Isk. 1:16 - Yus Papí: Shuarja̱i̱ Yus Yamaram Chicham Najanamu

¹⁶ Tenté ayantáinia íirkamuri̱sha tura najanamuri̱sha krisuritiu kaya núnin wínchar ajarmai. Tura kuatru tenté ayantáin arma nuna íirkamuri̱sha nuyá̱ najanamuri̱sha métek armai. Tu najanamu ásar tenté ayantáinium initiaani̱sha núniniak eṉketrar najanamua núniniauyi.

Isk. 1:16 Iomraidhean Croise

1 Akup. 7:33

tura karu náwe̱ya̱ núniniak armai. Wájakmari̱sha jirurí̱sha áchitramuri̱sha nuyá̱ jirurí̱ iṉkiuntikramuri̱sha jiru unuikmaja̱i̱ ashí najantkamu armai.

Juup 9:10

Yuska aentstikia nekaachminian, irunainia nunasha tí uuntan tura nekapmarchamnia tí peṉkeran najankaiti.

YKan. 36:6

Ame nekasa nuja̱i̱ métek túrutairmeka Yusa naintri̱ umuchkiachmin ainia núnisaiti. Núnisaṉ nekasa nuja̱i̱ métek sumamtiktairmesha uunt nayantsa núnisaiti. Tuma asam aentsush tura yajasmasha mash wainiainiame.

YKan. 40:5

Winia Uunt Yusru tí naṉkaamas enentáimkiartusuitme. Kame aentsti túrachmincha tí untsurí najanaitme. Warí ashí nu túrunamun etserkattsan wakerimjiai túrasha étsereakrisha peṉkesha iniaṉnakchamniaiti. Maa, Ámiji̱a̱i̱ métektakuka chíkichkia peṉké atsawai.

Anen. 5:14

Uwejé̱nka uwejnum awetai̱ kuri jasintuja̱i̱ eṉkerma ániuiti. Ni aya̱shi̱nkia yajasma wajiṉki̱ji̱a̱i̱ tura sapirua núniniaiti.

Tan. 10:6

Núnisaṉ ni aya̱shí̱nkia krisuritiu kaya ániuyi. Tura yapiṉkia peemja̱i̱ métekeyi. Ni ji̱sha shirikip keana ímianuyi. Tura kunturi̱sha, nawe̱sha, yaṉkú jiru jiamu wincha ajasua núnisauyi. Ni chichame̱ṉka untsurí shuar irunar tétete ajainiana tímianuyi.

Tan. 7:9

Kame nui̱ imiá wajai̱ṉ untsurí akupin pujuiniamunam akupin pujutai̱niam Tuke Tsawant Pujuwa nu pujusmai. Ni entsarmari̱sha micha timianú puju núnisaṉ intiashí̱sha uruchia timianú puju armai. Tura akupkur pujutái̱ri̱ṉkia ji keá tímianuyi nuyá̱ pujutái̱ri̱ nawé̱ téter wetairi̱ṉkia ji keemai.

Rum. 11:33

Maa, Yus imiá shiirchakait. Tí nekachukait. Ni túramu peṉké nekaachminiaitji.

Ipi. 3:10

Yamaikia ashí nayaimpiniam pujuinia nuka Yus ni shuari̱i̱n túrunamun iisar Yuska imiá neka asa ashí enentáimniua nuna paant nékainiawai.