Isa. 9:5 - Yus Papí: Shuarja̱i̱ Yus Yamaram Chicham Najanamu

⁵ Kame nupa̱ jiji̱a̱i̱ áesatniua núnisar mesetnum wéakur sapat awerar tásaar ajataiṉkia núnisaṉ mesetnum entsatái̱ pushí numpamkamusha áesnakartatui.

Isa. 9:5 Iomraidhean Croise

Naṉ. 32:30

Kame Jakup enentáimias winia jí̱ruja̱i̱ṉ Yusan wáinkiachjak túmaitkiuncha tuke iwiaaktsujak tú enentáimias nú nuṉkaṉka Piniir anaikiamiayi.

YKan. 46:9

mánitiai naṉkincha kupirainia nu tura mesetnum wetai káruncha áestuinia nu iitiarum. Nuna tura ashí nuṉka náṉkatka ímianai̱ mesetan iniaṉnakchaik.

YKan. 72:3

Yáiṉkratin asamtai náinniumia̱sha imiatkinchanum shiir pujustincha tura péṉker matsamsatniusha átatui.

Jiin. 23:21

Esettsa enentáimsarum ni chichame̱sha nakittsuk anturkatarum. Antsu niṉkia Winia naarja̱i̱ akupeamu asa atumí yajauch túramurminkia tsaṉkurashtatui.

Isa. 13:4

Untsurí nuṉkanmaya̱ tí untsurí aents iruntramua núnin naintia ántuwawai. Mesetan émtuku Uunt Yus Ni suntari̱n mesetan iwiarnatkarum iyaak túrawai. Tura Uunt Yussha núnisaṉ emeskartin ainia nusha yajaya̱ nayaimp náṉkatkamunmaya̱ áiniawai. Kame Ni kajetáiri̱n uminiak nuṉkan takamtsuk emeskarat tusar untsukarma áiniawai. Uunt Yusa tsawantri̱ jeá asamtai ashamakrum áyawa titiarum. Warí Ashí Tujintkiachu Yusa emeskatniuri̱ áchattuak. Tuma asamtai ashí aents sapijmiakartatui tura nuwa̱ uchin takustaj tusa najaimiana tímiatrus najaimiakartatui. Túmainiak ti sapijmiakar mái̱ iiniai ajartatui.

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Isa. 4:4

Tura Uunt Yus sumamtiktai̱ tura asutkiartutai̱ wakanja̱i̱ asutiá Seuna nawantri̱ mui̱jmiai̱ntri̱n tura Jerusaréṉnum numpa upuramun japirartatui.

Isa. 9:4

Warí Matiannum itiurkamiam nútiksam wáitkiainiamunmaya̱ tura kijin áentskur wáitkiainiamusha aṉkant awajsattame. Warí wáitkiatai̱ numiri̱sha kupiratniua nútikiam aṉkant awajsattame.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Jrm. 23:5

Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Jrm. 47:3

Kawairi̱ tsékenak tútur ajainiakui tura káruri̱sha ántuchat ajainiakui núnisaṉ karu nawe̱sha téter ajainiakui nuna antukar apasha sapijmiainiak ni uchirí̱ncha apajá̱skesha íitsuk utsaṉkar ikiuiniawai.

Juir 2:5

Tura naintia pakarí̱n nanten ajainiak mánitiai̱ karu untsurí ashiniak urukainiawa tímiatrusar téter ajainiawai. Núnisaṉ nukasha kaaku ekemam urukawa tímiatmainiak untsurí aents mesetan iwiarnatkar áya ajasár urukainiawa tímiatrusar uu ajartatui.

Mik. 5:1

Suntará pépruri̱ Jerusaréṉká ¡yamaikia ame suntarum irurarta! ¡Ii nemasri̱ téntatmak eṉketmáwarji! Tura Israer shuara sumamtikniuri̱nkia numiji̱a̱i̱ awatiar yapiniam tsupíawartatui.

Sak. 6:13

Ni Yusa Uunt Je̱e̱n je̱a̱mtatui tura naṉkamantu úunt akupin pujus pujutai̱ri̱ya̱ akupkáttawai. Ni pujana nui̱ṉ Yúsnan pujurniusha pujustatui. Nuiṉkia mái̱mtek shiir chichasar pujusártatui.

Mat. 3:11

Wikia átum ené enentáimiá ajasákrumin aya entsaja̱i̱ṉ ímiajrume. Antsu winia úkurui̱ winiana nuka péṉker awajtámsataj tusa imiantinia ánis tura jía ánis Yusa Wakaní̱n eṉketramprattarme. Wiji̱a̱i̱ naṉkamantu asamtai wikia tsuntsumpruán ni sapatrí̱nkisha atitrachminiaitjiai.

Tur. 2:19

Yakí̱ nayaimpiniam aents túrachminian iniakmastatjai. Tura nuṉkanmasha winia kakarmarun iniakmastaj tusan numpancha, jiniasha, mukuintiuncha yuraṉmia áintsaṉ akupkáttajai.

Tur. 2:3

Tura nui̱ pujuiniai̱ ji wajái̱ keá ániun wáinkiarmiayi. Túruna aṉkant aṉkant puunak tarurarmiayi.

2 Tis. 1:8

Tura nú tsawantai̱sha Yusan nékainiatsna núnaka ii Uuntri̱ Jesukrístu Uwempratin Chichame̱n uminiatsna nunasha ti asutiátajtsa tátatui.

Suma. 13:18

Tutai Uunt Yusa suntari̱ aya̱k “¿Urukamtai winia naarsha nekaattsam wakeram? Winia naarka nekaachminiaiti” tímiayi.