jrm. 18:18

Takui̱ chichainiak “Káunkatarum Jirimías chícham najatawarmi. Warí, Yúsnan takarniunka chícham jintíamuka taáttsashtatui tura chicharkatniusha neka ainia nunasha taáttsachartatui. Ántsaṉ Yúsnan etserniuncha chíchamka taáttsachartatui. Pai yamaikia winitiárum jiakarmi túrar ni chichame̱ṉka peṉké anturkachartai” tiármiayi.

Jrm. 6:28

Ashí nu aentska náṉkamas enentáimin áiniawai tura tsanumás yujainiawai. Yaṉkú jiruja̱i̱ namincha jírua núnin áiniawai túmainiak tí yajauch awajkartin áiniawai.

Mik. 7:4

Nuamtak peṉkeri̱ ainia nuka jaṉkia núnis áiniawai nuyá̱ péṉker túriniaitjiai tuinia nusha nara núnis áiniawai. Maa, némas winiatai tusa iin árumna nútirmin yajauch etserin asakrumin asutniátin jeayi. Tuma asamtai yamaikia waurkattarme.

Mat. 10:28

Aya aya̱shniak main ainia nu ashamkairap. Wakanin máchmin áiniawai. Antsu wakanmincha aya̱shmíncha mái̱mtek jinium emesramnia asamtai Yus nekas ashamkatarum.

Ruk. 10:19

Atumniaka winia kakarmarun susamjarme. Napi najarmasha titiṉ najarmasha yajauch awajtámsa̱i̱rum tusan tura ii nemasri̱ kakarmari̱ nupetkatniuncha susamjarme.

Ruk. 11:12

Nujintian seatmakui ¿titiṉkik súsaintiam?

Ruk. 12:4

Amikrutiram, aya aya̱shmin main ainia nu ashamkairap tájarme. Aya̱shmin maa nú arantka máshtatui.

Tur. 4:13

Pítrusha Juaṉsha náṉkamas shuara áintsaṉ ármiayi. Núkap unuimiárcharu ármiayi. Tura unuimiárchaitiat arantutsuk etseriarmiayi. Aentsu uuntri̱ núnaka nekaawar “Nékachuitiat, itiura sapijmiatskesha chichainia” tiármiayi. Tura ju̱sha Jesusa nemari̱n armia núiti tiar nekaawarmiayi.

Tur. 4:19

Tutai Pítiur Juaṉja̱i̱ áimkiarmiayi “Enentáimpratarum. ¿Yus warinia wakera? ¿Iikia Yus umirtsuk atumí chichame̱ṉ umirkatniukaitiajⁱ?

Tur. 4:29

Uuntá, kajertamainiaj iisiá. Iis, Áminiu asakrin áujmatramtsujik. Túmaitkiuisha ame chichamem ii ashamtsuk etserkatin ame kakarmaram amasta.

Ipi. 6:19

Núnisaṉ winiasha áujtursatarum. Wi sepunam pujayatan Yus winia chichastinian surusat tusarum seatritiarum. Tura wi chichaakun sapijmiatsuk Shiir Chichaman yaunchu nekaachma paant awajsat tusarum áujtursatarum.

Jir. 1:28

Atumí nemasri̱sha ishichkisha sapijmiamtikramkara̱i̱ṉ. Nu túrakrumin nu shuar emesratniunam weena nusha tura átum uwempratniusha paant nekanattawai. Núnisaṉ atí tusa Yus túraiti.

2 Tim. 1:7

Yuska sápij enentáin suramsachuitji. Antsu kakaram ajastinniasha anenaitniuncha tura iik íimiasar naka wekasatniun suramsaitji.

Isr. 11:27

Nisha Yusan shiir enentáimtak úunt akupin kajeramu ai̱ṉ ashamtsuk Ejiptu nuṉkanmaya̱ jiinkí̱ wémiayi. Yusan wáinchiat shiir enentáimtamuja̱i̱ wáinniua áinis kakaram ajas ashí katsuntramiayi.

1 Pit. 3:14

Túrasha péṉker túrayatmek wáitiakminkia Yus shiir enentáimtikramprattarme. Tuma asamtai ashamkartutsuk sapijmiatsuk wekasatniuitrume. Isa. 41:10-14; Mat. 5:10

Apu. 9:10

Ujuké̱sha titiṉki ujuke̱a áinis asa jaṉki ajakin armai. Nuja̱i̱ tuke seṉku nantu yujarsar shuaran íjiuar wáitkiastin armai.