Isk. 2:4 - Yus Papí: Shuarja̱i̱ Yus Yamaram Chicham Najanamu

⁴ Tura niisháa iirka kaya imianú katsuram tura ántichu enentáimkia ainia nú aentsnum Wi ámin akupeajme. Tura nú aents chicharainiakum ‘Uunt Yus ashí aentsu Uuntri̱ jú̱nis túramprume’ tiartá.

Isk. 2:4 Iomraidhean Croise

1 Akup. 22:14

Túrasha Mikiayás aya̱k “Uunt Yuska nekas iwiaakui tuma asamtai aya Uunt Yus turuttiatna nunak títiatjai” tímiayi.

YKan. 95:8

nakittsuk shiir anturkatarum. Warí, yaunchu Israer shuartiram Miripia tura Masa atsá nuṉkanam wekasarum

Neka. 21:29

Shuar Yusan enentáimtichua nuka kajemtin íirkaiti antsu péṉkerka naka enentáimias wekainiaiti.

Jrm. 1:7

Tutai Uunt Yus chichartak “Wikia úchitjiai. Péṉker chichaktinian jeatsjai turutip. Antsu ashí Wi akuptiatjamna nui̱ wétatme túram ashí Wi títiatjamna nuke chichaktatme.

Jrm. 3:3

Ame nu tura asakmin yumi yutukcharuiti tura nu arant arakan tsakatmaktincha yutukcharuiti. Túmaitiatmek tsanirma nuwa̱ natsantaincha urukainia núnismek amesha peṉké natsa̱a̱rchaitme.

Jrm. 36:21

Nuiṉkia úunt akupin Juasim papí utitiá tusa Jeutin akupkámiayi. Papí ain Irisáma pujumia nuya̱n achik itiamiayi. Tura úunt akupin pujamunam pepru páantniuri̱ armia nusha ashí ántuiniamunam Jeutí áujsamiayi.

Jrm. 5:3

Maa, Uunt Yusá ¿Ámeka nekasa nuna túrawarat tusamchak íimiam? Amek asutiáwarmame túrasha najaimiakcharuiti. Amutcha amukármame túrasha iwiarnartinniaka peṉké nakitiarmai. Ni enentái̱ kayaja̱i̱ naṉkaamas kátsuram ajasár yapi̱sha nusháa iira ajasár tunaarí̱ya̱ ayantár waketkitniun peṉké nakitrarmai.

Jrm. 6:15

Antsu mui̱jmiai̱ túramarum nui̱sha ¿natsa̱a̱rukaitrum? Ti nekas natsantai̱nchaitrume tura péejchachisha ajaschaitrume. Tuma asamtai Wi asutiáttajrumna nú tsawantinkia atumsha asutniáttarme” tawai Uunt Yus.

Jrm. 8:12

¿Antsu mui̱jmiainian túrawarua nui̱sha natsamainiawak? Warí nekasaiti peṉké natsa̱a̱rcharuiti ántsaṉ péejchachisha ajascharuiti. Tuma ásar iniainiana nuja̱i̱ métek iniarartatui. Tura asutniátin tsawant jeatéma nui̱ nekaska tukumkartatui” tawai Uunt Yus.

Isk. 3:11

Amé shuar achirar yaruakma ainia nui̱ weme ámin anturtamkartatkiuisha tura anturtamkachartatkiuisha chicharainiakum ‘Uunt Yus ashí aentsu Uuntri̱ túramprume’ tiartá” turutmiai.

Isk. 3:27

Túrasha Wi ámiji̱a̱i̱ chichasa umikian ataksha chichamtikiattajme nuya̱ṉka chicharainiakum ‘Jú̱naka Uunt Yus tawai.’ Ántana nuka antukti tura antuktinian nakitiakka antukchati. Warí, ju̱ aents umiktinian nakitín áiniawai” Uunt Yus turutmiai.

Isk. 3:4

Núnisaṉ chichartak “Aentsu uchiri̱yá, yamaikia Israer shuarnum weme Wi títiatjamna nu ujakárta.

Isk. 3:7

Túrasha Israer shuarka tútaisha peṉké anturtamkachartatui. Warí, Winia anturtuktinniasha nakitiáiniawai. Ashí Israer shuarka ántichu ajasárai tura enentáisha kaya núnin kátsuram áiniawai.

Ams. 7:15

túrasha waaka wáinin ai̱ṉ Jiuwá chichartak ‘Ju̱ya̱ṉka weme Israer shuar Wi shuar ásarmatai Winia chichamur ujakárta’ turutniuiti.

Sak. 7:12

Ni enentái̱sha tiamanti kaya timiá katsurma núnin ajasármiayi. Túrunawar Ashí Akupin Uunt Yus umiktin chichaman ni Wakaní̱ji̱a̱i̱ Yúsnan etserin yaunchu pujuarmia nuní̱ akupkámia nunasha antuktinian peṉké nakitrarmiayi. Tuma asa Ashí Akupin Uunt Yus tí kajekmiayi.

Mat. 10:16

“Aneartarum. Wisha murik ya̱wa̱num akupkátniua áintsanak akupeajrume. Tuma asamtai shiir nawamkartin áyatrum napi ti enentáimkia áintsarum anearum wetarum.

Muis. 10:16

Tuma asamtai yamaikia kátsuram enentáikia iniaisarum nekas enentáiji̱a̱i̱ umirkuram Úunt Yusnaitrumna nu paant iniakmamsatarum.

Muis. 31:27

Warí atumí kajetáiri̱n tura umishtai̱ri̱ncha wikia nékajai. Kame wi iwiaaku atumji̱a̱i̱ pujai̱sha Uunt Yus umirkatin nakitiarme. ¿Ániatirmesha wi jakamtaisha urukattarmek?