Isa. 9:3 - Yus Papí: Shuarja̱i̱ Yus Yamaram Chicham Najanamu

³ Ti untsurí shuar awajsaram warainia nú naṉkaamas waramtiksarume. Ame pujamunam warainia nuka arakan wará waraja̱i̱ juíniak tura mesetnum ata̱rman akantúnainiak warainia ímiatrus warartamsartatui.

Isa. 9:3 Iomraidhean Croise

YKan. 107:38

Tí peṉker matsámtánam yumiṉkramu ásar tí nukap pampainiawai tura ni waakari̱sha menarainiatsui.

YKan. 119:162

Tí nukap ata̱a̱r yaruak wéana núnisan wikia Ame chichammiin waraajai.

YKan. 4:7

Kame nu aents taramak ti warainia nuja̱i̱ naṉkaamas Ame winia enentái̱rui̱ ti waramtikrame.

Isa. 10:26

Kame Ashí Akupin Uunt Yus Urep kayanam Matian aentsun máwarmia núnisaṉ tura Ejiptunmasha túramia nútiksaṉ nincha ashí amukártatui. Nu ashí túrunamtai waitsa pujuiniamunmaya̱ṉka aṉkant ajastatrume. Nuya̱ṉka Wíniaitrume tusar Asiria wáitkiarmasmarumna nuya̱ṉka aṉkant ajastatrume.

Isa. 12:1

Nu tsawantai̱kia chichaakum “Uunt Yusru, wikia ámin yumiṉsajme. Warí winia kajertukuitiatmek tsaṉkurturuitme tura atsaṉturume.

Isa. 14:5

Tura Yusan enentáimtichu ainia nuna wai̱ri̱ tura akupin ainia nuna akuptai̱ numiri̱ncha Uunt Yuska kupirarai.

Isa. 25:9

Nu tsawantinkia chichainiak “Ii Yusri̱ṉkia Uunt Yuska ju̱i̱ti. Ni nákasaruitji tura uwemtikramprartatji. Kame uwemtikrampra asakrin shiir enentáimtusar wararsartai” tiártatui.

Isa. 35:10

Tura Jiuwá uwemtikrarma ainia nuka waketrar kantamkiar Seúnnum káunkartatui. Nuiṉkia etseṉkruktinia ántsaṉ amukashtin warartai takusartatui. Tura imiá shiir waratai̱n wáinkiar kúntuts pujakur wáittiakur úttaiṉkia emeṉkákartatui.

Isa. 35:2

Kampuntin atsú nuṉka núkap kuku̱jruk warastatui. Núnisaṉ tí waras kantamáttui. Ríwianu páantniuri̱ṉkia núnin atsú nuṉka sunastatui. Tura Karmiriu nuṉka núnisan Saruna shíirmari̱ya̱ núnin atsú nuṉka sunastatui. Tura Jiuwá winchari̱n tura ii Yusri̱ shíirmari̱n wáinkiartatui.

Isa. 54:1

“Kaa ajasu nuwá̱ uchi takuchu asam maa ¡warasta! Núnisaṉ uchi takakum najaimiachuitiatmek warakum kakaram kantamáta. Warí nuwa̱ uchirí̱ atantrar kúntuts ikiukmia nu áishri̱nniuja̱i̱ṉkia naṉkaamas untsurí uchin takustatui, tawai Uunt Yus.

Isa. 55:12

Ti nekas warasrum jíintrattarme tura aṉkant awajsar yaruakma átatrume. Tura naintcha núnisaṉ naintiar naintiar ainia nusha atumín kantamprútmainiak charaatum ajartatui. Tura ashí kampunniunmaya̱ numisha pákeer awajtámiartatui.

Isa. 61:10

Kame wikia Uunt Yusai̱ tí shiir warastatjai tura winia Yusruí̱ tí shiir enentáimsattawai. Warí pushincha Ni áentsturua núnis uwempratniun surusuiti tura nekasa nuja̱i̱ métek túrutai̱ awaṉkémnasha ikiurtusuiti. Nuyá̱ áishmaṉ nuatua núnis akupin etseṉkrutai̱n ikiurtus nuwa̱ nuatnak kuri najankamuja̱i̱ iwiarmamna tímiatrus iwiarmamtikruruiti.

