Isk. 13:6 - Yus Papí: Shuarja̱i̱ Yus Yamaram Chicham Najanamu

⁶ Mesekranam ímiaja̱i̱k wainkiamusha ántar áiniawai. Túrasha nekas túrunattui tuinia nusha wáitiaiti. ‘Uunt Yus jú̱nis tawai’ turutainiawai túrasha Wikia etserkata tusan akupkacharuitjiai. Túmaitiat ni chichakma nuna umikiat tusa nákarainiawai.

Isk. 13:6 Iomraidhean Croise

1 Akup. 22:12

Tura ashí etserin armia nusha núnisaṉ etserainiak “Karaatnumia̱ Ramutnum wetá túram mesetja̱i̱ nupetmakta. Warí Uunt Yus akupniun íktustatjai túramui” túumam ajarmiayi.

1 Akup. 22:15

Nuya̱ṉka akupniun jearmiayi tura akupin anintrak “Mikiayasá, Karaatnumia̱ Ramut meset jurusar werittiajik nuíchuka ánkik iniaisattajⁱ” tímiayi. Tutai Mikiayás aya̱k “Weritia tura nupetkata. Warí Uunt Yus akupniun íktustatui” tímiayi.

1 Akup. 22:27

Tura chicharkum ‘Akupin chichaak “Wi aṉkant ajasa táamam jú̱naka sepunam eṉkeawar páṉnasha tura entsancha ishichik súsarti” tawai’ titiá” tímiayi.

1 Akup. 22:37

Kame akupniúsha jakamtai Samarianam júkiar nui̱ iwiarsarmiayi.

1 Akup. 22:6

Nuyá̱ Israer shuara úunt akupniuri̱ kuatrusiántu yúsnan etserin armia nuna ashí irurar anintrak “Karaatnumia̱ Ramutan mesetan jurusan werittiajak nuíchuka ánkik iniaisattaj” takui̱ yúsnan etserin armia nu aimiainiak “Wetá. Warí Uunt Yus úunt akupin nupetkai tusa ame uwejmíin íkturmastatui” tiármiayi.

Neka. 14:15

Shuar uchi enentái̱ eṉkea nuka ashí antukmaja̱i̱ṉᵏⁱ nekasaiti tíniuiti. Antsu shuar katsunta nuka itiurak wekaaj tusa tuke ii pujurniuiti.

Jrm. 14:14

Nuyá̱ Uunt Yus chichartak “Yúsnan etserin ainia nu Winia náarun ántar pachisar waitruá etserainiawai. Kame Wikia niṉkia akupkacharuitjiai. Ímiaja̱i̱k wainkiamuncha waitruá etserainiawai tura ni enentái̱ji̱a̱i̱ṉ waitruá chichartamainiak ju̱ nuṉká ju̱ka mesetcha tsukasha atsuttawai turamainiawai. Túrasha nú Yusnan etserniuka mesetja̱i̱sha tsukaja̱i̱sha amuukartatui. Tura yana ujakármia nu aentsuk jákarmatai Jerusaréṉ jintianam ajapnawartatui. Túrawarmatai yáakesh nin iwiarsatniuka atsuttawai. Nuní̱ túrawaran ní yajauch túrutai̱ji̱a̱i̱ṉ akikiártatjai.

Jrm. 23:16

Ashí Akupin Uunt Yus jú̱nis tawai “Yúsnan etserin ainia nuna chichame̱ anturkairap. Warí átumka ‘ashí tí peṉkera nuna wainkiattajai’ tu enentáimpratarum tusar ántar ujatmainiawai. Kame ni enentáimsaṉ ímiaja̱i̱k wainkiamuncha ujatmainiawai túrasha nuka Uunt Yusa chichame̱nchuiti.

Jrm. 28:1

Setekías yama naṉkammanum Jutanmaya̱ úunt akupin ajas kuatru uwí tura nántuka seṉku ámanum pujái̱ Kapaunnumia̱ Asura uchirí̱ etserin Ananías winí̱ tarutmiai. Tura Yusa Je̱e̱n Yúsnan pujurniusha tura ashí aents iimiainiamunam chichartuiniak

Jrm. 28:15

Nuyá̱ Yúsnan etserin Jirimías etserniun Ananías chicharuk “Ananíasá antukta. Uunt Yuska akuptámkachuiti tura ame ju̱ aents waitruá ujakum nu chichamja̱i̱ nekas tawai tusam anaṉkainiame.

Jrm. 28:2

“Israera Yusri̱ Ashí Akupin Uunt Yus chichartak ‘Papirúnianmaya̱ úunt akupniu kakarmari̱nkia jurukín kakarmachu awajsaitjiai. Kame kuntujnum numi awantkámua nútikia pujurin ¿ácharmakia?

Jrm. 29:31

“Ashí achirma matsatainia nu ju̱ nékamtikiawarta. Nejeramnumia̱ Semayásan Uunt Yus jú̱nis chicharuk ‘Wi akupkachmaitiat Semayás étserui tusa wáitian táyat nekasaiti tumamtikiainiawai.’

Jrm. 29:8

Israera Yusri̱ Ashí Akupin Uunt Yus chichaak jú̱nis tíniuiti. Atumí yusri̱niun etserin tura nekamin atumíin pujuiniana nu anaṉkramawairap. Tura mesekar mesekrampramuri̱sha peṉké anturkairap.

Jrm. 37:19

Yúsnan etserin atumíin étseruk chichartamainiak ‘Papirúnianmaya̱ úunt akupniuka atumniaka tura jú̱ nuṉkaja̱i̱ mánaiktinian káunkachartatui’ tiarmia nusha ¿tui̱ṉ pujuinia? tímiayi.

Jrm. 5:31

Tuma ásar Yúsnan etserin ainia nusha waitruá etserainiawai tura Yúsnan pujurin áiniana nusha ní enentái̱ji̱a̱i̱ṉᵏⁱ jú̱nisar túratai tuíniawai. Tura Wi shuarsha nuna wakeruiniawai. Túrasha ni amuukatniuri̱ jeamtaisha atumsha ¿warí itiurkatarmek?

Ukan. 2:14

Atumí Yúsnan etserniuri̱sha nekascha nuna tura wáurtaincha wáinkiaruiti. Tura átum achintrar junaktinian nékainiayat atumí tunaarí̱n nekaartamacharmai. Antsu ujatmákmin áyat wait chichaman imiamtikramprattsa ujatmákarmai.

Isk. 13:7

Tura átum ímiaja̱i̱k wáinmasha núnisaṉ nekamniuitjiai tusarum nekaarum étserumna nusha ¿wáitchak ainia? Warí Wikia chichakcha ai̱ṉ átumka ‘Uunt Yus tawai’ túruttsurmek” tímiayi.

Mar. 13:6

Nekaatarum, untsurí winia náarun pachisar winiartatui. Chíkich chíkich ‘Witjiai Kristu’ taku, untsurín anaṉkawartatui.

2 Tis. 2:11

Iis, nekas ana nuna nakitia ásarmatai ti anaṉmamawar wait chichaman umirkarat tusa Yuska tsaṉkatkattawai.

2 Pit. 2:18

Nisha ti chichainiayat ántar chichainiawai. Yajauch túratniuja̱i̱ tura aya̱sh wakera núja̱i̱sha páchim túriarmia nuyá̱ kanakiarua nú shuaran ataksha tunaanum aju̱a̱rtajtsa wakeruiniawai.