Isk. 18:3 - Yus Papí: Shuarja̱i̱ Yus Yamaram Chicham Najanamu

³ Wi Ashí Aentsu Uuntri̱ Uunt Yus iwiaaku Yus asan Israer shuarnumka ju̱ métektaku chichamka awaiṉkirum atakka peṉké chichakchattarme tajai.

Isk. 18:3 Iomraidhean Croise

Isk. 16:44

Túrasha Jerusaréṉká, métektaku chichamja̱i̱ nukurí̱ urukuit nawantri̱sha núninkete turamartatui. Warí nukurí̱sha núnisaṉ nawantri̱sha áishri̱n uchirí̱ji̱a̱i̱ muí̱jkiarmai. Iwia̱i̱ri̱ṉkia Samariaiti. Nisha ame káimiti tura arakaani̱ pujawai. Tura nuṉkaani̱ṉkia iniaṉnamu kaim Sutuma pujawai. Warí Jerusaréṉká, ámeka ame nawantrumji̱a̱i̱ túraitmena timianú yajauchinkia Sutumaka ni nawantri̱ji̱a̱i̱ṉkia túracharuiti tawai Uunt Yus. Ámeka Jerusaréṉká, tí yajauch mui̱jmiai̱ tura asakmin ame kaimkia wariṉkísha túracharua núnisar juákaruiti. Ame tunaarumji̱a̱i̱ apatka íismaka ame kaimkia tíniuṉka túracharuiti. Tuma ásar ámiji̱a̱i̱ṉkia naṉkaamas péṉker áiniawai. Tuma asam yamaikia natsa̱a̱rta, warí ame túramurmiji̱a̱i̱ ame kaimkia peṉké umikmatcha núni̱ṉ ajasáruiti.

Isk. 18:2

“Átumka métektaku chichamja̱i̱ chichasrum ‘Apa uwa churuinian yuíniawai túrasha uchirí̱ churumainiawai’ tárumna nusha ¿urukamtai Israer nuṉkasha tárum?

Isk. 18:30

Tuma asamtai Israerá, atumí túramuri̱ji̱a̱i̱ métek aṉkant aṉkant sumamtikiattajrume” tawai Uunt Yus Ashí Aentsu Uuntri̱. “Núnisrumek ené enentáimiu ajasrum atumí yajauch túrutairi̱ iniaisatarum núja̱i̱nchuka atumí tunaari̱ṉ makurmartatrume.

Isk. 18:4

Warí ashí aents apasha tura uchisha winia áiniawai tura tunaan tura nuka jakattawai.

Rum. 3:19

Yaunchu akupkámun umirkatin ainia nú shuar aya tákamtak umirkatin áiniawai. Tuma asamtai ashí shuar umirkachu ásarmatai Yus nuja̱i̱ súmamtikiawartatui. Túrakui nisha pachischamin áiniawai.