Isa. 61:7

Tura átumka natsanmai̱ ajamuka iniaisarum tí nukap patakma takustatrume. Núnisaraṉ wishikmai ajamunka iniaisar niniu átinia nuna wáinkiar tí warasartatui. Tuma asamtai ni nuṉke̱nka núna nukap patakman takusartatui tura ni waratáiri̱sha peṉké náṉkatkachu ártatui.

Isa. 65:14

Nekaatarum. Winia takartin áiniaka enentáiji̱a̱i̱ warainiak kantamáwartatui túrasha átumka enentáim najaimiakrum kakaram úttiatrume. Núnisrumek atumí wakaní̱ncha jakamnia nekapeakrum wáitsattarme.

Isa. 65:18

Antsu Wi najankattajna nuja̱i̱ nekaska iniaṉnatsuk ti shiir enentáimsarum warastarum. Warí Jerusaréṉnaka warastinian tura nui̱ matsatainianka ti shiir enentáimsar pujusárat tusan najanattajai.

Isa. 66:10

Tuma asamtai Jerusaréṉja̱i̱ warastarum núnisrumek ashí ni anearmena nútirmesha niji̱a̱i̱ shiir enentáimsatarum. Tura ashí ni enentáimtusrum kúntuts pujatirmesha shiir enentáimsatarum.

Jrm. 31:7

Warí, Uunt Yus chichaak “Jakup enentáimtusrum warakrum ti shiir enentáimsatarum. Tura uunt nuṉka mátsatkamu uuntri̱ asarum warakrum kakantra untsumkatarum. Tura Yusa naari̱ shiir awajeakrum ‘Uunt Yusá ame pépruram Israer shuar juákaru uwemtikrarta’ tákuram paant ántumtikiatarum.

Riw. 26:13

Witjiai Ejiptunam matsatrumin nuyá̱ aentsu iniatairi̱ ára̱i̱ṉ tusan jí̱i̱rmiajrumna nu Uunt Yus atumí Yusri̱. Kame íniakur wáitkiatai matsatrumin Wi aṉkant awajsámiajrume túram paṉkairum naka wekasaitrume.

Sak. 2:11

“Kame nu túrunamtai uunt nuṉka mátsatkamu untsurí Uunt Yusai̱ pachinkiartatui. Túrunawar Wi shuar ajasártatui. Nuya̱ṉka Wisha atumji̱a̱i̱ matsamsattajai. Nu túrunamtai antsu nuiṉkia Ashí Akupin Uunt Yus atumíin akuptúkua nu nekaattarme” tawai Uunt Yus.

Sak. 8:23

Ashí Akupin Uunt Yusan chichaak ‘Nu tsawantinkia yajaya̱ tias shuar chíkich chichamtin ainia nu, chikichik Israer shuaran pushiniam achik emetawar “Atumji̱a̱i̱ wemí tusar wakeraji. Yus atumji̱a̱i̱ pujá tama antukuitji” tiártatui’” tímiayi.

Ruk. 11:22

Antsu niji̱a̱i̱ naṉkaamas kakaram ana nu winiakka nupetkashtatuak. Tura kíishtumaktinian iwiar takakman jurawai. Tura kasamkámun ni amikri̱n suawai. Kakaram áishmaṉ iwianchin nakumeawai. Tura nuja̱i̱ naṉkaamas kakaram áishmaṉ Winia nakumprawai.

Tur. 8:8

Tuma asamtai nú peprunmaya̱ṉka ashí shuar ti warasar pujuarmiayi.

Jir. 4:4

Nu asamtai Uunt Jesusja̱i̱ tsaniṉkia pujá asarum tuke warastarum. Ataksha warastarum tájarme.

1 Pit. 1:8

Jesukrístu wáinchaitiatrum anearme. Tura yamái wáinchiatrumek nekas enentáimtarme. Tuma asarum ti wararme. Nu warastin nayaimpiniam warastatjinia núniskete, nuka paant títin jeatsji.

Suma. 7:22

Tura traisiantu áishmaṉ kachun umpuiniakui Uunt Yus Matian aentsun nuamtak puya̱ja̱i̱ mámtikiawarmiayi. Tura chíkich suntarka pisarar Pitsitia péprunam Sereranmaani̱ Apirmiúra nuṉke̱ náṉkatkamunam Tawat péprunam jeawarmiayi.