Isa. 9:4 - Yus Papí: Shuarja̱i̱ Yus Yamaram Chicham Najanamu

⁴ Warí Matiannum itiurkamiam nútiksam wáitkiainiamunmaya̱ tura kijin áentskur wáitkiainiamusha aṉkant awajsattame. Warí wáitkiatai̱ numiri̱sha kupiratniua nútikiam aṉkant awajsattame.

Isa. 9:4 Iomraidhean Croise

Naṉ. 27:40

Ame naṉkirmiji̱a̱i̱ṉ ayampruma átatme tura yatsumi takarniúri̱ átatme. Núnisaṉ ukunam katsunteachkum kakarmaja̱i̱ ame yatsumíya̱ jiinkim aṉkant ajastatme” tímiayi aparí̱.

YKan. 125:3

Yusan umircha ainia nuka péṉker túrin ainia nuna pujutái̱ri̱n matsamsachartatui. Péṉker túrin ainia nuka yajauchia nuna uwejé̱n iwiaintiukcharti.

YKan. 81:6

Tí kijin aentskar waitkiamunmaya̱ṉka wi aṉkant awajsámajme. Núnisaṉ ame uwejmesha chaṉkin kijin júkitniunka iniaisarmai.

Isa. 10:5

Asiriaka winia asutkiartutai̱ruinia anearti. Kame Wi shuaran kajerkan emesratniun akupeakui ni warirí̱nkia mash atantrar tura jú̱nik awajsarmatai tsakusa nútiksaṉ amuuturarat tusan nu yajauch aents tura umichu ainia nui̱ akuprartatjai.

Isa. 14:25

Asirianmaya̱ aentsnaka Winia nuṉkaruí̱ṉkia emeskartatjai antsu Winia náintrui̱ṉkia amuturartatjai. Túrawaram kijin netuamua núnis winia aentsur wáitiamuka juruntsartatui tura kijin entsakmari̱sha yakainiumiaṉka juruntsartatui.

Isa. 16:4

Winia ji̱i̱rar akuprarmasha Muapá maa, ámiji̱a̱i̱ pujusárti. Tura emeskartin winiakuisha ámeka ni ú̱mtairi̱ atá. Warí, amukratniuka núnisaṉ itit awajkartincha naṉkaamasartatui tura najakratniusha ju̱ nuṉkanmaṉ amuukattawai.

Isa. 47:6

Winia shuaruncha kajerkamjai. Tura Winia nuṉkarnasha mui̱jmiai̱ awajsámjai túran ámin íktusan iniaitiusmajme. Amesha peṉké waitnentracharmame. Úuntach ainia nusha tí waitkiasarmame.

Isa. 49:26

Nuyá̱ ámin wáitkiarmainia núnaka ni namaṉke̱nak ayurawartatjai túran ni numpe̱ja̱i̱ṉ winiu umar nampeana núnikiartatui. Nuyá̱ ashí nuṉkanmaya̱ aents Wikia Uunt Yus ámin Uwemtikin, ame Tumashrumin Akikmakua nu tura Jakupa shuari̱ Yusri̱ kakarmaitjiana nuna nekarawartatui” tawai.

Isa. 52:2

Maa, wajakím nuṉká ju̱yu̱ri̱ peamaram Jerusaréṉká pujusta. Túram Seuna nawantri̱ya̱ achirmak yajá juramainiak jiruja̱i̱ kuntujmin jiṉkiatmáwarmia nusha atimiarta.

Isa. 54:14

Nekas tuke péṉker túramuja̱i̱ umuchkiachmin matsastatme tura emetamunmaya̱ akankámu asam ashamkashtatme. Tura sapijmiaktin ashammainkia amiya̱ṉka yajá pujá asa jeartámchattawai.

Isa. 9:5

Kame nupa̱ jiji̱a̱i̱ áesatniua núnisar mesetnum wéakur sapat awerar tásaar ajataiṉkia núnisaṉ mesetnum entsatái̱ pushí numpamkamusha áesnakartatui.

Jrm. 30:8

Ashí Akupin Uunt Yus tuke tawai. Nu tsawant átatna nuiṉkia Wi kuntujmíya̱ṉ kijin awantkámua nuna kupirattajme. Tura jiṉkiamurmincha tsurintrattajme. Tura atakka chíkich nuṉkanmaya̱ ainia nuna iniatairi̱ áchattarme.

Riw. 26:13

Witjiai Ejiptunam matsatrumin nuyá̱ aentsu iniatairi̱ ára̱i̱ṉ tusan jí̱i̱rmiajrumna nu Uunt Yus atumí Yusri̱. Kame íniakur wáitkiatai matsatrumin Wi aṉkant awajsámiajrume túram paṉkairum naka wekasaitrume.