Isk. 12:12 - Yus Papí: Shuarja̱i̱ Yus Yamaram Chicham Najanamu

^12-16 Tura úuntri̱nkia ni waririṉ entsakí̱ tanishnum wa̱a̱ najanamua nuní̱ nuṉkan wáinki̱a̱i̱j tusa yapin nukuk jiinkittiawai. Túrasha Yusai̱ya̱ṉka uwemprashtatui antsu achikiar Papirúnianam jukimiu átatui. Túrasha nú nuṉkanka wáintsuk nuiṉ jakattawai. Kame ni yáintri̱sha tura ashí ni suntarí̱sha tsakiṉmakar puya̱ja̱i̱ apapékma ártatui. Túrasha tui̱ jeawartata nui̱sha ni mui̱jmiai̱ túrawarman etserkarat tusan ishichik aentsun uwemtikrartatjai. Nuya̱ṉka Wikia Úunt Yusaitiaj nuna nekaawartatui.

Isk. 12:12 Iomraidhean Croise

2 Akup. 25:4

Nu túmakui̱ pepru wenuke̱ chiṉkiamamiayi. Túrunamtai úunt akupniuja̱i̱ suntar mesetan unuimiátka armia nuka jintiak wáitinmaani̱ wéar jimiará wenukea nuke úunt akupniu kuku̱j ajarí̱ni̱ṉ Kartíu aentska péprun téntakar matsamtuiniai̱ṉ kashi jíintrar Arapánmaani̱ pisarar wéarmiayi.

Jrm. 24:8

Uunt Yus chichaak Jutanmaya̱ úunt akupin Setekíasnaka núnisaṉ úuntri̱ncha tura Jerusaréṉnumia̱ juákaru ju̱ nuṉkanam ikiukiarma áiniana ántsaṉ Ejiptu nuṉkanam pujuinia nunasha ikiu yajauch tí yajauch yúachmin ásarmatai muí̱jkiartatjana nútiksaran yajauch awajsartatjai.

Jrm. 32:5

Tura Setekíaska achikiar jukimiu Winia chichamur umiimiam wáitkiasma Papirúnianam pujustatui. Wi Uunt Yus asan núnaka tájame. Tura Kartíu aentsja̱i̱ mániakrumsha péṉker jintiurmakchattarme’ tuusha etseram?” tímiayi.

Jrm. 37:17

Nuyá̱ úunt akupin Setekías Jirimíasan sepunmaya̱ ji̱i̱ktiarum tusa akupkámiayi. Túramtai ni je̱e̱n Jirimíasan itiamtai u̱u̱k inintrak chicharuk “¿Uunt Yusa chichame̱ áwak?” tutai Jirimías aya̱k “Ee awai” tímiayi. Tura tuke chichaki̱ weak “Papirúnianmaya̱ úunt akupniu uwejé̱e̱n íktuan iniaisattajme” tímiayi.

Jrm. 39:4

Setekías Jutanmaya̱ úunt akupniu wáinkiar áishmaṉ mesetnum mánin armia nuka péprunmaya̱ pisarar kashi jíintrarmiayi úunt akupniu ajari̱ jintia wéamunmaani̱ jimiará tanish waiti Arapá jintianmaani̱ wéarmiayi.

Jrm. 42:7

Tias tsawant amúamunam Uunt Yusa chichame̱ Jirimíasan tarimiayi.

Jrm. 52:7

Túrunamtai pepru wenuke̱n wa̱a̱mawar mesetnum mánin armia nuka ashí pisakármiayi. Kame jimiará wénuk ámanum ajapén úunt akupniu kuku̱j ajarí̱n ápatnik waiti amia nuní̱ péprunmaya̱ṉka kashi jíintrarmiayi. Kame Kartíu aents péprunam ápatnik téntakar pujuráinian ikiuiniak Arapá jintianmaani̱ wéarmiayi.

Isk. 12:4

Kame tsawái̱ ashí aents iimiainiamunam achikiar chíkich nuṉkanam júamua núnikiam ame achíakmena nu jukim jiinkitia. Tura yajá nuṉkanam achikia júamua núnikiam kí̱arai̱ ashí aents iimiainiamunam wetá.

Isk. 12:6

Tura kirit ajá tesmanum ame warirum yakaimin awaṉkam tura ame yápim nukukam nuṉkasha wáinkiachminia ajasam ashí iimiainiamunam jiinkitia. Warí, nuna iisar Israer shuar enentáimprarti tusan áminkia aant áitkiajme” tímiayi Uunt Yus.