Isk. 13:10 - Yus Papí: Shuarja̱i̱ Yus Yamaram Chicham Najanamu

¹⁰ Warí aṉkant pujustin atsa̱i̱ṉ ántar etserin aṉkant pujustin awai tusar Wi shuarnaka anaṉkawar emeṉkátruraruiti. Núnisaṉ pepru wenuke̱n najatainiakuisha péṉker iwiartutsuk niṉkia aya nuwe̱ja̱i̱ṉ yakainiawai.

Isk. 13:10 Iomraidhean Croise

Neka. 12:26

Shuar péṉkera túrinkia ni írutramuri̱n péṉkeran jintinniuiti. Antsu Yusan enentáimtichuka awajimtikiainiawai.

Jrm. 14:13

Nuyá̱ chichaakun “Maa Ashí Uuntri̱ Uunt Yusá nekaata. Yúsnan etserin ainia nu chicharainiak ‘Mesetcha atsuttawai tsukasha atumínkia tarutrámchartatui antsu ju̱ nuṉkaka nekas aṉkant matsamsatniun suramsattarme’ ujak tuíniawai” tímiajai.

Jrm. 23:17

Winia nakitruinia núnaka iniaitsuk chicharainiak ‘Aṉkant pujustatme’ tuíniawai tura niní̱ wakera núnaka chicharainiak ‘Atumniaka itiurchatka tarutrámchartatui’ tuíniawai.

Jrm. 23:32

Wats ju̱sha nekaata tawai Uunt Yus. Kame Yúsnan etserin mesekar wait ainia nuna etserainiak ni waitri̱ji̱a̱i̱ yuminchin chichasar Winia shuarun awajimtikiainia nuna yamaikia kajerkarjai. Warí Wikia akuptancha akupkacharuitjiai núnisaṉ warí péṉkernaksha jú̱ peprunka peṉké itiarchartatui” tawai Uunt Yus.

Jrm. 28:9

Kame Yúsnan etserniuka warasar matsamsatniun étserkuiṉkia tura ni chichame̱ uminkiamtaiṉkia Uunt Yus nú etserniun ti nekas akupkana nu nekamniaiti” Jirimías tímiayi.

Jrm. 4:10

Nuya̱ṉka chichaakun “Winia Uunt Yusru, nekas ju̱ pépruka tura Jerusaréṉsha anaṉkawaruitme. Warí ii enentái̱nkia puya̱ka ijiukratmanumaṉ itiurchat awajkachma aṉkant matsamsattarme” tichakaitiam.

Jrm. 5:31

Tuma ásar Yúsnan etserin ainia nusha waitruá etserainiawai tura Yúsnan pujurin áiniana nusha ní enentái̱ji̱a̱i̱ṉᵏⁱ jú̱nisar túratai tuíniawai. Tura Wi shuarsha nuna wakeruiniawai. Túrasha ni amuukatniuri̱ jeamtaisha atumsha ¿warí itiurkatarmek?

Jrm. 50:6

Kame wáinin yajauchinmaani̱ jintintiámu ásar murikiu wáinin péṉker wáinkiachma jíintrar kampunniunam náintiaani̱ náṉkamas wéar meṉkarar ni wenuimiuri̱n waya̱tniun kajinmatkiarua núnis Wi shuarka áiniawai.

Jrm. 6:14

Wi shuar wáitiainia nu yaya̱chiatrum ‘Aṉkant atí, aṉkant atí’ tárume túrasha nekas aṉkant pujuiniatsui tawai Uunt Yus.

Jrm. 8:11

Tura Wi shuara nawantri̱ wait ajá pujakuisha atsaṉkratniunka wakeruiniachiat túkeneas ‘Aṉkant atí, aṉkant atí’ tuíniawai. Túrasha aṉkant pujustinkia peṉké atsawai.

Jrm. 8:15

Kame itit awajsachma aṉkant pujustin nákasarji túrasha nú péṉkerka peṉké wainkiacharji. Tsuámartincha wáinkiacharji antsu imiaankir wáurkamnia ajainiaji.

Mks. 3:15

Kame naṉkamantu enentáimtumainia nu shíiraiti taji tura Yusan anaṉkainiaksha nuna péṉker pujusár yajauchin túrawarsha asutniatsuk pujuiniawai’ tíniuitrume” tawai Uunt Yus.

1 Tis. 5:3

Ashí shuar “Pai, yamaikia ti nekas shiir péṉker pujuiniaji” tu matsatainiai̱ aya aneachma nuṉka mesertin tsawant jeattawai. Nuwa̱ ajamtin aya aneachma jatema áintsaṉ nékachmanum átatui. Túmakui̱ pisartin peṉké atsuttawai.

1 Tim. 4:1

Yusa Wakaní̱ ti paant tawai amuukatin tsawant jeakui untsurí aents Yus enentáimtustinian iniaisar antsu yajauch wakaní̱n nemarsar íwianch jintíamun anturkartatui.

2 Tim. 3:13

Tura ashí anaṉkartin ainia nusha kame ashí yajauch shuarsha nú yajauch túrukiar wétatui. Iwianchji̱a̱i̱ anaṉkamu ásar chikichnasha anaṉkiar wéartatui.

1 Jṉ. 2:26

Anaṉkartin írunkui ju̱na áatjarme.

Apu. 2:20

Túrin ámini̱ṉ ju̱na títiatjame. Nu nuwa̱ Jisawír awematsme. “Yúsnan unuiniajai” tinia Wí shuaran ti anaṉkenawai. Tura ti tsanirmatniuncha tura najankamu yus sutai̱ taṉkun maar yúatniun jintintiáiniawai.