Isk. 19:1 - Yus Papí: Shuarja̱i̱ Yus Yamaram Chicham Najanamu

^1-9 Yamaikia Isekiará Israer shuara uuntri̱ kúntuts enentáimtusar wáitiamu titiá tura chicharainiakum “Ame núkuka Jerusaréṉka úunt ya̱wa̱ nuwa̱ uchirí̱n matsas tsakatmainia núnisaiti túrasha chikichkiniak timiá peṉker wainkiamai. Túram tsakar namaṉken chikichnian atankitniun nekáa aentsnasha yúawarmai. Nusha ashí nuṉkanam antukamai túrasha achikiar tseṉkenja̱i̱ awaṉtukar Ejiptunam júkiarmai. Túrunamtai uchirí̱n nákas tujintiak chíkich uchirí̱n ataksha tsakatmarmai. Nisha núnisaṉ chikichnian atankitniun unuimiátar aentsun yuíniak ashí emesak nuṉkancha aya jú̱nik awajsamai. Túmakui̱ ashí aents irunturar achikiar jiru najanamunam eṉkeawar Papirúnia úunt akupniuri̱ pujamunam júkiarmai. Tura shiniamuri̱sha atakka Israernumka peṉké antukashti tusar sepunam eṉkeawarmai.

Isk. 19:1 Iomraidhean Croise

2 Akup. 23:34

Tura Parauṉ Nikiau Jusíasa uchirí̱n Iriakímian ni aparí̱n úunt akupin anaikiamiayi. Túrasha ni náari̱nkia yapajtiua Juasim anaikiamiayi. Antsu Juakaska Ejiptunam jukimiu nui̱ jakamiayi.

2 Akup. 24:12

Túrunamtai Jutanmaya̱ akupin Juakinkia nukurtiuk tura yaintri̱ núnisaṉ suntara uuntri̱ nuyá̱ takarniúri̱ armia núurtiuk úunt akupin Napukutunusúrai̱ surumakmiayi. Tura Juakinkia uchu uwí akupin ajas pujamunam Papirúnianmaya̱ akupin Juakinnaka achik jukimiayi.

2 Akup. 24:6

Tura Juasimka ni we̱a̱trí̱ ayamuwearmia nui̱ṉ nisha ayamumiayi. Túrunamtai ni uchirí̱ Juakin úunt akupin ajasmiayi.

Jrm. 22:28

¿Kame jú̱ aishmaṉkan Juakinkia mui̱jmiai̱ṉ najanamuit núja̱i̱nchuka jakurúkait? ¿Kame muits wakerukchamnia núninkiait? ¿Enta urukamtai nisha tura ní shuari̱sha nékashtai̱ yajá nuṉkanmasha utsaṉkarmait?

Jrm. 22:30

Kame Uunt Yus chichaak “Jú̱ aishmaṉka náari̱sha ni shuari̱ncha nútiksarum áatratarum. Kame iwiaaku pujuttana nui̱sha warinkisha wáitmachu átatui. Warí, ni weanmaya̱ṉka chikichik áishmaṉkesha úunt akupin Tawit pujutai̱nmaṉka ekemsashtatui tura úunt akupniuka atakka akupin peṉké ajaschartatui Jutanmaṉka” tawai Uunt Yus.

Jrm. 24:1

Papirúnianmaya̱ úunt akupin Napukutunusúr Jutanmaya̱ úunt akupin Juasimia uchirí̱n Jikiuníasan tura Jutanmaya̱ uuntri̱ armia nunasha je̱a̱ je̱a̱mniuncha, jiruja̱i̱ takakmauncha, Jerusaréṉnumia̱ Papirúnianam achir yaruakaru ai̱ ikiu jimiará chaṉkinnium chumpíamu Uunt Yusa Uunt Je̱e̱n eem apujsamun Uunt Yus iniaktursamai.

Jrm. 24:8

Uunt Yus chichaak Jutanmaya̱ úunt akupin Setekíasnaka núnisaṉ úuntri̱ncha tura Jerusaréṉnumia̱ juákaru ju̱ nuṉkanam ikiukiarma áiniana ántsaṉ Ejiptu nuṉkanam pujuinia nunasha ikiu yajauch tí yajauch yúachmin ásarmatai muí̱jkiartatjana nútiksaran yajauch awajsartatjai.

Jrm. 9:1

Wi shuara nawantri̱ kaji̱ṉkiáru enentáimtusar káshisha tura tsawai̱sha úttinniasha ¿yaki entsa akaana nútikruat winia muukrui̱sha tura winia nea̱jkirnasha yaki púkuni jiinia nútikruat winia ji̱rui̱sha?

Jrm. 9:10

Ashí amukma aya jú̱nik juákaru ásarmatai wétinkia yaaksha atsawai tura waaka úteamuksha ántuwatsui. Tuma asamtai naint áiniana ai̱sha tura kampuntin atsú nuṉkanmasha sa̱a̱k irunainiana nui̱sha jakamnia nekapeakur kúntuts enentáimsar úteamun ántumtikiartatjai. Warí nanamtin yakiya̱ áiniana awiimiak yajasma nuṉkaya̱ áiniana nusha pisakár yajá wéaruiti.

Isk. 2:10

Nuyá̱ nu uwej papí áarman wi wajamunmaani̱ iwiaintiurkama nú papiniumka mai̱ yantam áarmauya nuna wainkiamjai. Nu papiniumka útmasha najaimiamusha tura wáitsatin chichamsha áarmauyi.

Isk. 28:12

“Aentsu uchiri̱yá, kúntuts enentáimkiur kantamtai̱ Tírunmaya̱ akupin kantamprakum Uunt Yus Ashí Aentsu Uuntri̱ jú̱nis tawai titiá ‘Ámeka tí neka tura tí shiirmach nájankur imiatkincha tí peṉker najanamuyame.

Ams. 5:1

Wats Israer shuartiram nekaatarum. Átum kajiṉkrum amukákrumin tí kuntuts e̱a̱ran kantamprajrumna nu antuktarum.