Isk. 12:3 - Yus Papí: Shuarja̱i̱ Yus Yamaram Chicham Najanamu

³ Tuma asamtai aentsu uchiri̱yá, chumpimiam ame pujamna nuyá̱ jiinkim chíkich nuṉkanam achikia júamua áintsamek tsawái̱ ashí aents iimiainiamunam ame je̱e̱minia̱ jiinkim chíkich nuṉkanam wetá. Núja̱i̱ṉkia ‘iikia ántichu shuarapitjia’ tu enentáimtumarchartimpiash.

Isk. 12:3 Iomraidhean Croise

YKan. 81:13

¡Maa Wi shuará anturtukuitkiumni̱ṉkia tura Israerá Wi tama umikiam wekaasaitkiumni̱ṉkia

Jrm. 10:17

Wenuke iwiartukar utúachmin awajsámunam pujamna nusha ame wariram nuṉká matsatna nu jukarta.

Jrm. 26:3

Maa anturtamkar aṉkant aṉkant ni yajauch túrutairi̱n iniaisarka maak árainti. Túrawarmataiṉkia ni yajauch túrawarmanum nin asutiáwartinian Wi iwiarturaruitiaj núnaka Wisha iniaisaintjiai.’

Jrm. 27:2

Tura Uunt Yus chichartak “Aents waakaja̱i̱ nuṉká pukuak kuntujnum numi awantai̱ najankarta. Túram kuntujmin ikiusta.

Jrm. 36:3

Jutá shuarnaka ashí Wi yajauch awajsartaj nuna antuk nekaawar ni yajauch wekatai̱ ikiukchartimpiash. Núja̱i̱ṉkia ni yajauch túrutairi̱n tura ni tunaari̱n tsaṉkuraraintjiai.”

Jrm. 36:7

Uunt Yus íimmianum aentsu seamuri̱ jeawainti tura aṉkant aṉkant ni yajauchiri̱ya̱ ataksha waketkiarainti. Warí Uunt Yusa kajetáiri̱ṉkia núnisaṉ Ni suíri̱ṉkia úuntaiti tusa jú̱ aentsun ujakáruiti” tímiayi.

Jrm. 7:26

Túrasha Winia chichamprunka umirtukcharmai tura anturtuktinniaksha anturtukcharmai antsu antuktinian nakitiáiniak ántichu ajasár ni aparí̱ túrawarmia núja̱i̱ṉkia naṉkaamas tí yajauchin túrawarmai.

Isk. 12:7

Kame turutmia núnisnak iwiarnaran shuar ni nuṉke̱ya̱ achikiar chíkich nuṉkanam júamua núnisnak winia warirun jukin tsawái̱ jiinkimjiai. Tura kí̱arai̱ṉkia tanishan winia uwejruja̱i̱ chiṉkian kirit ajá tesainia ai̱ ashí shuar iimiainiamunam winia takakmarun yakai̱rui̱ awantkan wémajai.

Isk. 3:26

Tura ame iniaimincha kayakpátrumi̱i̱n anujtúktatjame túran muut awajsattajme. Túrunamka nú shuara chicharniuri̱ áchattame. Warí niṉkia aya kájen ántichu áiniawai.

Isk. 3:27

Túrasha Wi ámiji̱a̱i̱ chichasa umikian ataksha chichamtikiattajme nuya̱ṉka chicharainiakum ‘Jú̱naka Uunt Yus tawai.’ Ántana nuka antukti tura antuktinian nakitiakka antukchati. Warí, ju̱ aents umiktinian nakitín áiniawai” Uunt Yus turutmiai.

Isk. 43:11

Tura nuní̱ túram ni yajauch túrutairi̱n enentáimtusar natsa̱a̱rarmatai Yusa Je̱e̱ je̱a̱mtin nakumkamua nu tura itiur je̱a̱mnatta núnisaṉ ni wá̱i̱ti̱a̱i̱ri̱sha, jintiai̱ri̱sha ashí uruku ártata nu ashí ujakáram enentáimtikrarta. Nuyá̱ akupkámu umiktin chicham nisha iimiainiai̱ṉ áatraram itiur túrawartata nusha ashí jintintrarta. Kame núnaka nisha ashí péṉker nekaawar tímianuja̱i̱ métek takasarmi tusam túrata.

Ruk. 13:34

¡Jerusaréṉnumia̱tiram, Yúsnan etserin máiniaitrume tura Yus akatar akuptúrmakmania nusha kayaja̱i̱ tukurum máiniaitrume! Tuma ai̱ṉ atash ni uchirí̱n etektana núnisnak Wisha wéartajtsan wakerimjiarme túrasha nakitramarme.

Ruk. 20:13

Nuyá̱ ukunam ajá nérenniuri̱ ‘Itiurkatjak’ timiai. ‘Winia aneamu uchirun akupkáttajai. Nin wáinkiar shiir enentáimtuschartimpiash’ timiai.

Muis. 32:29

Maa, neka áiniaka ju̱nasha antukarainti núnisaraṉ amuwamunam warí urukawartata nunasha nekaawarka maak árainti.

2 Tim. 2:25

Tura umircha shuarnasha Yus ni enentái̱n yapajtiakui nekas chichaman shiir enentáimturarat tusa péṉker enentáiji̱a̱i̱ jintintiátniuiti.