Isk. 2:1 - Yus Papí: Shuarja̱i̱ Yus Yamaram Chicham Najanamu

¹ Nuyá̱ chichartak “Aentsu uchiri̱yá wajaktia, ámiji̱a̱i̱ chichastaj” turutmiai.

Isk. 2:1 Iomraidhean Croise

YKan. 8:4

Nuna wainkian ¿aentsti Ame imiá enentáimtutai̱ átincha warimpiaitiajⁱ? Kame aentsu uchirí̱sha ¿warí asamtai pujursataj tamea?

Isk. 1:28

yumi yútakui tuntíak wajáa ániun wáinmiajai. Yusa winchari̱ nuní̱ íiran wainkian tikishmaran tsuntsuman nijia̱i̱ruja̱i̱ nuṉká antiṉkian piniakum tepesan aentsu chichame̱n antukmajai.

Isk. 12:3

Tuma asamtai aentsu uchiri̱yá, chumpimiam ame pujamna nuyá̱ jiinkim chíkich nuṉkanam achikia júamua áintsamek tsawái̱ ashí aents iimiainiamunam ame je̱e̱minia̱ jiinkim chíkich nuṉkanam wetá. Núja̱i̱ṉkia ‘iikia ántichu shuarapitjia’ tu enentáimtumarchartimpiash.

Isk. 13:2

“Maa aentsu uchiri̱yá, Israernumia̱ etserin niṉki enentáimias chichainia nu ame chicharainiakum Uunt Yusa chichame̱ anturkatarum.

Isk. 2:3

Tura chichartak “Aentsu uchiri̱yá, Israer shuar ni aparí̱sha umichu tura ántichu ásarmatai nui̱ weme winia chichamur etserkai tusan akupkáttajme. Kame yáunchusha Winia nakitrurarmai tura yamái tsawanta ju̱i̱sha tuke núnisaṉ áiniawai.

Isk. 2:6

Tura ame, aentsu uchiri̱yá, nu aents peṉké ántichu ásarmatai nisha peṉké anturkaraip núnisaṉ turamainia nusha ashamkaip. Kame jaṉki téntakma áintsam pujakmesha tura titiṉ írunna núninium pujá nekapeakmesha sapijmiakaip.

Isk. 2:8

Túrasha ámeka aentsu uchiri̱yá, ju̱ shuar umichu ainia núnin aip antsu ámeka Wi tájamna nu antukta. Waṉkata túram Wi amastatjamna nu yuátá” Uunt Yus turutmiai.

Isk. 3:1

Nuya̱ṉka Yus chichartak “Ámeka aentsu uchiri̱yá papí pénuimiu wainkiamna nu yuátá. Tura jú̱ papí yuam Israer shuar werim chicharkarta” turutmiai.

Isk. 3:10

Nu arantcha chichartak “Ámeka aentsu uchiri̱yá, ashí Winia chichamprun títiatjamna nu kuíshmiji̱a̱i̱ péṉker antukam enentáimji̱a̱i̱ nekaata.

Isk. 3:17

“Aentsu uchiri̱yá, Wi ámin jintia íistinia nútiksan Israer shuar wáinkiarta tusan apujsaitjiame. Kame Wi ámin títiatjamna nu antukam Israer shuarka ujatrúkartatme.

Isk. 3:4

Núnisaṉ chichartak “Aentsu uchiri̱yá, yamaikia Israer shuarnum weme Wi títiatjamna nu ujakárta.

Isk. 37:3

Tura chichartak “Maa, aentsu uchiri̱yá ¿ju̱ ukunch ataksha iwiaaku ajasárminkiait?” turutmiai. Nuna túrutkui wi ayakun “Maa, Uunt Yusru, aya Amek nuka nékame” tímiajai.

Isk. 4:1

Aentsu uchiri̱yá nuwe pakamámu achikiam Jerusaréṉ pepru nakumkam meset jurusar tarir mánaiktaj tusar matsamtúkar warí itiurtain nu najatkam ashí téntakta. Tura namincha jiru pakamámu achikiam jiruja̱i̱ wénuimiua nútisam ámiji̱a̱i̱ pepru ana nui̱ ajapén ikiusta túram ámeka nu ii pujutá. Kame ame túram nuka Israer shuar túrunawartatna nu nakumkattame.

Isk. 40:4

Tura nu áishmaṉsha chichartak “Aentsu uchiri̱yá, ashí wi ámin iniaktustatjamna nu péṉker esetram iisam tura antukam nekaata. Kame ashí ame wáiniam nu Israer shuar ujakárta tusa itiamuitme” turutmiai.

Isk. 5:1

Uunt Yus chichartak “Yamaikia aentsu uchiri̱yá, susu tsupitiai̱ péṉker atsakamu achikiam intiashmísha núnisaṉ susurmesha awá awasam kijin nekapmatai̱ achikiam ame intiashim nekapmam menaint akantrata.

Tan. 10:11

Tura chichartak “Ti aneamu Taniará títiatjamna nu émamkesam antukta. Túram yamaikia wajaktia. Warí, wikia ame akuptúkmaitjiai” turutmiai. Túrutkui kurayatnak wajakmiajai.

Tan. 10:19

Tura chichartak “Ti aneamu áishmaṉká sapijmiakaip. Aṉkant átinkia ámiji̱a̱i̱ atí. Núnismek katsuntram kakaram ajasta” turutmiai. Túrutkui kakaram ajasan chicharkun “Winia uuntru ikiakátra asam yamaikia chichakta” tímiajai.

Tan. 8:17

Nuiṉkia wi pujamunam tíjiu̱ch tarutmiai. Tura winiakui wainkian ashamkamjai túran tsuntsumamjai. Tura ni chichartak “Aentsu uchiri̱yá nekaata, ímiaja̱i̱k wainkiamna nuka amúamu tsawantai̱ túrunata nuiti” turutmiai.

Mat. 17:7

Túrunawarmatai Jesus tarí antiṉ “Ashamkairap, wajaktiarum” tiármiayi.

Juaṉ 3:13

Shuar chikichkisha nayaimpiniam waka atsawai. Aya Wiki nayaimpinmaya̱ taran Aents Ajasuitjiai. Tura Wikia nayaimpinmaya̱itjiai.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Tur. 26:16

Tura nantakim wajaktia. Winia takartusminiam tusan wantintiukjame. Tura ame wainkiamna nusha etserkattame. Tura ukunam wantintiuktatjame. Wáinkiatamna nusha etserkamnium.

Tur. 9:6

Nuya̱ṉka Sauru sapijin kurakmaikia chichaak “Nuiṉkia Uuntá, ¿wi warinia itiurkat tusamea wakeram?” Tutai Uunt chichaak “Wajakím weme péprunam waya̱ta. Nui̱ jeawakmin ame túrattamna nuna turamiartatui” tímiayi.