Isk. 12:10 - Yus Papí: Shuarja̱i̱ Yus Yamaram Chicham Najanamu

¹⁰ Kame Uunt Yus Ashí Aentsu Uuntri̱ chichaak ‘Wi túrajna ju̱ka Jerusaréṉnumia̱ akupin tura ashí Israer shuar nui̱ pujuinia nu ánis túrunattawai tusa nakummaiti’ tiartá.

Isk. 12:10 Iomraidhean Croise

2 Akup. 9:25

Nuyá̱ Jeú suntara uuntri̱ Pitkiaran chicharuk “Jukim Nawuta nuṉké̱ Jisriira pakarí̱ya̱ nui̱ ajapata” tímiayi. Enentáimsakia ámiji̱a̱i̱ kárunam ni aparí̱ Akaapa ukunmari̱ eṉkempra wéarin Uunt Yus ju̱ túrunatniun tíniuiti

Isa. 13:1

Papirúnia urukatta nuna Amusa uchirí̱ Isayas ímiaja̱i̱k wainiak etserkamiayi. Tura tarach naint atsamunam ainia nui̱ awajárum takuitiarum. Núnisrumek aents untsuktarum túrakrumin kakaram áiniana nuna wáitiri̱n waya̱warti. Winia ti shiir awajsamu áinian útsuiniajai. Tura Winia kakaram ainia nunasha untsukarjai. Núnisaṉ Wi nupetmakui warainiana nunasha Wi kajekan akupkámurun umikiarat tusan akupénajai.

Isa. 14:28

Akupin Akaas jakamia nú uwitin ju̱ asutniátniuka etsernakmiayi.

Jrm. 21:7

Uunt Yus chichaak “Nuyá̱ Jutanmaya̱ úunt akupin Setekíasnaka Papirúnianmaya̱ úunt akupin Napukutunusúra uwejé̱n íktusan iniaisattajai. Nuyá̱ takarniúrtiuk aentsush suṉkursha mesetcha tura tsuka amuumam péprunam juákarma núnaka ni nemasri̱ mátaj tusa e̱a̱inia nuna uwejé̱n íktusan iniaisartatjai. Túramtai puya̱ja̱i̱ máwartatui tura waitnentratniuka peṉké atsuttawai” titiá.’

Jrm. 24:8

Uunt Yus chichaak Jutanmaya̱ úunt akupin Setekíasnaka núnisaṉ úuntri̱ncha tura Jerusaréṉnumia̱ juákaru ju̱ nuṉkanam ikiukiarma áiniana ántsaṉ Ejiptu nuṉkanam pujuinia nunasha ikiu yajauch tí yajauch yúachmin ásarmatai muí̱jkiartatjana nútiksaran yajauch awajsartatjai.

Jrm. 38:18

Antsu Papirúnianmaya̱ akupniu suntari̱n surumachkumni̱ṉkia ju̱ pépruka Kartíu aentsri̱n surukma átatui. Tura ekemákartatui. Nuyá̱ amesha níya̱ṉka peṉké uwemprashtatme’” tímiayi.

Isk. 12:3

Tuma asamtai aentsu uchiri̱yá, chumpimiam ame pujamna nuyá̱ jiinkim chíkich nuṉkanam achikia júamua áintsamek tsawái̱ ashí aents iimiainiamunam ame je̱e̱minia̱ jiinkim chíkich nuṉkanam wetá. Núja̱i̱ṉkia ‘iikia ántichu shuarapitjia’ tu enentáimtumarchartimpiash.

Mks. 1:1

Uunt Yus Israer shuaran ju̱ chicham ujakárta tusa Marakíasan akatrámiayi.