Isk. 13:5 - Yus Papí: Shuarja̱i̱ Yus Yamaram Chicham Najanamu

⁵ Israer shuartirmeka Uunt Yusa tsawantri̱ jeamtai uwemprarmi tusarmeksha iwiarnakchaitrume. Waitruá etserin ainia nuna chichame̱ ánturkuram Uunt Yusa chichame̱ṉka anturkachu asarum pepru wenuke̱ najatkachma tura wenuke̱n wa̱a̱ írunusha akirkachma núniniaitrume.

Isk. 13:5 Iomraidhean Croise

Juup 40:9

¿Amesha Yusa kakarmari̱ji̱a̱i̱ métekaitiam? ¿Tura ame chichammesha Yusa chichame̱ ipiamta tímiankait?

YKan. 106:23

Tuma asamtai Uunt Yus Israer shuaran amuktinian enentáimtakui ni anaikiamuri̱ Muisais Yus tsaṉkurarat tusa seatcharuitkiuiṉkia amukara̱a̱yi.

YKan. 76:7

Ámeka nekas ashammaintme. ¿Yaki Ame kajekakmincha paṉkái̱ iirmassha wajaint?

Isa. 13:9

Yamaikia Uunt Yusa tsawantri̱ tsuumai̱ ajasmatai ti itiurchat enentáimiar nuyá̱ ti kajek jú̱ nuṉkanam ashí tunaarintin áiniana nuna emesak aya jú̱nik awajsattsa winiawai. Yaa tsáapnintri̱sha wainniakchattawai tura etsa̱sha mushatmartatui núnisaṉ nantusha etsantrashtatui.

Isa. 2:12

Kame Ashí Akupin Uunt Yusa tsawantri̱ átatna nu tsawantka wishikkiartin tura waantu enentáimtuma ainia nuna Yus ni kajetáiri̱n tura kakarmari̱ncha iniaktusartatui. Tuma asa natsanmai̱ awajnákartatui.

Jrm. 15:1

Nuiṉkia Uunt Yus turutmiai “Muisais Samuirja̱i̱ Israer shuar waitnentrarai tusa seatainiakuisha Winia wakantruka jú̱ aentsja̱i̱ṉ pujuscharainti. Wi pujamunmaya̱ ji̱i̱ki̱ aju̱i̱tiá tura ininmainiakuisha ¿tui̱ṉ wéartajⁱ? turamainiakui jú̱nisam tiartá. Jákatin wea nuka jákatniun wéarti tura mesetnum wéartin tusa anetkámu ainia nuka mesetnum wéarti. Nuyá̱ tsukanam wétin tusa anetkámu ainia nuka tsukanam wéarti tura achirtin tusa anetkámu ainia nuka achintratniunam wéarti tu ái̱kiarta. Kuatru yajauchiji̱a̱i̱ túratin anetkámu awai. Mesetcha ya̱wa̱sha nanamtincha yajasmasha yuáwar emeskartatui. Ashí uunt nuṉka mátsatka ainia nui̱ Manasés Jutanmaya̱ úunt akupin Jerusaréṉnum túrama nuja̱i̱ natsanmai̱ ártatui. Maa Jerusaréṉká amincha ¿yaki waitnentramprat? Ámeka Winia ikiurkímiame. Tura asakmin uwejrun iwiaintiukan emeskattajme. Warí wait ané anentú pimpirkijme” tawai Uunt Yus.

Jrm. 23:22

Uunt Yus iruntrar chichamunam Winia chichamprun antukaruitkiuiṉkia winia shuarun winia chichamprun antumtikiara̱a̱yi. Nuyá̱ yajauch jintianmaya̱sha tura yajauch túrutainmaya̱sha awakeara̱a̱jai.

Jrm. 27:18

Wats ti nekas Yusa chichame̱n etserin áiniaka tura nekas Uunt Yusa chichame̱n etserainiakka nuiṉkia Ashí Akupin Uunt Yusa Je̱e̱n takakmatai írunna nuna Papirúnianmaya̱ wéar Uunt Yusa Je̱e̱n tura Jutanmaya̱ úunt akupniu je̱e̱ncha tura Jerusaréṉnum Yusna takarkur takakmatai írunna nuna yaruakcharat tusar seawarti.

Isk. 13:4

Tuma asar Israerá, atumí etserniuri̱ṉkia nekasa nuna etserainiachu ásar ku̱jancham je̱a̱ sanakmianum pujuwa núnikiarai.

Juir 1:15

Kame Uunt Yusa tsawantrí̱ṉkia jeatémayi. Tuma asamtai nú tsawantka aneartarum. Warí ashí emesnaktin tsawantka Ashí Tujintkiachu Yusai̱ya̱ tátatui.

Juir 2:1

Tura Seúnnumka kachu umpuarum Winia akantúkma naintrua nui̱ kakantra untsumkatarum. Kame Uunt Yusa Tsawantrí̱ jeatéma asamtai ashí nuṉkanmaya̱ aentska sapijmiainiak kuraṉkarti.

Juir 2:31

Kame Uunt Yusa uunt tsawantri̱ tí tsuumai̱ átatna nu jeatsa̱i̱ṉ etsa̱sha kaji̱niak tee ajastatui tura kashi nántuka numpa ajastatui.

Juir 3:14

Uunt Yusa tsawantri̱ jeatéma asamtai Ni sumamtikiatta nu nuṉka pakari̱nkia nekapmarchamnia peṉké nekapmarchamnia aents iruntrar nú pakanmaṉka Ni sumamtikiawartatna nui̱ matsatainiawai.

Mks. 1:9

“Wats yamaikia nekas enentáiji̱a̱i̱ Yus waitnentrampraintiajti tusarum seatarum” tawai Ashí Akupin Uunt Yus. “Túrasha ánin súatirmincha itiurak waitnentrampratarum.

Mks. 4:5

Nekaatarum. Yamaikia Uunt Yusa tsawantri̱ ti uunt tura ti ashamái̱ átatna nu jeachmanumaṉ Winia chichampru etserniun Iríasan akupkáttajai.

1 Tis. 5:2

Ni tátintri̱ jú̱nis átin nékarme. Kiritniunam kasá shuar kasamkataj tusa tátatna nu nekaachminiaiti. Núnisaṉ nákatsuk pujuiniai̱ Uunt Kristu tsawantri̱ jeattawai.

2 Pit. 3:10

Túrasha Uunta tsawantri̱ aya aneachma jeattawai. Kasa aya aneachma kiritniunam taana núnisaṉ tátatui. Nu tsawantin nayaimpisha ipiamta núnis charáa timiatai meṉkakattawai. Tura nui̱ ashí írunna núurtiuk esaawartatui. Tura nuṉkasha tura ashí írunna nusha esaawartatui.

Apu. 16:14

Íwianch áiniak aents tujintiamun túruiniak ashí nuṉkanmaya̱ akupniun irurarmai. Ti Tujintkiachu Yusai̱ ni uunt tsawantri̱ jeamtai mesetan najanatai tusar weriarmai.

1 Sam. 12:23

Tura wikia atumí seattsukka Uunt Yusai̱sha tunaan túrashtajai antsu aya péṉkera nunak tura naka wekasatniun jintintiátjarme.