Isa. 9:2 - Yus Papí: Shuarja̱i̱ Yus Yamaram Chicham Najanamu

² Tura shuar kiritniunam wekainiarma nusha tí tsaapninian wáinkiarmai. Núnisaṉ kiritin nuṉkanam jákatniunam pujuinian tsáapin ajattsamiayi. Mat. 4:16; Ipi. 5:8,14

Isa. 9:2 Iomraidhean Croise

Juup 10:21

Tura jakar, waketki̱ táchatai tee nuṉkanam kiritniunam wéatsa̱i̱ṉ

YKan. 107:10

Chíkichkia jiruja̱i̱ jiṉkiar sepunam ti kiritniunam tura wariṉsha íischamnia wáitkiasar wáitnenmai ajá matsamin pujusár

YKan. 107:14

Kirit téenam jákatniunam matsatun ji̱i̱rarmai tura jiṉkiamuri̱n tsurintrarmai.

YKan. 23:4

Paka kiritniunam jakamnianum wekaaknasha Ame winia tuke pujurta asakmin peṉké ashamkashtatjai. Warí murikiu wáinin ni wái̱ri̱ji̱a̱i̱ murikrí̱n ayamprúk tura murikiun á̱a̱rear péṉker jintianmaani̱ yarumna núnisam ayamprutkam péṉker jintianmaani̱ jurakum shiir enentáimtikruram ikiakáteame.

YKan. 4:8

Warí Uunt Yusá, aya Áminiak enentáimtakui shiir pujustin surame. Tura asakmin aṉkanniunam tepesan shiir kanartatjai.

Isa. 50:10

Atumíya̱sha ¿ya Uunt Yusan ashama? Núnisaṉ ni takarniúri̱ chichame̱n ¿ánturusha aa? Tura kiritniunam wekaakrum nu tsáapnin atsumamna nuka aya Uunt Yusak enentáimtusam Nini̱ṉ kaka̱rtarum.

Isa. 9:1

Túmaitiat kiritniunam wáitias pujú arma nuka núniskeka pujuschartatui. Tura yáunchuka Sapurún tura Neptarí nuṉké̱ wáitkiasma ásarmatai ukunmaṉka tsawant jeattana nui̱ṉkia nayantsanam wetai jintianmaani̱ tura Jurtan entsa amaini̱ ashí Kariréanam Israer shuarcha pujuinia ímianaisha páantin awajnástatui.

Ams. 5:8

Tuma asarum Musachincha Utunmíncha ántsaṉ kiritniuncha atsa̱we̱a̱ nu núnisaṉ tsawantnasha kashi awajna nu e̱a̱ktarum. Tura nayantsanmaya̱n entsancha untsuk ashí nuṉkanam tseṉkerum waa ajastarum tana nuna náari̱ṉkia Jiuwayaiti.

Mat. 4:16

Nu aents kiritniunam pujuiniayataṉ ti tsáapninian wáinkiarmiayi. Jákatniunam pujuiniai̱ tsáapin tsáapnirmiayi.” Isa. 9:1-2

Ruk. 2:32

Israer shuarcha ainia nu tsáapninium wekasarat tusa akuptúkmaiti ju̱ Uchi. Isa. 9:2; 42:6; 49:6 Tura Israer shuar Áminiuram ájinia nuna ashí aents shiir enentáimtikrarti tusam ju̱ Uchi akuptúkmaitji. Nuna wainkian shiir enentáimsan jákatniuitjiai” tímiayi.

Juaṉ 12:35

Nuiṉkia Jesus chichaak “Wi tsáapninia áintsaṉketjai. Tsáapnisha atumíin aya ishichik tsawantin tsáapniartatui. Tsáapin ana ju̱i̱k wekasatarum kirit ajatsa̱i̱ṉ. Kame kiritniunam wekaana nusha nékatsui itiuranimpia wea.

Juaṉ 12:46

Wikia tsáapnin asan Winia enentáimturainia nuka kiritniunam wekasa̱i̱ṉ tusan ju̱ nuṉkanam táwitjiai.

Juaṉ 8:12

Ataksha Jesus Yusa Uunt Je̱e̱n iruntrarun chicharainiak “Ju̱ nuṉkanam Wi tsáapninia áintsan shuara enentái̱n paant awajtajai. Ashí Wiji̱a̱i̱ tsaniṉ wekaana nú shuar kiritniunam wekasashtatui antsu shuar iwiaaku pujuwa nu tsáapninium wekasattawai” tímiayi.

Ipi. 5:8

Yáunchuka atumsha kiritniunam wekainiuyarme. Tura yamaikia Krístuja̱i̱ tsaniṉkiu asarum péṉker tsáapninium wekaarme. Shuar tsáapninium wekainia nuja̱i̱ métek wekasatarum.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6